«Աննախադեպ լավ ընտրություններ պետք չէ սպասել». Վարուժան Հոկտանյան
29.03.2017
11:00
Խորհրդարանական ընտրությունների քարոզարշավի ժամանակ ամենատարածված խախտումներն են աշխատանքային ժամերին պաշտոնյաների ու պետական հաստատություններում աշխատակիցների մասնակցությունը իշխանական կուսակցությունների, հատկապես ՀՀԿ թեկանծեւների հետ հանդիպումներին:

Այս մասին «Մեդիա կենտրոնում» մարտի 29-ին «2017թ. խորհրդարանական ընտրությունների վարչական ռեսուրսի չարաշահման մոնիտորինգի արդյունքները» թեմայով մամուլի ասուլիսին հայտարարեց Թրանսփարենսի ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը: Իրականացված մոնիտիրինգի ժամանակ հայտնաբերվել են խախտումներ եւ վարչական ռեսուրսի չարաշահման դեպքեր Հայաստանի գրեթե բոլոր մարզերում:

«Արարատի մարզի Բերքանուշ համայնքում մարտի 20-ին քարոզարշավին մասնակցել են պոլիկլինիկայի աշխատակիցներն աշխատանքի ժամերին: Արտաշատում՝ ակնոցների բաժանում: Եղեգնաձորում, Արփի գյուղում, օրինակ, ՀՀԿ ռեյտինգային թեկնածու Աշոտ Արսենյանը հանդիպման ժամանակ ուղղակի պահանջել է, որ իրեն պետք է ապահովի 400 ձայն այդ գյուղը», - ասաց Հոկտանյանը:

Միեւնույն ժամանակ նա պարզաբանում է, որ վարչական ռեսուրսի չարաշահման ձեւերից են ճնշումներն ու սպառնալիքները, ընտրակաշառքի բաժանումն ու ցուցակագրումը։ Այս համատեքստում նա անդրադարձավ «Իրազեկ քաղաքցիների միավորում» ՀԿ-ի՝ դպրոցների ու մանկապարտեզների տնօրենների ցուցակագրումների մասին աղմկահարույց բացահայտմանը եւ իշխանության արձագանքին:

«Իշխանության մեկնաբանությունը, թե դպրոցների ու մանկապարտեզների տնօրենները աշխատանքի ժամին  ցուցակագրում չեն կատարել, ամենևին արդարացում չէ: Երբ ԿԸՀ-ն հայտարարում է, թե նրանց գործողությունների մեջ իրավախախտում չի տեսել, քանի որ նրանք ցուցակագրում իրականացրել են ոչ աշխատանքային ժամերին, սա վստահություն չի ներշնչում: Ստացվում է՝ ԿԸՀ-ն ուղղակի նրանց հարցրել է, իսկ այդ տնօրեններն էլ ասել են «ազնիվ խոսք» չենք արել նման բան, ու գործընթացը կարճվել է», - նշում է բանախոսը։

Հոկտանյանը պարզաբանեց, որ ցուցակագրումն ինքնին վարչական ռեսուրսի չարաշահում է, երբ դա վերադասն է անում աշխատավայրում: «Իսկ տնօրենը վերադաս է ուսուցիչների նկատմամբ: Այստեղ արդեն կապ չունի դա աշխատանքային ժամին է կատարվել, թե ոչ», - հավելեց նա: 

Բանախոսը նկատում է, որ ՀՀԿ-ն միակը չէ խախտումներ թույլ տալու եւ վարչական ռեսուրս կիրառելու հարցում:

«Հանրապետական կուսակցությունը վարչական ռեսուրս է չարաշահում, մյուս ուժերը, օրինակ՝ «Ծառուկյան դաշինքը», նույն կարգի այլ խախտումներ է թույլ տալիս։ Ահազանգեր կան նաև «Դաշնակցության» ու «Հայկական վերածնունդ» կուսակցությունների վերաբերյալ», - ասաց նա՝ միեւնույն ժամանակ դժվարանալով ասել, թե այս խախտումներն ինչ ազդեցություն են ունենում ընտրությունների արդյունքների վրա:

«Բայց միանշանակ է, որ աննախադեպ լավ ընտրություններ, ինչի մասին խոսում են իշխանությունները, չենք ունենա», -ընդգծեց նա։

Նա վստահ է, որ որ իրավախախտումներ կատարած անձանցից շատերը պատասխանատվություն չեն կրելու։ Այս համատեքստում Վարուժան Հոկտանյանը ներկայացրերց որոշակի վիճակագարություն:

«Մարտի 21-ի դրությամբ դատախազություն ստացված 176 ահազանգերից 173-ը հանցակազմ չեն պարունակել կամ դրանցում նշված փաստերը հերքվել են։ Երեքի դեպքում ուսումնասիրությունը շարունակվում է: Կարծում եմ մեր հայտնաբերած խախտումներն էլ «Իրազեկ քաղաքացիների միավորման» դեպքի նման մեկնաբանություն կստանա: Ոստիկանությունը, դատախազությունը և այլ իրավապահ մարմիններ փաստորեն իշխանությանն են ծառայում են: Սա պետություն-իշխանություն սերտաճման հետեւանք է, որը մեզանում չի վերանում», - եզրափակեց Հոկտանյանը։

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Գերիների վերադարձի արհեստական ձգձգում. ո՞րն է լինելու Հայաստանի հետագա քայլը
14.01.2021
13:00
Հունվարի 14-ին՝ ժամը 13:00-ին, Մեդիա կենտրոնը կազմակերպեց առցանց քննարկում «Գերիների վերադարձի արհեստական ձգձգում. ո՞րն է լինելու Հայաստանի հետագա քայլը» թեմայով։

Օբյե՞կտ, թե՞ սուբյեկտ. ո՞րն է Հայաստանի օրակարգը՝ կապիտուլյացիայից հետո
12.01.2021
10:30
Հունվարի 11-ին, ժամը 10:30, Մեդիա կենտրոնը նախաձեռնեց առցանց հարցազրույց Քաղաքական գիտության ասոցիացիայի գործադիր տնօրեն Բենիամին Պողոսյանի հետ: Թեման՝ «Օբյե՞կտ, թե՞ սուբյեկտ. ո՞րն է Հայաստանի օրակարգը՝ կապիտուլյացիայից հետո»:
«Դավադրության տեսությունը քաղաքական պայքարի գործիք»
30.12.2020
13:00
Դեկտեմբերի 30-ին՝ ժամը 13։00-ին, Մեդիա կենտրոնը կազմակերպեց առցանց քննարկում «Դավադրության տեսությունը քաղաքական պայքարի գործիք» թեմայով:
«Ինչպե՞ս հարմարվեն «սովորական» կյանքին պատերազմից վերադարձած զիվորները»
29.12.2020
19:00
Դեկտեմբերի 29-ին, ժամը 19:00-ին, Մեդիա կենտրոնը կազմակերպեց վեբինար «Ինչպե՞ս հարմարվեն «սովորական» կյանքին պատերազմից վերադարձած զիվորները» թեմայով:
«Պետական գնումների մոնիտորինգային արդյունքների ամփոփում»
29.12.2020
16:00
Դեկտեմբերի 29-ին՝ ժամը 16։00-ին, «Մեդիա կենտրոն»-ը կազմակերպեց առցանց մամուլի ասուլիս «Պետական գնումների մոնիտորինգային արդյունքների ամփոփում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...