«Մարտի 1-ի վիրավորվածները պետք է ստանան պետական աջակցություն». քննարկում
01.03.2017
12:00
2008-ի մարտի 1-ի սպանությունների եւ վիրավորված անձանց հետ կապված խնդիրների վերջնական բացահայտումը, ինչպես նաեւ պետական մակարդակով համապատասխան իրավա-քաղաքական գնահատականի բացակայությունը դարձել են Հայաստանի զարգացման գլխավոր խոչընդոտներից մեկը:

«Ես համաձայն չեմ, որ մարտի 1-ի ողբերգական իրադարձություններին անդրադառնանք միայն մարտի 1-ին: Այդ օրը անընդհատ մեզ հետ է, եթե այդ օրը չլիներ, մենք հիմա անկասկած ապրելու էինք այլ Հայաստանում», - հայտարարեց իրավապաշտպան Վարդան Հարությունյան՝ հավելելով, որ տարիներ իր վեր հիմնականում խոսվել է մարտի 1-ի իրադարձությունների զոհերի մասին, սակայն պակաս կարեւոր չէ հիշել նաեւ վիրավորված անձան խնդիրների մասին:

«Մեդիա կենտրոնում» մատի 1-ին Վարդան Հարությունյանի, «Ժառանգություն» կուսակցության փոխնախագահ, «Օհանյան-Րաֆֆի-Օսկանյան» դաշինքի պատգամավորի թեկնածու Արմեն Մարտիտորսյանի եւ իրավաբան Արմեն Խաչատրյանի մասնակցությամբ տեղի ունեցավ «Մարտի 1-ի իրադարձությունների հետեւանքով վիրավորվածների խնդիրները» թեմայով քննարկում:

Վիրավորվածների մեջ կային բավականին ծանր մարմնական վնասվածքներ ստացած անձինք, նշում է Հարությունյանը եւ հավելում. «Այդ մարդիկ չստացան համապատասխան իրավական եւ պետական աջակցություն: Ընդհանրապես մարտի 1-ի գործը կարելի է ասել բացահայտված է, փաստահավաք խումը բավականին մեծ աշխատանք կատարեց այդ ուղղությամբ: Մնում է ուղղակի կայացնել դատավճիռը եւ պատասխանատվության կանչել հանցագործությունը կատարած անձանց»:  

Իրավաբան Արմեն Խաչատրյանի խոսքով, ըստ պաշտոնական թվերի՝ մարտի 1-ին եղել է 300 վիրավոր, որից 150-ը ճանաչվել է տուժող:

«Այդ օրերին ով ներկայանում էր որպես վիրավոր, նրանց դեմ քրեական գործ էր հարուցվում ոստիկաններին դիմադրելու համար, հետևաբար մեծամասնությունը վախենում էր բարձրաձայնել իր վիրավոր լինելու մասին», - ասաց նա՝ հավելելով, որ մի քանի քաղաքացիներ չընկրկեցին եւ մինչեւ վերջ պայքարեցին իրենց իրավունքների համար:

Նա նաեւ տեղեկացրեց, որ մարտի 1-ի իրադարձություններից տուժածների իրավահաջորդների գործն արդեն ՄԻԵԴ-ում մտել է քննարկման վերջնական փուլ եւ հույս հայտնեց, որ շուտով դատարանը կկայացնի համապատասխան վճիռը:

Քննարկմանը մասնակից Արմեն Մարտիրոսյանի կարծիքով մարտի 1-ի գործի շրջանակը շատ լայն է:

«Այստեղ կա թե քաղաքական գնահատականի խնդիր, թե իրավական գնահատականի խնդրի, թե հոգեբանական, սոցիալական խնդիրներ, որոնցից ոչ մեկը լուծված չէ:  Անհրաժեշտ է առաջին հերթին պետական եւ քաղաքական գնահատական, այնուհետեւ գործի իրավական բացահայտում եւ զոհվածներին եւ վիրավորվածներին պետական համապատասխան աջակցության տրամադրում», - ասաց Մարտիտորսյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
Խորհրդարանական արտահեր ընտրություններ 2021
18.06.2021
19:56
Իրազեկման տեսանյութերը պատրաստվել են Հանրային լրագրության ակումբի «Մեդիա կենտրոն» ծրագրի շրջանակում՝ Բաց հասարակության հիմնադրամներ - Հայաստանի աջակցությամբ: Տեսանյութերում հնչած կարծիքները կարող են չհամապատասխանել ծրագիրը ֆինանսավորող կողմի տեսակետների հետ: #VoteforArmenia #Elections2021 #ElectionsArmenia #InformedCitizen #osfarmenia #pjc
ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում
17.06.2021
19:00
Հունիսի 17-ին՝ ժամը 19:00-ին, «Մեդիա կենտրոնի» նախաձեռնությամբ «Ա1+»-ի հեռուստատաղավարում և Մեդիա կենտրոնի ֆեյսբուքյան էջում ու յութուբյան ալիքում առցանց ուղիղ հեռարձակմամբ տեղի ունեցավ նախընտրական բանավեճ «ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում» թեմայով:
Ընտրություններ Հայաստանում. Անդրադարձ նախընտրական արշավին և ընտրությունների օրվա կանխատեսումներին
17.06.2021
15:00
Ժողովրդավարական ընտրությունների եվրոպական պլատֆորմը անց է կացնում նախընտրական գործընթացի վերաբերյալ հանրային քննարկում հայաստանյան առաջատար քաղաքական վերլուծաբանների միջև՝ անդրադառնալով քարոզարշավին, լրատվամիջոցների գործունեությանը, քաղաքական լարվածությանը և երկրի այլ կարևոր զարգացումներին:

Փաստերի ստուգումը նախընտրական, ընտրական և հետընտրական գործընթացներում
16.06.2021
15:30
Մեդիա կենտրոնը հունիսի 16-ին՝ ժամը 15:30-ին կազմակերպեց վեբինար փաստերի ստուգումը նախընտրական, ընտրական և հետընտրական գործընթացներում թեմայով, որի փորձագետ-հյուրն էր Մարիամ Ցիցիկաշվիլին (Georgia's Reforms Associates (GRASS), Վրաստան)։
Արտաքին քաղաքականությունը՝ նախընտրական ծրագրերում
15.06.2021
12:00
Հունիսի 15-ին՝ ժամը 12։00-ին, Մեդիա կենտրոնում տեղի ունեցավ հարցազրույց Քաղաքականության հետազոտական կենտրոնի փոխնախագահ Արմեն Գրիգորյանի հետ:
Թեման՝ «Արտաքին քաղաքականությունը՝ նախընտրական ծրագրերում»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ