«ԼՂ հակամարտության բանակցային գործընթացը. 2016-ի ամփոփում»
21.12.2016
12:00
Այսօր «Մեդիա կենտրոնում» քաղաքագետների և քաղաքական գործիչների մասնկացությմաբ տեղի ունեցավ քննարկում «ԼՂ հակամարտության բանակցային գործընթացը. 2016-ի ամփոփում» թեմայով: Գլոբալիզացիայի և տարածաշրջանային համագործակցության վերլուծական կենտրոնի ղեկավար, քաղաքագետ Ստեփան Գրիգորյանը, ամփոփելով 2016-ը ղարաբաղյան հիմնախնդրի շրջանակում, նշեց 3 կարևորագույն գործոն:

«Առաջինը չորսօրյա պատերազմը ցույց տվեց, որ մեր զինվորը, ստորին, միջին մակարդակի սպաները, և ժողովուրդը պատրաստ են հայրենիքը պաշտապնել՝ ի տարբերություն իշխանությունների: Երկրորդ գործոնը այն է, որ չնայած մեծ ջանքերին, Միսնկի խումբը չկարողացավ այս տարի վերսկսել բանակցային գործընթացը Ղարաբաղի հարցում: Եվ երրորդը պարզ երևում է, որ Ռուսաստանը ոչ միայն միջնորդ է այդ կոնֆլիկտում, այլև ունի շահեր և Ռուսաստանը փորձում է իր շահերը առաջ քաշելով ինչ որ հարցեր լուծել, օրինակ՝ ուզում է Ադրբեջանը դառնա ԵԱՏՄ անդամ և ճնշում է մեր իշխանություններին, որ մենք գնանք զիջումների, որ այդ հարցը լուծի»,-նշեց Գրիգորյանը:

Կովկասի ինստիտուտի տնօրեն, քաղաքագետ Ալեքսանդր Իսկանդարյանը նշում է, որ վերջին մի քանի տարին բանակցություններում փորձում են ոչ թե լուծել խնդիրը, այլ փորձում են պահպանել ստատուս-քվոն:

«Եթե դիտարկենք Մինսկի խմբի գործունեւությունը, որպես Ղարաբաղյան հարցի կարգավորման գործունեություն, ապա այն արդեն մի քանի տարի է, ինչ չկա: Ստատուս-քվոն խախտվել է մի քանի անգամ վերջին տարիներին, նկատի ունեմ դիվերսիոն ներթափանցման փորձերը: Ես չեմ տեսնում որևէ  հեռանկար, որ ղարաբաղյան կոնֆլիկտը կարող է կարգավորվել»,-ընդգծեց Իսկանդարյանը:

Քննարկման մասնակից ԱԺ Արտաքին հարաբերությունների մշտական հանձնաժողովի պատգամավոր Թևան Պողոսյանն ասում է Արցախյան հիմնախնդիրն 2016-ը բանակցային գործընթացի տեսանկյունից ոչինչ չտվեց:

«2015-ին և 2014-ին էլ չէր գնում բանակցություն, գնում էր բանակցություն, թե ինչպես լարվածություն չառաջանա շփման գծում: Մեր համար կային մի շարք դասեր որ, ըստ իս, մենք պետք է քաղենք և հետևություններ անենք ինչ գործողություններ ձեռնարկել, որ նման իրավիճակների կրկնություն չլինի: Առաջին դասը այն էր, որ մենք իրականում ունենք խնդիրներ և մեր խնդիրները ուրիշը չի լուծելու, մենք ինքներս պետք է կարողանանք լուծել: Առաջին խնդիրներից մեկն է, որ մենք պետք է կարողանայինք զարկ տալ ռազմարդյունաբերությանը: Երկրորդ դասը, որ ստացանք մենք, միջազգային հանրությունը, միջնորդները և թշնամին, մեր  ազգը պատրաստ է կանգնելու խնդրի համար մինչև վերջ»,-նշեց Պողոսյանը:

ԱԺ Արտաքին հարաբերությունների մշտական հանձանժողովի պատգամավոր, ՀՀԿ խմբակցություն Շիրակ Թորոսյանն էլ, ամփոփելով 2016-ը, ասաց, որ 2016-ը անկյունաքարային ժամանակաշրջան էր ղարաբաղյան հակամարտության գործընթացի համար մինչև ապրիլ և ապրիլից հետո:

«Մինչև ապրիլ համանախագահները և մենք հույս էինք փափայում. որ հնարավոր է  հակամարտության խաղաղ կարգավորում առաջ քաշված սկզբունքների շրջանակում: Ադրբեջանը գոնե կարողանում էր իմիտացիա անել, որ ինքը դեմ չէ հակամարտության խաղաղ կարգավորմանը, սակայն ապրիլը գլխիվայր շուռ տվեց բոլորիս պատկերացումները: Հույս դնել Ադրբեջանի վրա, որ ինքը կարող  է խաղաղ ճանապարհով կոնֆլիկտին իրական լուծում տալու կողմնակից լինել, դա դժվար է»,-ասաց Թորոսյանը:

Նա ընդգծեց, որ այս ամենից մեկ հետևություն պետք է անել.  «Միայն մեր վրա պետ է դնենք հույսը: Սպասել դաշնակիցներից այն առավելագույնը, որ մենք ակնկալում ենք, ճիշտ չէ: Որովհետև տարածաշրջանում կան շահեր, կան մեծ պետությունների խաչվող շահեր, և մենք պետք է կարողանանք ճկուն դիվանագիտությամբ մեր շահերը առաջ մղել, անգամ տեղավորելով մեծ պետութունների շահերի խաչմերուկում: Հույսը դնել դաշնակիցների վրա, դա կլինի մեր ամենամեծ սխալը»:

Քաղաքական եւ միջազգային հետազոտությունների հայկական կենտրոնի տնօրեն, քաղաքագետ Աղասի Ենոքյան, ով նույնպես մասնակցում էր քննարկմանը, ասաց, որ ապրիլյան պատերազմը սթափեցրեց կողմերին, որ խնդիրը լուծված չէ:

«Որովհետև մինչ այս գոնե ՀՀ իշխանությունների մոտ կար հանգստություն, թե խնդիրը լուծված է և այդ ստատուս քվոն կարելի է պահել հավերժ: Ապրիլյան պատերազմը ցույց տվեց, որ դա այդպես չէ և իշխանություններն էլ դա հասկացան: Երկրորդ կարևոր գործոնը սպառազինությունների շատ ինտենսիվ ներհոսքն էր տարածաշրջան»,-հավելեց Ենոքյանը:

Քննարկման ամբողջական տեսագրությունը դիտեք այստեղ:

Լիլիթ Առաքելյան , «Մեդիա կենտրոն» ծրագրի համակարգող-խմբագիր

Հեղինակիհետկապվելուհամարգրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Խոշտանգումը շարունակում է խնդիր մնալ անգամ հեղափոխությունից հետո. Արա Ղարագյոզյան
26.03.2020
20:02
Երեկ՝ մարտի 25-ին, Վերաքննիչ դատարանը մասնակի բավարարել է խոշտանգման գործով տուժող ճանաչված քաղաքացու շահերի պաշտպան Արա Ղարագյոզյանի ու դատախազ Վարդգես Սարգսյանի բողոքները՝ բեկանելով Տավուշի մարզի ընդհանուր իրավասության դատարանի խոշտանգման գործով ամբաստանյալի նկատմամբ արդարացման դատավճիռը, գործը ուղարկելով առաջին ատյանի դատարան՝ նոր ծավալով քննության։
Սովորենք սիրել ու պահպանել միմյանց
26.03.2020
19:54
Ինչպե՞ս հաղթահարել կորոնավիրուսի տարածմամբ պայմանավորված՝ մեկ ամիս (գուցե ավելի) տնից դուրս չգալու անորոշությունը: Ի՞նչ լուծումներ են առաջարկում հոգեբանները՝ նվազագույն էմոցիոնալ կորուստներով հաղթահարելու համաշխարհային մասշտաբի այս ճգնաժամը: Այս և մի շարք այլ հարցերի շուրջ ենք զրուցել «ԱՅԳ» հոգեբանական ծառայությունների կենտրոնի տնօրեն Վարուժան Մելքոնյանի հետ: