«ԵԱՀԿ երևանյան գրասենյակի փակման պատճառներն ու հետևանքները»
10.05.2017
17:00
Մայիսի 10-ին Մեդիա կենտրոնում տեղի ունեցավ քննարկում «ԵԱՀԿ երևանյան գրասենյակի փակման պատճառներն ու հետևանքները» թեմայով:

Քննարկման բանախոսներն էին ՀՀ ԱԺ արտաքին հարաբերությունների հանձնաժողովի նախկին նախագահ Հովհաննես Իգիթյանը, «Եվրասիա համագործակցություն հիմնադրամի» գլխավոր տնօրեն Գևորգ Տեր-Գաբրիելյանը և ՀՀ ԱԺ պատգամավոր Էդմոն Մարուքյանը:

Հայաստանը միակ երկիրն էր տարածաշրջանում, որտեղ ԵԱՀԿ-ն գրասենյակ ուներ, ինչը, սակայն, Ադրբեջանի ջանքերով փակվում է: Բաքվում 2000 թ.  ամռանը բացված ԵԱՀԿ գրասենյակն իր գործունեությունն ավարտեց 2014 թ.-ին,  Թբիլիսիում 1992 թվականին բացված գրասենյակը փակվեց 2008 թ.-ին: 

Բանախոսները նախ մտահոգություն հայտնեցին ԵԱՀԿ երևանյան գրասենյակի փակման գործընթացի հետ կապված:

Անդրադառնալով Ադրբեջանի դիրքորոշման պատճառով ԵԱՀԿ երևանյան գրասենյակի փակմանը՝  Հովհաննես Իգիթյանը կարծիք հայտնեց, որ այն Ադրբեջանը կապում է Լեռնային Ղարաբաղի հակամարտության հետ և գտնում, որ գրասենյակի իրականացրած ծրագրերը նպաստում է ստատուս քվոյի պահպանմանը:

«Ադրբեջանի պատճառաբանություններն անհեթեթ են: Ադրբեջանը միշտ էլ պրոբլեմատիկ վերաբերմունք է ունեցել ԵԱՀԿ-ի նկատմամբ: Հիշենք թեկուզ Բաքվում ԵԱՀԿ գրասենյակի փակման պատմությունը: Ադրբեջանն ուղիղ ձևով չկարողանալով ազդել ԵԱՀԿ-ի ծրագրերի իրականացման վրա՝ նա օգտագործեց իր վետոյի իրավունքը և սրանով փակվեց Հարավային Կովկասում ԵԱՀԿ վերջին գրասենյակը»,- նշեց Հովհաննես Իգիթյանը:

Իսկ թե ինչ հետևանքներ կունենա Ադրբեջանի համար երևանյան գրասենյակի փակումը, Իգիթյանի կարծիքով կախված է հայկական կողմի գործողություններից:

«Նույն ԵԱՀԿ-ի ներսում կան մարմիններ, որտեղ կոնսենսուսի գաղափարը չի գործում: Վերցնենք թեկուզ խորհրդարանական վեհաժողովի կոմիտեները և բանաձևերը: Այդտեղ մեծամասնությամբ են քվեարկում: Հայաստանն այսօրվանից պետք է պատրաստվի մյուս վեհաժողովին: Այնտեղ այդ կետը պետք է անպայման լինի, որ դատապարտվում են Ադրբեջանի ոչ կոնստրուկտիվ քայլերը»,- ասում է Հովհաննես Իգիթյանը:

Եվրասիա համագործակցություն հիմնադրամի գլխավոր տնօրեն Գևորգ Տեր-Գաբրիելյանը ԵԱՀԿ գրասենյակի փակումն առաջարկեց դիտարկել մարտավարական ու ռազմավարական հարթությունների վրա:

«ԵԱՀԿ երևանյան գրասենյակի փակումից տակտիկական առումով մեզ մեծ վնաս չի լինելու, վնասը լինելու է ռազմավարական տեսանկյունից: Այսպիսով Ադրբեջանը փորձում է միջամտել Հայաստանի ներքին զարգացումներին»,- նշում է Գևորգ Տեր-Գաբրիլյանը՝ հավելելով, որ ԵԱՀԿ երևանյան գրասենյակի փակումը հայկական դիվանագիտության պարտությունն է, քանի որ ժամանակին չի կանխատեսվել և կանխարգելիչ միջոցառումներ չեն ձեռնարկվել:

Անդրադառնալով Ադրբեջանի բուն նպատակներին՝ Գևորգ Տեր-Գաբրիելյանը նշեց. «Ադրբեջանի կառավարությունը Հայաստանին ցանկանում է իզոլացնել միջազգային հարաբերությունների ցանցից, ուզում է ազդել Հայաստանի ներքին իրավիճակի վրա, ուզում է ազդել Հայաստանի ժողովրդավարության վրա և ուզում է ազդել Հայաստանի քաղաքացիական հասարակության շանսերի վրա»:

Բանախոսը կարծում է, որ  ԵԱՀԿ երևանյան գրասենյակի փակումը բխում է նաև Ռուսաստանի շահերից, քանի որ նա ձգտում է Հայաստանին հեռու պահել միջազգային ցանցերից: 

ԱԺ պատգամավոր Էդմոն Մարուքյանը ԵԱՀԿ գրասենյակի փակման առումով մտավախություն ունի, որ այն քաղաքական առումով կարող է ազդել Հայաստան-ԵԱՀԿ հարաբերությունների ակտիվության վրա, սակայն Հայաստանի համար այն չի կարող քաղաքական հետևանքներ ունենալ:

«Քաղաքական առումով գրասենյակի փակումը որևէ ազդեցություն չի կարող ունենալ, քանի որ փակման հարցը Հայաստանի կողմից չի առաջադրվել: Ադրբեջանը գնացել է ամենածայրահեղ ճանապարհով և մինչև վերջ պայքարել է գրասենյակի փակման համար»,- նշեց Էդմոն Մարուքյանը:

Միաժամանակ վկայակոչելով ՀՀ արտգործնախարարությանը՝ պատգամավորը նշեց, որ հայկական կողմը բոլոր հնարավոր ջանքերը գործադրել է ԵԱՀԿ երևանյան գրասենյակի փակումը կանխելու համար, սակայն չի ստացվել: 

Պատգամավորը նաև նշում է, թե ԵԱՀԿ գրասենյակի գործունեության դրական ազդեցությունը հատկապես զգալի էր քաղաքացիական սեկտորի համար, քանի որ այն մեծ աջակցություն էր ցուցաբերում քաղաքացիական հասարակության ինստիտուտների կայացմանը:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա
13.05.2021
14:00
Մայիսի 13-ին՝ ժամը 14:00-ին, Մեդիա կենտրոնը կազմակերպեց հարցազրույց Ընտրական համակարգերի միջազգային հաստատության հայաստանյան մասնաճյուղի (IFES Armenia) ընտրությունների ավագ մասնագետ Աղասի Եսայանի հետ «Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա» թեմայով
Նախընտրական Հայաստան. ընտրությունը դարձյալ նախկին-ներկա շրջապտույտու՞մ է
10.05.2021
12:30
Մայիսի 10-ին, ժամը 12:30-ին, Մեդիա կենտրոնն առցանց քննարկում կազմակերպեց՝ «Նախընտրական Հայաստան. ընտրությունը դարձյալ նախկին-ներկա շրջապտույտու՞մ է» թեմայով:
Քաղաքացու կերպարի վերաիմաստավորումը հետպատերազմյան Հայաստանում
07.05.2021
17:00
Մայիսի 7-ին՝ ժամը 17:00-ին, Մեդիա կենտրոնը Դիլիջանի համայնքային կենտրոնում (61 Մյասնիկյան, Դիլիջան) կազմակերպել է հանդիպում մշակութային մարդաբան Աղասի Թադևոսյանի հետ:
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...