Երևանի հանրային տրանսպորտի ցանցը կդառնա համայնքային սեփականություն
18.01.2017
12:00
Թեպետ 2016 թ-ին Երևանի ավագանին շարունակել է իր բնականոն աշխատանքը, սակայն մի շարք գործոններ բացասական ազդեցություն են ունեցել թե’ քաղաքի բյուջեով նախատեսված ծրագրերի իրագործման, եւ թե' բուն ավագանու աշխատանքի արդյունավետության վրա: Անցնող տարում մի շարք պուրակներ են կառուցվել քաղաքում, կանաչապատ տարածքներն են ավելացել, սակայն ֆունդամենտալ խնդիրները մնացել են չլուծված: Դրանք վթարային շենքերն են, անմիխիթար վիճակում գտնվող շատ վերելակներ, մայրաքաղաքի հանրային տրանսպորտը եւ այլն:

«Երեւան քաղաքի բյուջեի կառավարման տեսանկյունից լուրջ բացասական ազդեցություն թողեց ապրիլյան պատերազմը: Սակայն բուն ավագանու աշխատանքը, որը վերահսկողական ֆունկցիա է կատարում քաղաքապետի նկատմամբ, գնալով դառնում է ավելի թափանցիկ եւ արդյունավետ: Անցած տարվա ընթացքում բոլոր խմբակցությունները  համահունչ ու ներդաշնակ աշխատանք են կատարել», - ասաց Երեւանի ավագանու ՀՀԿ խմբակցության անդամ Նատալյա Լափաուրին:

Հունվարի 18-ին «Մեդիա կենտրոնում» Նատալյա Լափաուրի, Երեւանի քաղաքապետի խորհրդական Գագիկ Բաղդասարյանի, Երեւանի ավագանու ԲՀԿ խմբակցության ղեկավար Ջիվան Պողոսյանի եւ Երեւանի ավագանու «Բարեւ Երեւան» խմբակցության ղեկավար Գագիկ Բաղդասարյանի մասնակցությամբ տեղի ունեցավ ամփոփոիչ ասուլիս-քննարկում՝ նվիրված Երեւանի ավագանու 2016 թ.-ի աշխատանքին: 

Երևանի ավագանին պատկերավոր ասած հանդիսանում է քաղաքի խորհրդարանը, որը վերահսկողական գործառույթ է իրականացնում: Այն հետևում ու վերահսկում է քաղաքի գործադիր մարմնի՝ քաղաքապետի եւ իր աշխատակազմի կողմից Երևանի բյուջեով նախատեսած ծրագերի իրականացմանը: Քաղաքի կառավարման այս մոդելը Երեւանում ներդրվել է 2009 թ-ից: Այս տեսնակյունից ավագանին կայանում է, նիստերն տեղի են ունենում շահագրգիռ քննարկումներ, բարձրացվում հարցեր եւ տրվում լուծումներ, նշում է Երեւանի քաղաքապետի խորհրդական Գագիկ Բաղդասարյանը: «Սակայն դեռ խնդիր է մնում այն, որ ԲՀԿ եւ «Բարեւ Երեւան» խմբակցություններ հանդես չեն գալիս հստակ նախաձեռնություններով, որոնք որ ուղղված կլինեին իրենց նախընտրական ծրագերի դրույթների իրագործմանը», - ասաց նա:

Թեպետ ԲՀԿ եւ «Բարեւ Երեւան» խամբակցությունների ղեկավարներն առարկեցին, որ իրենց խմբակցությունները մշտապես ակտիվ աշխատանք են տանում, քաղաքի խնդիրները բարձրաձայնում, հասնում դրանց լուծամը, Գագիկ Բաղդասրայանը կրկնեց. «Խոսքը խնդիրների բարձրաձայնման մասին չէ: Խոսքը ձեր նախընտրական ծրագրային դրութների իրականացման մասին է կոնկերտ որոշման նախաձեռնությունների տեսքով, որը տեղի չի ունեցել անցած տարվա ընթացքում»:

Քննարկմանն անդրադարձ կատարվեց նաև Երեւանում աղբի վերամշակման խնդիրներին, որը ավագանիում ներկայացված բոլոր քաղաքական ուժերի նախընտրական ծրագրի մաս է կազմում: Նատալյա Լափաուրին տեղեկացրեց, որ այս ուղղությամբ արդեն աշխատանքներ տարվում են: «Բավականին լուրջ նախապատրաստական աշխատանք է կատարվել, և արդեն հենց այս տարի Նուբարաշենում կհիմնվի աղբի վերամշակման կենտրոն և կիրականացվի աղբավայրի՝ եվրոպական չափորոշիչների համապատասխանեցում», - ասաց նա:

Երեւանում շարունակում են չլուծված մնալ բնապահպանական խնդիրները: « Օրինակ՝ թաղամասեր կան, որ կոյուղիներ չունեն: Մենք այս տարվա ծրագրով էլ առաջարկել ենք կոյուղիների կառուցման ծրագրեր ավելացնել», - ասաց ԲՀԿ խմբակցության ղեկավար Ջիվան Պողոսյանը՝ հավելելով, որ բնապահպանություն չի նշանակում ուղղակի կանաչ տարածքների ավելացում:  

Ոռոգման համակարգի խնդիր ունի Աջափնյակ վարչական շրջանը, մտահոգություն է հայտնում Երեւանի ավագանու «Բարեւ-Երեւան» խմբակցության ղեկավար Գագիկ Բաղդասարյանը «Ոռոգման խողովակները շարքից դուրս են եկել: «Աջափնյակում գեղեցիկ կանաչ տարածք ենք կառուցել, բոլորը գոհ են: Բայց դեռ կառուցման ընթացքում ոռոգման համակարգի արդիականության համար ասացի, ոչ մի արձագանք: Կառուցեցինք մի ոռոգման համակարգ, որը 60-70-ականներին համարժեք է: Հիմա պետք է հասկանանք՝ մենք դա արել ենք մեկ տարվա համա՞ր, թե՞ որ գոնե 5 տարի գործի: Երևանը տրանսպորտի կանոնակարգման սարսափելի խնդիր ունի», - ասաց նա:  

Երևանում տարեցտարի բարդանում է տրանսպորտի խնդիրը, իսկ քաղաքային իշխանություններից բնակիչները մինչ օրս միայն խոստումներ են լսում: «Այս խնդիրն իրոք բարդ եւ բազմաշերտ է: Այն այս տարի արդեն կսկսի լուծվել: Մենք այս հարցում գնում ենք տրանսպորտի ցանցը համայնքային սեփականություն դարձնելու ճանապարհով», - ասաց Երեւանի քաղաքապետի խորհրդական Գագիկ Բաղդասարյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...