«Արտաքին քաղաքականությունը նախընտրական ծրագրերում. Նոր տեսլակա՞ն, թե՞ հին մոտեցումներ». քննարկում
17.03.2017
11:00
Ընտրապայքարին մասնակից քաղաքական ուժերը Հայաստանի արտաքին քաղաքականության ոլորտում առկա խնդիրներին եւ մարտահրավերներին դիմակայելու տարբեր մոտեցումներ են առաջարկում:

Նրանց մեծ մասին նախընտրական ծրագրերի արտաքին քաղաքականության վերաբերող բաժիններում մեծ տեղ է հաստկացված ԼՂ հակամարտության կարգավորման խնդրին:

Ուստի պատահական չէր, որ «Մեդիա կենտրոնում» մարտի 17-ին տեղի ունեցած «Արտաքին քաղաքականությունը նախընտրական ծրագրերում. Նոր տեսլակա՞ն, թե՞ հին մոտեցումներ» թեմայով քննարկմանը բանախոսները ուշադրությունը կենտրոնացրեցին հենց այս հիմնախնդրի վրա: «Արտաքին քաղաքականության մասով մենք առաջարկում ենք խաղաղության ծրագիրը: Խոսքը ղարաբաղյան հակամարտության հնարավորինս շուտ կարգավորման մասին է՝ հակամարտող կողմերին ներկայացված փաստաթղթի վրա: Խոսքը փոխզիջումների մասին է: Սա հնարավորություն կտա խաղաղություն հաստատել եւ բացել Հայաստանի սահմանները Ադրբեջանի եւ Թուրքիայի հետ: Իսկ Հայաստանի ապաշրջափակումը եւ խաղաղության հաստատումը երկրի տնտեսական զարգացման ամենահզոր խթանը կդառնա», - հայտարարեց «Կոնգրես-ՀԺԿ» դաշինք, պատգամավորի թեկնածու Վլադիմիր Կարապետյանը:

Քննարկմանը մասնակից «Օսկանյան-Րաֆֆի-Օհանյան» (ՕՐՕ) դաշինքի եւ ԵԼՔ դաշինքի ներկայացուցիչներն այս հարցում ներկայացրեցին, ըստ էության, բավականին տարբերվող մոտեցում: «Քանի դեռ Ադրբեջանը չի ճանաչել ԼՂ ժողովրդի ինքնորոշման իրավունքը ոչ մի զիջման կամ փոխզիջման մասին խոսք լինել չի կարող: Այս համատեքստում անգամ փոխզիջումը դիտարկվելու Հայաստանի միակողմանի զիջում եւ ավելի է ուժեղացնելու Ադրեբջանի դիրքերը», - հայտարարեց ՕՐՕ դաշինքի ներկայացուցիչ Գեղամ Նազարյանը՝ հավելելով, որ իր ներկայացրած քաղաքական միավորի համար առաջնային խնդիր է ՀՀ-ում քաղաքական եւ տնտեսական մենաշնորհի վերացումը: «Միայն քաղաքական եւ տնտեսական մենաշնորհների վերացման եւ Հայաստանի զարգացման միջոցով հնարավոր է հասնել մեր դիրքերի ամրապնդման արտաքին քաղաքականության հարթակներում», -նշեց Նազարյանը:

Նրա հետ հիմնականում համակարծիք էր նաեւ ԵԼՔ դաշինքի ներկայացուցիչ Արայիկ Հարությունյանը: Նա եւս, դեմ լինելով հակամարտության կարգավորման հարցում միակողմանի զիջումներին, հատուկ ընդգծեց անվտանգության հարցում այլընտրանքների փնտրտուքի խնդիրը: «Հայաստանը տնտեսության եւ ռազմական արդյունաբերության զարգացմանը զուգընթաց պետք է անվտանգության այլընտրանքներ փնտրի: Մենք որպես այլընտրանք դիտարկում ենք ՆԱՏՕ-ի հետ հարաբերությունների խորացումը եւ ԵՄ-ի հետ խորը եւ համապարփակ ազատ առեւտրի մասին բանակցությունների վերսկսումը», - ասաց Հարությունյանը:

Վլադիմիր Կարապետյանը չհամաձայնեց ԵԼՔ-ի դիրքորոշման հետ՝ նշելով, որ խորը եւ համապարփակ ազատ առեւտրի մասին փաստաթուղթը հակասում է ԵԱՏՄ-ում Հայաստանի պարտավորություններին եւ դա փաստացի նշանակում է եվրասիական տնտեսական միությունից դուրս գալու հայտ: «Սա մեծ քաղաքական եւ ռազմական ռիսկեր պարունակող քայլ է: Այս ռիսկերը հաշվարկված չեն, ուստի մենք չենք կարող համաձայնել այս մոտեցման հետ», - ասաց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է»
03.08.2020
14:00
Օգոստոսի 3-ին, ժամը 14:00-ին, Մեդիա կենտրոնը կազմակերպեց առցանց քննարկում «Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է» թեմայով:
«Կին իրավապաշտպանները քայլեր են ձեռնարկում Հայաստանում գենդերային բռնության դեմ»
31.07.2020
11:00
Հուլիսի 31-ին՝ ժամը 11։00-ին, «Մեդիա կենտրոն»-ը տեսակապի միջոցով կազմակերպեց մամուլի ասուլիս․ ներկայացվեց «Կին իրավապաշտպանները քայլեր են ձեռնարկում Հայաստանում գենդերային բռնության դեմ» ծրագիրը։

«Սարի թաղի գործ. 4 տարի անց. ինչո՞ւ է նախաքննությունն դոփում տեղում»
29.07.2020
14:00
Հուլիսի 29-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպում է քննարկում «Սարի թաղի գործ. 4 տարի անց. ինչո՞ւ է նախաքննությունն դոփում տեղում» թեմայով:

«Որքանո՞վ է առողջապահությունը հասանելի ոչ COVD-ով հիվանդներին. որքանո՞վ են անվտանգ ու հասանելի պոլիկլինիկաները»
27.07.2020
12:00
Հուլիսի 27-ին՝ ժամը 12:00-ին, «Մեդիա կենտրոն»-ը տեսակապի միջոցով անցկացրեց մամուլի ասուլիս «Որքանո՞վ է առողջապահությունը հասանելի ոչ COVD-ով հիվանդներին. որքանո՞վ են անվտանգ ու հասանելի պոլիկլինիկաները» թեմայով:
«Ազգային անվտանգության ռազմավարություն. գոյատևմա՞ն, թե՞ զարգացման ուղենիշ»
22.07.2020
12:00
Հուլիսի 22-ին, ժամը 12:00-ին, Մեդիա կենտրոնն անցկացրեց առցանց քննարկում «Ազգային անվտանգության ռազմավարություն. գոյատևմա՞ն, թե՞ զարգացման ուղենիշ» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...