«Նախընտրական պայքար. ի՞նչ լուծումներ են առաջարկում քաղաքական ուժերն Արմավիրի մարզի խնդիրների համար». քննարկում
25.03.2017
12:00
Արմավիրի մարզում ԱԺ ընտրություններին մասնակից քաղաքական ուժերը հիմնականում թիրախավորել են գյուղատնտեսական խնդիրները՝ ոռոգման համակարգի բարելավումից մինչեւ գյուղական տնտեսությունների արտադրողականության ու արդյունավետության աճ:

Ընտրապայքար նետված կուսակցություններն ու դաշինքները տարածաշրջանի բնակիչներին առաջարկում են հենց այդ խնդիրների լուծման զանազան տարբերակներ:

Մարզի գյուղատնտեսական խնդիրների լուծման շուրջ էլ բանավիճեցին քաղաքական միավորների ներակայացուցիչները մարտի 25-ին «Մեդիա կենտրոնի» Արմավիրի Զարգացման Կենտրոնի հետ համատեղ Արմավիր քաղաքում «Նախընտրական պայքար. ի՞նչ լուծումներ են առաջարկում քաղաքական ուժերն Արմավիրի մարզի խնդիրների համար» թեմայով անցկացված քննարկմանը:

Քննարկմանը մասնակից «Հայկական վերածնունդ» կուսակցության ներկայացուցիչ  Գառնիկ Ղազարյանը կարծում է, որ մարզի գյուղատնտեսական խնդիրների լուծման եւ բնակչությանն աշխատատեղերով ապահովելու համար անհրաժեշտ է ներգրավել արտասահմանյան, տյվալ դեպքում չինական ներդրումներ: «Մենք ցանկանում ենք չինական ծրագրեր, լուրջ ներդրումներ բերել Հայաստան, որպեսզի արտադրությունը զարգացնենք, արտահանումը մեծացնենք»,- ասաց նա՝ հավելելով, որ իր ընտրվելու դեպքում կկարողանա չինաստանցի գործարարներից ներդրումներ բերել Հայաստան:

Նա հավելեց, որ արդեն ունեն պայմանավորվածություններ չինական մի քանի կազմակերպությունների հետ, իսկ դրանց ձեռքբերմանը նպաստել են իր՝ Չինաստանում ուսանող որդիները: Միեւնույն ժամանակ նա համոզում էր քննարկման մասնակիցներին, որ այդ պայմանավորվածությունները կյանքի կկոչվեն, եթե ինքն ընտրվի պատգամավոր, իսկ «Հայակական վերածնունդ» կուսակցությունն ընտրությունների արդյունքում ծանրակշիռ ներկայացվածություն ունենա խորհրդարանում: 

«Չինացի գործարարները մտածում են, որ ռիսկի գործոն կա՝ Հայաստանը պատերազմական վիճակում գտնվող երկիր է, փակ սահմաններ ունի: Բայց մենք ամեն ինչ անելու ենք, որ ներդրումները լինեն: Խոսքը 650 մլն դոլարի ներդրումների մասին է, որոնց մեծ մասը պետք է կատարվեն Արմավիրի մարզում»,-ասաց Ղազարյանը: 

Քննարկման մասնակից «ԵԼՔ» դաշինքի անդամ Շանթ Գրիգորյանը իր խոսքի սկզբում բարձրաձայնեց, որ Արմավիրում պատռում են ընդդիմադիր ուժերի պաստառները, ինչը խանգարում է իրենց ձայնն ավելի լսելի դարձնելուն: Անդադառնալով մարզի խնդիրներին՝ նա ընդգծեց, որ Արարատի ու Արմավիրի մարզերն առանցքային նշանակություն ունեն գյուղատնտեսության ոլորտի զարգացման համար: Նա կարծում է, որ այս երկու մարզերում հողային ֆոնդը ճիշտ չի օգտագործվում, իսկ արդյունավետությունը շատ ցածր է:

«Մեր հողային ֆոնդերը հիմնականում գտնվում են այս երկու մարզերում: Այսօր մենք լուրջ խնդիր ունենք հողային ֆոնդի հետ՝ դրանք անփութորեն շահագործվել են, անհրաժեշտ աշխատանքներ չեն իրականացվել, քանի որ դա պահանջում է լուրջ ֆինանսական միջոցներ: Հողերի գրեթե 25 տոկոսն աղակալած է և պիտանի չէ մշակելու համար, մոտավորապես 45 տոկոսը չի մշակվում»,- ասաց «ԵԼՔ» դաշինքի ներկայացուցիչը:

Թեպետ, ըստ նրա, տարեցտարի վիճակն ավելի է բարդանում, սակայն որոշակի լուծումներ կան, որն առաջարկում է իր ներկայացրած դաշինքը: «Դրանք հիմնված են բարձր տեխնոլոգիաների կիրառման վրա: Աշխարհը զարգանում է, իսկ մենք դոփում ենք տեղում: Գյուղատնտեսության ոլորտում պետք են նոր մոտեցումներ կիրառել, բարձր տեխնոլոգիաներ ներդնել: Մենք այս պարագայում հակված ենք ջերմոցային տնտեսությունների զարգացմանը, ցանցային տեխնոլոգիաների ներմուծմանը ու էկոլոգիապես մաքուր պարարտանյութերի արտադրության հիմնմանը», - ասաց նա:

Քննարկմանը մասնակից Հայաստանի Հանրապետական կուսակցության ներկայացուցիչ Ռազմիկ Մարգարյանը, որ Արմավիրի մարզի Տանձուտ համայնքի ղեկավարն է, որպես մարզում լուծման կարիք ունեցող հրատապ խնդիր մատնանշեց ոռոգման համակարգը: «Դրա հետևանքով մի շարք այլ խնդիրներ են ի հայտ եկել»,-ասաց նա՝ հավելելով, որ իր կուսակցությունն այս պահին խնդիր է դրել գյուղմթերքի վերամշակող հզորությունների զարգացման շրջանակներն ընդլանել: «Արդեն կան որոշակի շարժեր ու ծրագրեր», - նշեց ՀՀԿ-ի ներկայացուցիչը: Որպես ասածի ապացույց ներկայացրեց բամբակի արտադրության ոլորտում կատարվող ներդրումները:

«Շուրջ 20 մլն դրամի ներդրում է կատարվելու բամբակի արտադրության գործարան հիմնելու համար, դրան կից անասունների կերի բազա է ստեղծվելու», - ասաց Ռազմիկ Մարգարյանը:   

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...