«Ֆինանսական նորարարություն ազգային զարգացման համար» համաժողովի ամփոփում
26.05.2017
12:00
Մայիսի 26-ին «Մեդիա կենտրոնում» տեղի ունեցավ մամլո ասուլիս նվիրված «Ֆինանսական նորարարություն ազգային զարգացման համար» համաժողովի ամփոփմանը:

Ասուլիսին մասնակցում էին Եվրոպական երիտասարդական պառլամենտ  Հայաստանի նախագահ Արման Գասպարյանը, Համաժողովի գլխավոր կազմակերպիչ Թալին Սաղդասարյանը և ՀՀ կենտրոնական բանկի ֆինանսական կրթման մասնագետ Արթուր Փոքրիկյանը:

Հայաստանում Եվրոպական երիտասարդական պառլամենտի և ՀՀ կենտրոնական բանկի համագործակցությամբ մայիսի 20-ից 24-ին արդեն երկրորդ տարին շարունակ կայացավ«Ֆինանսական նորարարություն ազգային զարգացման համար» համահայկական ուսանողական համաժողովը` «Իմ ֆինանսների ամիս» ծրագրի շրջանակներում:

Համաժողովը համախմբել էր շուրջ 120 ուսանողի Երևանի և ՀՀ մարզերի բուհերից:

Թալին Սաղդասարյանն ասում է, որ առաջին օրը կազմվել են 12 թիմեր և թիմերում քննարկվել են 12 առանձին թեմաներ:

«Թեմաները հիմնականում ուղղված են եղել գյուղական համայնքներում ֆինանսական կրթմանը: Ամեն հանձնաժողով առաջարկում էր ինչ-որ բանաձև կամ լուծում, վերջում այդ առաջարկները քննարկվել են համաժողովի բոլոր մասնակիցների կողմից, որոշները անցել են, որոշները՝ ոչ: Թեմա ունեինք վարկերի հետ կապված, թե ինչպես անեն, որ գյուղական համայնքներում վարկեր վերցնեն, որ վարկն է ճիշտ, որ իրենք վերցնեն, որը՝ ոչ»,-ասում է Սաղդասարյանը:

Համաժողովին մասնակցում էին ուսանողներ Երևանից, Գավառից, Իջևանից, Գյումրիից և Վանաձորից:

Արթուր Փոքրիկյանն ասում է, որ Կենտրոնական բանկում դեռ 2007-ից սկսած իրականցնում են ֆինանսական կրթմանն ուղված ծրագրեր:

«Շատ կարևոր է ապահովել սպառողների շահերի պաշտպանությունը ֆինանսական ոլորտում, և ըստ ֆինանսական կրթման ազգային ռազմավարության, մենք մի շարք ծրագրեր ենք իրականցնում: Մեր թիրախային խմբերն են աշակերտները, ուսանողները, գյուղական համայնքների բնակչությունը, կանայք, այն մարդիկ, ովքեր ֆինանսական կրթման կարիք ունեն»,-նշեց Փոքրիկյանը:

Նա ընդգծում է, որ այս ծրագիրը երկու նպատակ ունի: Առաջինը համաժողովի բոլոր մասնակիցները ձեռք են բերում գիտելիքներ իրենց անձնական ֆինանսները կառավարելու համար:

«Երկրորդ խոշոր նպատակը այն է, որ քանի որ գյուղական համայնքները հաճախ են առնչվում ֆինանսական ծառայությունների հետ, և մենք իրականացնում ենք սեմինարներ, վարքագծային հետազոտություն, որի արդյունքում տարբեր ֆինանսական կրթման մոդելներ ենք մշակում ու բացահայտում խնդիրներ, ապա այդ խնդիրները քննարկել հենց երիտասարդների հետ: Այս համաժողովին այդ բացահայտված խնդրներըքննարկելով  12 թիմերի հետ՝ ստացել ենք տարբեր առաջարկներ և լուծումներ: Առաջարկված տարբերակները պետք է վերանայվեն, քննարկվեն, ուսումնասիրվեն, և որը կկարողանանք իրականացնել, կփորձենք արդեն ռեսուրսներ կենտրոնացնել այդ ծրագրերին՝ ռեալիզացնելու համար»,-ասաց Փոքրիկյանը:

Արման Գասպարյանն էլ նշեց, որ երիտասարդների հետաքրքրվածությունը ու ակտիվությունը բավականին մեծ էր համաժողովին:

«Ի տարբերություն Երևանի՝ մարզերում մի փոքր պատկերը այլ էր, տեղեկատվության զգալի պակաս կար: Մենք փորձեցինք կապ հաստատել մարզային համալսարանների հետ ու տեղեկացնել, որ ուսանողները հնարավորինս շատ մասնակցեն և գրեթե բոլոր համալսարաններից մասնակցության թիվը մեր պահանջածից ու ակնկալածից շատ էր: Դա պարզ և դրական պատկեր էր, որ եթե հնարավորություն ես տալիս մասնակցելու, երիատասարդները մեծ ցանկություն ունեն հավելյալ կրթություն  ստանալու, ոլորտային կրություն ստանալու և հասարակությանը ինտեգրվելու համար»,-հավելեց Գասպարյանը:

Ասուլիսի շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ