«Որո՞նք են Հայաստանի՝ հետընթաց արձանագրելու պատճառները «Առևտրի լոգիստիկան-2016» զեկույցում»
08.02.2017
12:00
Փետրվարի 8-ին Մեդիա կենտրոնում տեղի ունեցավ քննարկում «Որո՞նք են Հայաստանի՝ հետընթաց արձանագրելու պատճառները «Առևտրի լոգիստիկան-2016» զեկույցում» թեմայով:

Տեղեկացնենք, որ Համաշխարհային բանկի «Առևտրի լոգիստիկան գլոբալ տնտեսությունում» 2016թ․ զեկույցում Հայաստանը աշխարհի ետնապահների թվում է՝ 160 երկրների շարքում զբաղեցնում է 140-րդ տեղը։

Համաշխարհային բանկի խմբի «Առևտրի լոգիստիկան գլոբալ տնտեսությունում - 2016» զեկույցը գնահատում և դասակարգում է երկրներն ըստ լոգիստիկ կատարողականի ինդեքսի։ Այն կազմված է մի շարք ցուցանիշներից, օրինակ՝ մաքսային ընթացակարգեր, ենթակառուցվածքների որակ, բեռնափոխադրումների ժամանակայնություն։ Հայաստանի 2016թ․ Լոգիստիկ կատարողականի ինդեքսի գնահատականը 2,21 է (առավելագույն 5-ից), իսկ 160 երկրների շարքում դասակարգումը՝ 141։  Երկրի կատարողականը վատթարացել է․ ամենամեծ անկումը գրանցվել է մաքսային գործառույթների ոլորտում (2014-ի 75-րդ տեղից 2016-ին հասնելով 148-րդ տեղին)։

Տնտեսագետ Վահագն Խաչատրյանը, ով մասնակցում էր քննարկմանը, ասում է, որ եթե Հայաստանը  կարողանար բարելավել մաքսային ծառայություների որակը,  որ ներկրող և արտահանող գործարարները խնդիր չունենային, ապա մենք մեր դիրքերր կբարելավեինք:

«Առաջինը խնդիրը այն է, որ մեր սահմանները փակ են, ունենք ղարաբաղյան պատերազմ, որը ես օբյեկտիվ պատճառ եմ համարում, երկրորդը՝ այն ինչ որ մեզնից էր իսկապես կախված ենթակառուցվածքները, մեր լոգիստիկ հնարավորությունները որոշակի մակարդակի բարձրացնելն էր»,-ասում է Վահագն Խաչատրյանը:

 Նա հավելում է, որ եթե Հյուսիս-Հարավ ճանապարհի կառուցումը սկսեին հարավից և հյուսիսից, այլ ոչ թե Արարատյան դաշտավայրից, ապա լոգիստիկ առումով Հայաստանի հնարավորությունները մեծ կլիներ, ապրանքաշրջանառությունը մեծ կլիներ:

Արտահանողների միության նախագահ Րաֆֆի Մխչյանն ասում է, որ այսօր ամենամեծ խնդիրը վարչարարկական խնդիրներն են:

«Այսօր կա տրամաբանություն տրանսպորտի մեջ, բայց դա չի գործում Հայաստանում: Մեկ կոնտեյների տեղափոխումը Փոթիից Հայաստան 1500-1600 դոլարի սահմաներում է մեզ վրա նստում, այդ նույն կոնտեյները արտահանելու ժամանակ կարելի է 300-400 դոլարով կատարել: Քանի որ Համաշխարհային գլոբալ նավային ընկերությունները հաշվի չեն առնում Հայաստանը՝ որպես իրենց պարտնյոր և ստիպողաբար իրենց կոնտեյների վրա հավելյալ ծախսեր են գումարում ու այդ կոնտեյները Փոթթից որ գալիս է  Երևան, մի հատ էլ դրա հետադարձ գինն են վերցնում մեզնից նախօրոք:  Սրա համար պետք է մեր Կառավարությունը, մեր իշխանությունը մտածի»,-ընդգծում է Մխչյանը:

Ըստ նրա՝ ամենագլխավոր խնդիրը, որ այսօր մեր իշխանությունները ունեն, երբևէ խնդրի խորքի մեջ չեն մտնում, թե գործարարը ինչ դժվարությամբ է փորձում մի ապրանք տանել, հասցնել մի տեղ:

Քննարկման մյուս բանախոս Հայրենական ապրանք արտադրողների միության նախագահ Վազգեն Սաֆարյանն ասում է, որ Հայաստանի լոգիստիկ համակարգը կարիք ունի արմատական բարեփոխումների:

«Մենք կարող էինք երկար տարիներ՝ սկսած 2008-ից քայլեր կատարել մեր լոգսիտիկ ճանպարահների կամ նոր ճանպարհների ստեղծման ուղղությամբ: Եթե մենք 2008-ից տարեկան 50 մլն բյուջեից հատկացնեինք այս գործընթացների համար, այժմ մենք երևի մի 400 մլն դոլարի աշխատանքներ արած կլինեինք: Բայց տարեցտարի այս աշխատանքները հետաձգվում են: Վերջերս ես Չինաստանում եմ եղել և այնտեղ քննարկել ենք Հայաստան-Իրան  երկաթգծի կառուցման մասով, որ այն պետք է դառնա Մետաքսի ճանապարհի բաղադրիչ, մինչև Սև ծով դուրս գա, և սա մեզ համար կենսական նշանակություն ունի»,-հավելումէ Սաֆարյանը:

Միջազգային և անվտանգության հարցերի հայկական ինստիտուտի նախագահ, քաղաքագետ Ստեփան Սաֆարյանը կարծիք հայտնեց, որ . «Եթե մեր ցուցանիշները բոլոր զեկույցներում մարդու իրավիճակաների, ժողովրդավարության, խոսքի ազատության առումով ցածր են, ապա այդ երկիրը որևէ ձևով շանս չունի առաջ գնալու: Մենք ոչ մեկ հետ չենք մրցակցում, մենք դարձել են մի կղզի, որը ապրում է իր կյանքով, իր ժամանակի մեջ, և եթե մի երկրում սուտը, կեղծիքը քաղաքականության մեջ դոմինանտ է, ապա այդ երկրին որևէ մեկը չի հավատալու»,-հավելեց Սաֆարյանը:

Քննարկման ամբողջական տեսագրությունը դիտեք այստեղ:

Լիլիթ Առաքելյան , «Մեդիա կենտրոն» ծրագրի համակարգող-խմբագիր

Հեղինակիհետկապվելուհամարգրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ