«Ադրբեջանը կարող է ռազմական բախումների գնալ ՀՀ-ում խորհրդարանական ընտրություններից հետո»
28.02.2017
11:00
Իրավիճակը ԼՂ հակամարտության գոտում կմնա լարված եւ այն մերթընդմերթ կարող է վերաճել լոկալ բախումների, ինչը հղի է իր մաշտաբներով «ապրիլյան պատերազմը» գերազանցող նոր ռազմական առճակատման վտանգով:

Ռազմաճակատում անցյալ տարվա ապրիլյան բախումներից հետո, այժմ օրակարագային հարց է ոչ թե այն կլինի պատերազմ, թե ոչ, այ այն, թե երբ կլինի պատերազմ: Այս կարծիքին են ԼՂ հակամարտության կարգավորմանը գործընթացն ուսումնասիրող մասնագետները:

«Ոչ ոք և ոչինչ չի կանգնեցնում Ադրբեջանին հերթական հարձակումը նախաձեռնելիս: Ցավոք, հարցը ոչ թե այն է, թե կլինի՞ ռազմական սրացում, այլ թե այն ե՞րբ կլինի: Արևմտյան կողմը քիչ լծակներ ունի ազդելու Ադրբեջանի վրա: Այս անգործությունը և Ադրբեջանի նկատմամբ ճնշման բացակայությունն ավելի է սաստկացնում նրա գործողությունները: Տարածաշրջանում ամենամեծ ազդեցությունն ունի Մոսկվան, ում ԱՄՆ նոր վարչակազմը կարծես հանձնում է հետխորհրդային տարածաշրջանը: Ուստի պաշտոնական Մոսկվայից պետք է ավելի միակողմանի ջանքեր ակնկալել: Հերթական ռազմական սրացումը շահեկան չէ Մոսկվայի համար, բայց, ցավոք, Ռուսաստանն է, որ ստիմուլացնում է Բաքվին», - ասաց Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանը՝ հավելելով, որ փետրվարի 25-ին ադրբեջանական զինված ուժերի անհաջող հարձակումները թեստ էին՝ նոր հարձակմանը նախապատրաստվելու համար:

Փետրվարի 28-ին «Մեդիա կենտրոնում» Ռիչարդ Կիրակոսյանի, Գլոբալիզացիայի եւ տարածաշրջանային հետազոտությունների հայկական կենտրոնի ղեկավար Ստեփան Գրիգորյանի ՌԴ Արեւելագիտության ինստիտուտի Կովկասի եւ Կենտրոնական Ասիայի աշխատանքային խմբի ղեկավար, քաղաքագետ Ալեքսանդր Սկակովի  (տեսազանգի միջոցով) մասնակցությամբ տեղի ունեցավ քննարկում «ԼՂ հակամարտության գոտում իրավիճակի սրման ներծին եւ արտածին գործոնները» թեմայով:

Ստեփան Գրիգորյանի կարծիքով շփման գծում եւ հայ-ադրբեջանական սահմանին Ադրբեջանի զինված ուժերի պարբերական հարձակումները ցույց են տալիս, որ Բաքուն ցանկանում է խախտել ստատուս քվոն, վերջնագրեր է ներկայացնում: «Այն չի ցանկանում բանակցությունների գնալ: Բանակցային գործընթացում առաջացել է վակուում, որը նա լցնում է ռազմական գործողություններով», - ասաց նա՝ առաջ քաշելով «ի՞նչ պետք է անել այս իրավիճակում» հարցադրումը: Այնուհետեւ ինքն էլ պատասխանեց այդ հարցին. «Շատ բան կարելի է անել, այդ թվում՝ նաև բանակցություններում: Բայց նախ և առաջ պետք է ուժեղացնել բանակը: Օրինակ՝ փետրվարի 25-ի հարձակմանը մեր զինված ուժերը ժամանակին արձագանքել են, քանի որ պատրաստված են եղել»:

Քաղաքագետն այս իրավիճակում ամեն ահ սպասում է  ռազմական գործողությունների վերսկսման: «Ադրբեջանը պատերազմում է բոլոր ուղղություններով՝ Ալեքսանդր Լապշինի արտահանձնումը, Արցախ այցելած Եվրախորհրդարանի պատգամավորների նկատմամբ քրեական գործ հարուցելը շատ լուրջ խնդիրներ են: Սա իզոլյացիա է ԼՂ նկատմամբ, շանտաժ այն մարդկանց նկատմամբ, որոնք կայցելեն Արցախ», - ասաց նա՝ հավելելով, որ

Ադրբեջանին իրականում չի հուզում իր կողմից ունեցած մարդկային կորուստները. «Ադրբեջանական կողմն իր գործողություններով փորձում է պարզել, թե որքանով է լավ զինված հայկական կողմը»:

Ալեքսանդր Սկակովի խոսքով, ռազմական բախում արցախյան հակամարտության գոտում կարելի է սպասել միշտ, քանի որ կողմերն ունեն իրարամերժ պահանջներ եւ չեն գալիս համաձայնության: «Արցախյան խնդրի լուծման բանալիները գտնվում են և Մոսկվայում, և Բրյուսելում, և Վաշինգտոնում, և Ստեփանակերտում, ինչպես նաև Երևանում, պարզապես կողմերը համաձայնության չեն կարողանում գալ», - ասաց նա՝ հավելելով, որ այժմ Վաշինգտոնը և Բրյուսելը այդքան մեծ հետաքրքրություն չունեն Ղարաբաղի հարցում: «Մոսկվան այլ վիճակում է, քանի որ ավելի մոտ է կոնֆլիկտին եւ իր կենսական շահերի գոտում է այն: Ուստի Մոսկվան չի ցանկանում հակամարտության վերսկսում կամ լայնամաշտաբ ռազմական բախումներ, քանի որ Կրեմլը ստիպված պետք է լինի այնպիսի որոշում կայացնի, որը չի ցանկանում: Մոսկվան ունի առանձնահատուկ հարաբերություններ թե Երևանի, թե Բաքվի հետ»,-ասաց քաղաքագետը:

Սկակովի վերջին դիտարկմանը հակադարձեց Ստեփան Գրիգորյանը՝ նշելով, որ Հայաստանին և Ադրբեջանին պետք չէ դնել նույն հարթության վրա: «Հայաստանը ՀԱՊԿ-ի և ԵՏՄ-ի անդամ է, բայց Ադրբեջանը չի անդամակցում այդ կառույցներին: Հայաստանը Ռուսաստանի ռազմավարական գործընկերն է, Ադրբեջանը՝ ոչ», - նկատեց նա: Այս դիտարկումից հետո ռուսաստանցի քաղաքագետը հստակեցրեց իր խոսքը՝ ընդգծելով, որ «առանձնահատուկ» տերմինը դեռ չի նշանակում հավասարության նշան դնել հարաբերություններում: «Հայաստանը մեր դաշնակիցն է, ում պարտավոր ենք պաշտպանել, ինչը Ռուսաստանը պարտադիր չէ գործընկերների պարագայում», - ասաց նա՝ հավելելով, որ ռազմաճակատում առաջիկայում մեծ բախումներ չի ակնկալում, քանի որ Հայաստանն ունի «Իսկանդեր» համակարգեր, ուստի ռազմական հավասարակշռությունը վերականգնել է:

Լրագրողների հարցին արդյոք կարելի է սպսաել շփման գծում իրավիճակի  կտրուկ սրացումներ ապրիլին՝ Ռիչարդ Կրակոսյանը դրական պատասխանեց, սակայն նրա կարծիքով հնարավոր բախումները կարող են տեղի ունենալ ՀՀ-ում խորհրդարանական ընտրություններից հետո: Միեւնույն ժամանակ նա հավելեց, եթե նախկինում Ադրբեջանը հարձակվում է, ուղղակի հարձակման համար, ինչը չէր տեղավորվում ռազմական գործի տրամաբանության մեջ, ապա անցյալ տարվա ապրիլին խնդիր էր դրված հարձակվել ու գրավել տարածքներ:

«Իմ կարծիքով, փետրվարյան հարձակումն այդ առումով, թեստ էր՝ հերթական հարձակման համար: Ռազմական տեսանկյունից մեծ հարձակման համար ապրիլն ամենահամապատասխան ժամանակահատվածն է, քանի որ նախ՝ եղանակային պայմանները լավ կլինեն, իսկ հետո Իսրայելից և Ռուսաստանից սպասվում են նոր զինատեսակներ», - ասաց բանախոսը՝ նկատելով, որ հարձակումը չի լինի ՀՀ ընտրություններից առաջ, քանի որ այդ դեպքում դա կլինի մեծ նվեր իշխող ՀՀԿ-ի համար: «Իսկ ընտրությունից հետո կատարված հարձակումը կլինի առաջին թեստը նոր ընտրված խորհրդարանի համար: Հաջորդ հարձակումը Ադրբեջանի կողմից կլինի ոչ Ղարաբաղի դեմ, այլ կլինի Ղարաբաղից հարավ և հյուսիս ընկած ուղղություններով», - եզրափակեց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...