ՀՀ սահմանը հատած քաղաքացիների անձնական տվյալները փոխացվել են Ռուսաստանին. փորձագետներ
05.12.2016
13:00
Կան բավականին հիմնավոր կասկածներ առ այն, որ Ռուսաստանի Անվտանգության դաշնային ծառայությունը հայկական կողմի թողտվությամբ անարգել հասանելիություն ունի ՀՀ սահմանը հատող բոլոր քաղաքացիների անձնական տվյալներին: Այս մասին «Մեդիա կենտրոնում» դեկտեմբերի 5-ին տեղի ունեցած ասուլիսին հայտարարեց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:

«Որքանո՞վ են պաշտպանված ՀՀ սահմանային անցակետերն անցած քաղաքացիների անձնական տվյալները» թեմայով ասուլիսի մասնակցում էր նաեւ Խոսքի ազատության պաշտպանության կոմիտեի նախագահ Աշոտ Մելիքյանը:  Բանախոսները խոսեցին ՀՀ Ազգային անվտանգության ծառայության կողմից ՌԴ Անվտանգության դաշնային ծառայությանը ՀՀ սահմանային անցակետերն անցած բոլոր քաղաքացիների անձնական տվյալների փոխանցման մասին:

2006 թվականից գործածվել է Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգը: Այդ համակարգը իրենից ներկայացնում է շտեմարան, ուր զետեղված են Հայաստանի Հանրապետության սահմանային անցակետերը հատած քաղաքացիների ու տրանսպորտային միջոցների մասին տվյալները: «Բանն այն է, որ կառավարության 2006 թվականի թիվ 884 որոշմամբ հստակ ամրագրված է, թե ո՞ր մարմինները կարող են օգտվել ՍԷԿՏ համակարգից: Այդ ցանկում են ՀՀ մի շարք պետական մարմիններ՝ իրավապահների ու գործադիր իշխանության որոշ ճյուղեր», - ասաց բանախոսը:

Նրա խոսքով այս խնդիրն առաջացավ այն ժամանակ, երբ այս տարվա օգոստոսին ՀՀ-ում ծառայող ամերիկացի դիվանագետների անձնագրերի սքանների արտահոսք: «Այդ ժամանակ մենք բացահայտեցինք, որ Հայաստանի ՍԷԿՏ համակարգից օգտվելու իրավունք ունի նաև Ռուսաստանի Դաշնության անվտանգության դաշնային ծառայությունը», - ասաց նա՝ հավելելով, որ ՌԴ ԱԴԾ-ի սահմանապահ զորքերը գտնվում են Հայաստանում են ծառայություն իրականացնում Մեղրիի անցակետում եւ հայ-թուրքական սահմանին համաձայն 1992 թվականին կնքված «ՀՀ և ՌԴ միջև Հայաստանի տարածքում գտնվող ՌԴ սահմանապահ զորքերի կարգավիճակի ու նրանց գործունեության պայմանների մասին» պայմանագրի:

«Հատկանշական է, որ համաձայն այդ պայմանագրի ՌԴ ԱԴԾ սահմանապահները չպետք է ծառայություն իրականացնեն Երևանի «Զվարթնոց» օդանավակայանում, սակայն անում են: Եվ սա ոչ մի կերպ կարգավորված չէ», - հավելեց նա: Նրա խոսքով, ԱԱԾ պատասխանից պարզ է դառնում, որ ՌԴ ԱԴԾ սահմանապահ վարչությանը տրամադրել են ՍԷԿՏ-ից օգտվելու հասանելիություն: «Այլ կերպ ասած, ՀՀ ԱԱԾ-ի թույլտվությամբ ՌԴ ԱԴԾ-ն ունի Հայաստանի սահմանը հատած բոլոր անձանց մասին բոլոր տեղեկությունները՝ ո՞վ է հատել, ե՞րբ է հատել, ո՞ր անցակետն ու ո՞ր ուղղությամբ է հատել, ի՞նչ տրանսպորտային միջոցով և ու՞մ հետ է հատել», - ասաց Դանիել Իոաննիսյանը՝ հավելելով, որ սա անթույլատրելի է:

Ասուլիսի մյուս բանախոս Խոսքի ազատության պաշտպանության կոմիտեի նախագահ Աշոտ Մելիքյանն այնուամենայնիվ հակադարձեց՝ նշելով, որ համաձայն «Անձնական տվյալների պաշտպանության մասին օրենքի»՝ այդ տվյալները կարող են փոխանցվել այլ պետության: «Համաձայն «Անձնական տվյալների պաշտպանության մասին օրենքի»՝ առանց լիազոր մարմնի թույլտվության անձնական տվյալները կարող են փոխանցվել այլ պետություն, եթե այդ պետությունում ապահովված է բավարար մակարդակ անձնական տվյալների առումով», - ասաց Մելիքյանը: 

Նա հացադրում հնչեցրեց առ այն, թե որքանո՞վ է անձնական տվյալների պաշտպանության առումով բավարար մակարդակ Ռուսաստանում, եւ ինքն էլ պատասխանեց՝ «դժվար է ասել»:

Միեւնույն ժամանակ, չնայած իրավական կարգավորումներին, նա շատ լուրջ խնդիր համարեց սա: «Մեծ հաշվով,  այս խնդիրը շատ լուրջ է, ավելի շատ քաղաքական հարթության վրա է, քան իրավական: Սա մեզ վերադարձնում է սեպտեմբերի 3-ի իրավիճակին, երբ երկրի ղեկավարությունն իր որոշումը կայացրեց և երկիրը տարավ դեպի ԵՏՄ: Բնական է, որ դրանից բխող հազար ու մի պաշտոնական համաձայնագրեր կարող են կնքվել: Դրանով մենք մեր սուվերենությունը, փաստորեն, գնալով տալիս ենք այն պետությանը, որը համարվում է ստրատեգիական պարտնյոր, բայց իրականում մեզ վերադարձնում է դեպի կայսրություն»,- ասաց Աշոտ Մելիքյանը` հավելելով, որ համաձայն օրենքի կամ պայմանագրի անհրաժեշտության դեպքում անձնական տվյալներն այլ պետությանը փոխանցելը մեկ բան է, իսկ այլ պետությանը թույլատրել անարգել օգտվել «քո տվյալներից բազայից»՝ ընդհանրապես այլ:

«Անձնական տվյալների պաշտպանության մասին օրենքն ունի հետևյալ դրույթը՝ կարող են փոխանցվել, եթե այդ պետությունում տվյալները պաշտպանված են բավարար մակարդակով: Բայց օգոստոսին մենք տեսանք, որ «սքանավորված» անձնագրերը հայտնվեցին: Ռուսաստանում դա, համենայն դեպս, չհերքվեց… Մենք փորձել ենք ԱԱԾ-ից պարզել՝ միայն մուտքագրելու, թե տեղեկություններ կարդալու իրավունք ունեն, ԱԱԾ-ից պատասխանեցին, որ իրավունք ունեն օգտվել այդ համակարգից: Իսկ կառավարության տերմինալոգիայով օգտվելը ենթադրում է և՛ մուտքագրել, և՛ կարդալ», - եզրափակեց Դանիել Իոաննիսյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ