«ԼԳԲՏԻՔ անձանց իրավունքների խախտումները Հայաստանում»
17.05.2017
12:00
Մայիսի 17-ին Մեդիա կենտրոնում տեղի ունեցավ Հոմոֆոբիայի և տրանսֆոբիայի դեմ պայքարի միջազգային օրվան նվիրված քննարկում «ԼԳԲՏԻՔ անձանց իրավունքների խախտումները Հայաստանում» թեմայով:

Քննարկմանը մասնակցում էին «Նոր Սերունդ» Մարդասիրական ՀԿ-ի նախագահ Սերգեյ Գաբրիելյանը, «Նոր Սերունդ» Մարդասիրական ՀԿ-ի հավասարության և բազմազանության ծրագրերի համակարգող Արման Սահակյանը, «Նոր Սերունդ» Մարդասիրական ՀԿ-ի մարդու իրավունքների և շահերի պաշտպանության ծրագրերի համակարգող Նարե Հովհաննիսյանը և «Իրավունքի կողմ» իրավապաշտպան ՀԿ-ի նախագահ Լիլիթ Մարտիրոսյանը և «Նոր Սերունդ» Մարդասիրական ՀԿ-ի իրավաբան Հայկ Հայրապետյանը:

Քննարկման սկզբում Արման Սահակյանը ներկայացրեց հոմոֆոբիայի տեսակները:  
«Առհասարակ հասարակությունում հոմոֆոբիան գիտելիքի պակասի, նախապաշարմունքների և որոշակի ավանդույթների հիման վրա հիմնված երևույթ է, որի դեմ պայքարը հասարակության իրավագիտակցության մակարդակի բարձրացումն է և ճիշտ ինֆորմացիայի տրամադրումը»,-ասաց նա:

Սահակյանը նշեց, որ աշխարհում 100 երկրներ տոնում են այս տոնը: Նա նշեց, որ քաղաքում իրականացնելու են շրջիկ ֆլեշմոբ, «Առողջության իրավունք»  ծրագրի շնորհանդեսն է լինելու, և բազմազանությունը տոնող փակ միջոցառում։  
Սերգեյ Գաբրիելյանն ասաց, որ իրենց ՀԿ-ն արդեն 20 տարի է պայքարում է Հայաստանում ԼԳԲՏԻՔ անձանց իրավունքների պաշտպաբնության համար:

«Մենք չենք տեսնում այն առաջխաղացումները, այն թունելի վերջի լույսը, որը պետք է ՀՀ-ում վառվի և գերակայեն մարդու իրավունքները, չնայած ՀՀ-ն վավերացրել է բազմաթիվ միջազգային փաստաթղթեր, որով դատապարտում է հոմոֆոբիան և տրանսֆոբիան, բայց այդ փաստաթղթերը մնում են օդում, հասարակության կողմից ավելանում է ագրեսիան»,-ասաց Գաբրիելյանը:

Նա ընդգծեց, որ պետության պարտավորությունն է պաշտպանել մարդկանց հոմոֆոբիայից, կանխարգելել ատելության կոչերը, որոնք ըստ նրա, սփռված են ԶԼՄ-ներում, պետական, ոչ պետական կազմակերպություններում, սոցիալական ցանցերում: 

Նա ասաց, որ այսօր 6 հազարից ավելի քաղաքացիական կազմակերպություններից 300-ից ավելին զբաղվում մարդու իրավունքների պաշտպանությամբ, բայց նրանցից 86 տոկոսը ընդհանրապես չեն ցանկանում խոսել այս խնդրի մասին:

«Ավելին՝ վատթարացում կա և՛ խտրական վերաբերմունքի, և՛ բռնությունների առումով: Մարդիկ նույն կարծրատիպային մթնոլորտում են գտնվում»,-ասաց Գաբրիելյանը:

Նարե Հովհաննիսյանն էլ ներկայացրեց «Նոր սերունդ» մարդասիրական ՀԿ-ի իրականացրած հետազոտության արդյունքները, ըստ որի ուժային կառույցներում ֆիզիկական և սեռական բռնությունները, անհանդուրժողականության և ատելության խոսքը ԼԳԲՏԻՔ անձանց նկատմամբ դրսևորվում է 100 տոկոսով, մեդիա դաշտում հոգեբանական ճնշումները, անհանդուրժողականության և ատելության խոսքի դրսևորումները՝ 90 տոկոսով, ԼԳԲՏԻՔ ընտանիքներում ֆիզիկական ճնշումները 60 տոկոս են, անհանդուրժողականության դրսևորումները՝ 72 տոկոս, հոգեբանական ճնշումները՝ 74 տոկոս:

«Պետական կառույցներում ֆիզիկական բռնությունները 5 տոկոս են, անհանդուժողականության դրսևորումները՝ 75 տոկոս, առողջապահության ոլորտում սեռական բռնությունը՝ 10 տոկոս, կրոնական կազմակերպություններում՝ 8 տոկոս, ժամանցի վայրերում՝ 55 տոկոս»,-ասաց Հովհաննիսյանը:

«Իրավունքի կողմ» իրավապաշտպան ՀԿ նախագահ Լիլիթ Մարտիրոսյանն ասաց, որ իրենց կազմակերպությունը զբաղվում  է տրանս անձանց հիմնախնդիրներով: Նա հայտնեց, որ վերջին 1,5 տարվա ընթացքում ունեցել են 6 անվանափոխություն: 

«ՀՀ-ում չունենք այնպիսի օրենք, որը թույլ կտա անձին սեռափոխության վիրահատական միջամտություններ կատարել, հետևաբար տրանս անձինք ենթարկվում են խտրականության թե՛ բժշկական հաստատությունների, թե՛ բժիշկների կողմից»,-ասաց նա և նշեց, այս տարի արդեն գրանցվել է տրանս անձանց նկատմամբ 30 բռնության դեպք:

Հայկ Հայրապետյանը նույնպես ընդգծեց, որ օրենսդրական բաց կա:

«Մի դեպքում կան միջազգային պայմանագրեր, որոնք ՀՀ-ն ստորագրել է, սակայն մյուս կողմից չկան ներպետական իրավական ակտեր, օրենսդրություն: Խտրականությունը արգելող օրենքը մեծ նշանակություն ունեցող նորմատիվ ակտ է, և իրավապաշտպանների համար բացակայում են այն եղանակները, որոնց միջոցով հնարավորություն կստեղծվեր այդ մարդկանց իրավունքների պաշտպանությունը»,-ասաց Հայրապետյանը:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Խոշտանգումը շարունակում է խնդիր մնալ անգամ հեղափոխությունից հետո. Արա Ղարագյոզյան
26.03.2020
20:02
Երեկ՝ մարտի 25-ին, Վերաքննիչ դատարանը մասնակի բավարարել է խոշտանգման գործով տուժող ճանաչված քաղաքացու շահերի պաշտպան Արա Ղարագյոզյանի ու դատախազ Վարդգես Սարգսյանի բողոքները՝ բեկանելով Տավուշի մարզի ընդհանուր իրավասության դատարանի խոշտանգման գործով ամբաստանյալի նկատմամբ արդարացման դատավճիռը, գործը ուղարկելով առաջին ատյանի դատարան՝ նոր ծավալով քննության։
Սովորենք սիրել ու պահպանել միմյանց
26.03.2020
19:54
Ինչպե՞ս հաղթահարել կորոնավիրուսի տարածմամբ պայմանավորված՝ մեկ ամիս (գուցե ավելի) տնից դուրս չգալու անորոշությունը: Ի՞նչ լուծումներ են առաջարկում հոգեբանները՝ նվազագույն էմոցիոնալ կորուստներով հաղթահարելու համաշխարհային մասշտաբի այս ճգնաժամը: Այս և մի շարք այլ հարցերի շուրջ ենք զրուցել «ԱՅԳ» հոգեբանական ծառայությունների կենտրոնի տնօրեն Վարուժան Մելքոնյանի հետ: