Վավերագրական ներկայացում «Յոթ»-ը. կանանց պայքարի եւ հաղթանակի պատմություններ
08.12.2016
12:00
Մարդու իրավունքների պաշտպանության օրը՝ դեկտեմբերի 10-ին, Երևանում՝ Սոս Սարգսյանի անվան Համազգային թատրոնում, տեղի կունենա ««Յոթը» ներկայացումը՝ հանուն կանանց իրավունքների» թեմայով: Այն նվիրված է բռնությունների և կանանց իրավունքների պաշտպանության թեմային:

Բեմադրությունն իրականացվում է Հայաստանում հասարակության տարբեր ոլորտները ներկայացնող հայտնի մարդկանց մասնակցությամբ։ Ներկայացումը մասն է «Ընդդեմ կանանց նկատմամբ բռնության կոալիցիայի» և Հայաստանում Շվեդիայի դեսպանատան ակտիվ և արդյունավետ համագործակցության։ Գլխավոր դերերում կյանքի դժվարությունների դեմ պայքարող յոթ կանայք են: Այս ներկայացումը բեմադրվել է աշխարհի տարբեր երկրներում, եւ յոթ կանանց պատմությունները հանդիսատեսի համար կարդացել եւ ներկայացրել են ինչպես հատնի դերասաններ, այնպես էլ քաղաքական այրեր ու հասարակական գործիչներ:

«2009 թվականից սկսած, ներկայացումն իրականացվել է 30-ից ավելի երկրներում, այդ թվում, Աֆղանստանում, Սերբիայում, Ռուսաստանում, Թուրքիայում, Վրաստանում և այլուր։ Թարգմանվել է ավելի քան 27 լեզուներով։ Այն դիտել են ավելի քան 40,000 մարդ: Սա յոթ ակտիվիստ կականց դժվարություններով լի կյանքն է: Նրանց պայքարի պատմությունը, որի արդյունքում այդ կանայք հասել են հավասարության, ազատության եւ անկախության», - նշեց Մեդիա կենտրոնում դեկտեմբերի 8-ին հրավիրված մամուլի ասուլիսին «Ընդդեմ կանանց նկատմամբ բռնության կոալիցիայի» ծրագրի ղեկավար Մարիամ Կուրշուդյանը։

Երևանում կայանալիք ներկայացմանը որպես դերակատարներ հանդես կգան դերասանուհի Լուիզա Ներսիսյանը, ԱԺ ՀԱԿ խմբակցության քարտուղար, պատգամավոր Արամ Մանուկյանը, դերասան Հայկ Պետրոսյանը, դաշնակահար Հայկ Մելիքյանը, Հաշմանդամություն ունեցող անձանց շահերի պաշտպանությամբ զբաղվող դաշինքի համակարգող Զառա Բաթոյանը, ծանրորդ Նազիկ Ավդալյանը, «Կանանց ռեսուրսային կենտրոն» ՀԿ-ի ղեկավար Լարա Ահարոնյանը:

ԱԺ ՀԱԿ խմբակցության քարտուղար Արամ Մանուկյանը կարդում է Գվատեմալայից Անաբելլա Դե Լեոնի պատմությունը։ Նրա խոսքով, ուրիշի իրավունք գոյություն չունի եւ հանրությունն այս հարցում չպետք է անտարբերություն ցուցաբերի: 

«Անցած տարի որդեկորույս մայրերին, որոնց որդիները զոհվել են բանակում, բողոքի ակցիա իրականացնելիս Բաղրամյան պողոտայում ոստիկանները ցուցադրաբար, բռի կերպով քարշ տալով տանում էին, որ ցույց չանեն: Դրանից հետո ես ոստիկանների հետ վեճի մեջ մտա, ամոթանք էի տալիս, այդ տեսանյութը 30 000 դիտում է ունեցել… Եթե այդ դիտողներից ընդամենը 300-ը գային և այդ մայրերի կողքին կանգնեին, ոչ մի ոստիկան այդպես չէր վարվի: Ասելիքս հետևյալն է՝ ուրիշի իրավունք գոյություն չունի… Այս ներկայացումը համարեք միջոցառում՝ հասարակական ճնշում մարդու իրավունքների պաշտպանության համար»,- հայտաարրեց Արամ Մանուկյանը:

Ասուլիսի մյուս բանախոս Լուիզա Ներսիսյանը, որ կարդալու է Ռուսաստանից Մարինա Պիսկլակովա-Փարքերի պատմությունը, նշեց. «Մարիան բավականին հզոր մի կին է, ով թեկուզ չանցնելով դժվարությունների միջով, անտարբեր չի մնացել իրեն շրջապատող մարդկանց հոգսերի եւ դժբախտությունների նկատմամբ»: Դերասանուհու խոսքով, Մարինա Պիսկլակովա-Փարքերը 1993 թ-ին միակն էր, որ հիմնադրեց կանանց իրավունքներով զբաղվող հասարակական կազմակերպություն: «Այժմ Ռուսաստանում 160-ից ավել նման կազմակերպություններ կան: Փաստորեն նա այս գործընթացի սկիզբը դրեց: Կուզեի, որ Հայաստանում եւս այս խնդրի մասին խոսվեր բաց եւ ազատ», - ասաց բանախոսը:

Դաշնակահար Հայկ Մելիքյանը, ով ներկայացնելու է Կամբոջայից Մու Սոչուայի պատմությունը, նշեց, որ իրեն շատ հոգեհարազատ է Սոչուայի դերը: «Նա այն երկու կանանցից է, որ եղել են Կամբոջայում նախարար: Նա Կամբոջայում եւ հարեւան Թայլանդում պայքարել է սեռական թրաֆիքինգի դեմ: Շատ հետաքրքիր եւ դժվարություններով լի պատմություն է», - ասաց նա՝ նշելով որ առաջին անգամ է մասնակցում նման նախագծի եւ «շատ ոգեւորված է»:  

Ավելացնենք, որ «Յոթ» ներկայացումը զուգորդվելու է տարբեր ակտիվություններով, որոնք բարձրացնելու են զգոնությունը գենդերային հիմքով պայքարի և կանանց իրավունքներին վերաբերող խնդիրների բարձրաձայնման  ուղղությամբ։

Հիմնված 2007 թվականին հավաքված հարցազրույցների վրա, ներկայացումը ստեղծված է Յոթը հայտնի մրցանակակիր-թատերագիրների կողմից՝ Պաուլա Սիզմար, Քատերին Ֆիլու, Գեյլ Կրիգել, Կարոլ Կ. Մակ, Ռութ Մարգրաֆ, Աննա Դեվիեր-Սմիթ և Սյուզան Յանկովից։

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ