«Մարդու իրավունքները Հայաստանում 2016 թ.-ին. խնդիրներ եւ հետեւություններ»
09.12.2016
11:00
Մարդու իրավունքների միջազգային օրվան ընդառաջ «Մեդիա կենտրոնում» այսօր տեղի ունեցավ քննարկում, որին մասնակցում էին «Ընդդեմ իրավական կամայականությունների» ՀԿ-ի նախագահ, ՀՀ առաջին օմբուդսմեն Լարիսա Ալավերդյանը, «Իրավունքի գերակայություն» ՀԿ-ի անդամ Արտակ Զեյնալյանը և Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցը:

Ամփոփելով 2016 թ. Հայաստանում մարդու իրավունքների տեսանկյունից՝ Լարիսա Ալավերդյանն ասաց, որ այս տարվա հուլիսին տեղի ունեցան մարդու իրավունքների «խայտառակ» ոտնահարումներ, որոնց մինչ օրս ոչ բացատրություն է տրվել, ոչ էլ համապատասխան արձագանք:

«Ես Լոնդոնում եղել եմ ազնվականների ցուցարարների ցրման ժամանակ և դա շատ կոպիտ է եղել, բայց մյուս օրը 7 ոստիկան հեռացվել է աշխատանքից: Մեր պարագայում աննախադեպ էր ոտնահարումը լրագրողների հանդեպ: Խարդախ սցենարով հավաքել էին մարդկանց մի տեղ և դաժան վերաբերմունքի արժանացրել: Մենք գնացել ենք ներքին զորքերի տարածք և մնացելմինչև լույս և սպասել մինչև դուրս գան բերման ենթարկվածները: Մոտ 100 մարդ դուրս եկան: Ես մինչև այսօր կարծում եմ, որ այս առթիվ ոչ համարժեք գնահատական հնչեց, ոչ էլ համարժեք պատասխանատվության ենթարկվեցին պատասխանատուները»,-ասաց Ալավերդյանը:

Նա ընդգծում է, որ իր կազմակերպությունը, զբաղվելով մարդու իրավունքների պաշտպանությամբ,  կարողանում է պաշտպանել այս կամ այն անձի իրավունքը մինչև դատարան, սակայն գլոբալ առումով երևույթը չի փոխվել:

Արտակ Զեյնալյանի գնահատմամբ՝ այս տարի մարդու իրավունքների վիճակը Հայաստանում հետընթաց է ապրել նախորդ տարվա համեմատ: Դեպքեր տեղի ունեցան ամռանը, որի ընթացքում մասսայական խախտումներ եղան: Նախորդ տարվա համեմատ ոստիկանության վերաբերմունքը մարդու իրավունքների պաշտպանության նկատմամբ ավելի ցինիկ էր: Դա պայմանավորված է նրանով, որ նախորդ տարվա արածը նրանք կարողացան մարսել, իրավական պատասխանատվության չենթարկվեցին: Եթե արածի համար հատուցում չկա, դառնում է սովորույթ: Այս տարի դա զարգացվեց»,-ասաց Զեյնալյանը:

Նա հավելեց, որ եթե մարդիկ մինչև 18 ժամ անազատ էին, այս տարի մարդիկ համակենտրոնացման ճամբարի նման բերման էին ենթարկվում առանց փաստական հիմքի:

«Դրա համար որևէ քաղաքական պատասխանատվություն չեղավ: Նման երևույթները ոչ թե պատահական բնույթ են, այլ պատվեր են հենց պատասխանատուների կողմից: Լրագրողների իրավունքների նկատմամբ միջամտություն եղավ անցած տարի շուրջ 25 լրագրողի հանդեպ, պատշաճ պատասխանատվության չենթարկվեցին, այս տարի նույն ձև եղավ: Ինչու՞ են ընտրում լրագրողներին որպես թիրախ: Քանի որ խոսքի ազատության իրավունքի պաշտպաններն են նրանք: Ռեժիմի նպատակն է այդ իշխանության տիրոջը մեկուսացնել, թույլ չտալ որ ժողովուրդը պահանջատեր լինի»,-ընդգծեց Զեյնալյանը:

Քննարկման մյուս բանախոս Արթուր Սաքունցը, անդրադառնալով այն հարցին, թե ինչպես է գնահատում երեկ Համբուրգում ՀՀ արտգործնախարար Էդվարդ Նալբանդյանի ելույթը, որտեղ մասնավորապես նշվում է քաղաքացիական հասարակության զարգացումը՝ որպես կարևոր միտում Հայաստանում, ասաց, որ դա ցինիզմ էր:

«Որովհետև իշխանությունները երկրում ունկնդիր չեն լինում քաղաքացիական հասարակության ահազանգերին, բայց երկրից դուրս դա որպես սեփական նվաճում են ներկայացնում: Ավելի լավ էր ուզում Նալբանդյանը երևար Ադրբեջանի նկատմամբ, բայց ինքը մի բան մոռանում է, որ դա իրենց շնորհքը չի: Մենք ունենք շատ չլուծված խնդիրներ ու գնում ենք խնդիրների կուտակման ճանապարհով, ոչ լուծման»,-նշեց Սաքունցը:

Սաքունցը տեսակետ հայտնեց, որ Հայաստանը իրավական պետություն չէ, սոցիալական ու ինքնիշխան չէ:

«Այս ամենի համար պատասխանատում է Սերժ Սարգսյանը: Հայաստանը առավել քան անապահով երկիր է: Մենք ունենք լուրջ խնդիր Սահմանադրական փոփոխություններ կոչվածն է, որը պարտադրված է Հայաստանի Հանրապետությունը: Սերժ Սարգսյանը անձնական իշխանությունը շարունակական դարձնելու համար փոխեց համակարգը նախագահականից խորհրդականի: Դիտորդների իրավունքներն է սահմանափակված՝ ի տարբերություն նախորդ ընտրական օրենսգրքի: Բայց Հայաստանում քաղաքացիներ կան, ի հեճուկս իրենց: Եվ եթե իրենք ցանկանում են գլուխ գովալ քաղաքացիական հասարակությամբ, ուրեմն քաղաքացիական հասարակությանը պետք է ունկնդրեն»,-հավելեց Սաքունցը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին: 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ