«Նախընտրական փուլի մեկնարկ. քաղաքագետների դիտարկումները հրապարակված ընտրացուցակների շուրջ»
20.02.2017
12:00
Այսօր Մեդիա կենտրոնում տեղի ունեցավ քննարկում «Նախընտրական փուլի մեկնարկ. քաղաքագետների դիտարկումները հրապարակված ընտրացուցակների շուրջ» թեմայով:

Քննարկմանը մասնակցում էինքաղաքական վերլուծաբան Արմեն Բաղդասարյանը, քաղաքական մեկնաբան Հակոբ Բադալյանը, ԱԺ նախկին փոխնախագահ, ՀՀՇ վարչության նախկին անդամ Կարապետ Ռուբինյանը:

Քննարկման սկզբում Կարապետ Ռուբինյանն անդրադարձավ այն հարցին, թե ինչու կուսակցությունների՝ մասնավորապես իշխող կուսակցության առաջադրած ցուցակում ընդգրկված չէին նոր դեմքեր:

«Իրականում նման խնդիր դրված չէր իշխող ուժի կողմից: Դա լոզունգ է կամ բարի ցանկություն իրենց մոտ: Սերնդափոխություն բնական ճանապարհով պետք է տեղի ունենա, մարդիկ ծերանան,  թատերաբեմից դուրս գան և երիտասարդները գան»,-ասաց Ռուբինյանը:

Միևնույն ժամանակ Ռուբինյանը ընդգծեց, որ մրցակցություն պետք է լինի երիտասարդների կողմից, որը խորհրդարանի ներսում տեսնում է որոշ չափով, իսկ խորդրարանից դուրս շատ ավելի:

Արմեն Բաղդասարյան կարծում է, որ սերնդափոխություն չլինելու պատճառը այն է, որ բոլոր կուսակցությունների ցուցակները մեկ մարդու հայեցողոթւյամբ է կազմվում:

«Օրինակ՝ ՀՀԿ-ում Սերժ Սարգսյանը, Ծառուկյան դաշինքում՝ Գագիկ Ծառուկյանը: Սերնդափոխություն կլինի, երբ որոշեն փոխել երկրի ղեկավարման տրամաբանությունը: Հիմա իրենք չունեն, որովհետև շարունակում են նույն ձևով: Վերցնենք ՀՀԿ-ի ցուցակը, առաջին 10-20 մարդիկ նորմալ մարդիկ են, ներկայանալի, այսպես ասած հանցագործներ չեն: Բայց 150-րդ տեղում գտնովղը ավելի շատ շանս ունի հայտնվելու պառլամենտում, քան 22-րդ տեղում նշվածը: իսկ քաղաքացին գնումէ ընտրում 22-րդ համարի համար»,-ասում է Բաղդասարյանը՝ նշելով որ այստեղ ընտրողների համար որոշակի խաբեություն է լինում:

Անդրադառնալով ՀԱԿ կուսակցության կարգախոսին, որն արտահայտում է իրենց դիրքորոշումը Արցախյան հարցում, Բաղդասարյանը նշեց. «Ենթադրվում է, որ կուսակցությունում պետք է լինեն մարդիկ, որ այդ գաղափարախոսությունը պետք է կրեն, բայց հիմա Ստեփան Դեմիրճյանը կամ Գագիկ Ջհանգիրյանը ինչ կապ ունի այդ գաղափարախոսության հետ: Այսինքն կուսակցության ցուցակում հայտնված են մարդիկ, որոնք կապ չունեն այդ գաղափարախոսության կամ կարգախոսի հետ: Դա էլ մի խաբեություն է»,-նշում է Բաղդասարյանը:

Հակոբ Բադալյանն ասում է, որ սերնդափոխության առանցքային խնդիրներից մեկն այն է որ գա ներկա սերունդը, որը դուրս կմղի հին սերնդին:

«Սերնդափոխության կարիք կա ամենուր, այն էական կարող է լինել, եթե տեղի ունենա այդ սերունդների բախումը: Այսօր չկա այդ բախումը, եթե գալիս է նոր սերունդ, գալիս է հայրերին շարունակելու: Նոր դեմքերի տեսանկյունից անհամեմատ ԵԼՔ դաշինքն է, որ նոր դեմքեր, նոր անուններ է ընդգրկել: Բայց նույնիսկ ԵԼՔ դաշինքը պետք է ցույց տա, որ սերնդափոխությունը որակապես, էապես է տեղի ունենում, այլ ոչ թե նոր անուններ են պարզապես ավելացրել»,-ասաց Բադալյանը:

Քննարկման շարունակությունը դիտեք տեսագրությունում:                     

Լիլիթ Առաքելյան , «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...