Իրավապաշտպաններ. «Հայաստանում ավելացել է առողջական խնդիրներով բանակ զորակոչված անձանց թիվը»
02.12.2016
12:00
Հելսինկյան քաղաքացիական ասամբելայի Վանաձորի գրասենյակի ներկայացուցիչները պնդում են, որ 2015-ի ձմեռային և 2016-ի ամառային զորակոչերի ընթացքում ավելացել է բանակ զորակոչված այն երիտասարդների թիվը, որոնք առողջական խնդիրների պատճառներով պիտանի չեն պարտադիր զինվորական ծառայության համար:

«Մեր կազմակերպությանը դիմել է 57 քաղաքացի, եւ դեպքերի գերակշիռ մասը՝ 47-ը, վերաբերել է զորակոչիկների առողջական խնդիրներին ու նրանց ոչ պատշաճ բժշկական զննությանը», - հայտարարեց ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանը «Մեդիա կենտրոնում» դեկտեմբերի 2-ին տեղի ունեցած մամուլի ասուլիսի ընթացքում։ Միեւնույն ժամանակ նրա խոսքով, դիմածներից շատ քչերն են, որ ունեն ունեն մեկ հիվանդություն. «Հիմնականում բոլորը ունեն մի քանի հիվանդություն»:

Երիտասարդները, նշում է Արմինե Սադիկյանը, ունենալով անգամ սիրտ-անոթային համակարգի, ողնաշարի, ոտքերի հիվանդություններ, նաեւ թույլ տեսողության խնդիրներ, որոշ երիտասարդներ հայտնվում են բանակում։ «Օրինակ, եղել է դեպք, երբ 18 տարեկան երիտասարդը, էպիլեպսիկ նոպաներ ունենալով, ամռանը զորակոչվել է ծառայության։ Այնինչ օրենքը հստակ սահմանում է՝ եթե անձի մոտ վերջին 5 տարիներին եղել է առնվազն մեկ էպիլեպսիայի նոպա, ապա նա պիտանի չէ ծառայության համար», - նշում է բանախոսն ու հավելում, որ չնայած առկա փաստաթղթերին նա զորակոչվել է բանակ ու մեկ օր անց ունեցել նոպա։ «Այժմ կամ հոսպիտալում է, կամ բուժկետում», - ասաց իրավապաշտպանը՝ հավելելով, որ զեկույցում նման հինգ դեպք է արձանագրված։

Ասուլսին մասնակից Հելսինկյան քաղաքացիական ասամբելայի Վանաձորի գրասենյակի ղեկավար Արթուր Սաքունցի կարծիքով այս գործում իրենց մեղքի բաժինն ունեն նաեւ բուժհաստատությունները: Նա պնդում է. «Շատ են նաեւ այն դեպքերը, երբ քաղաքացիական բժշկական հաստատություններում անձի առողջական վիճակի մասին եզրակացություն տալու ժամանակ առաջնորդվում են նրա զինապարտության տարիքով»։

Նրա խոսքով, քաղաքացիական բժիշկները հաճախ կաշկանդված են իրենց բժշկական եզրակացությունների հարցում և պայմանավորում են դրանք այն հանգամանքով՝ արդյոք այդ եզրակացությունների հիման վրա երիտասարդը կարող է ճանաչվել պիտանի, թե ոչ: «Ստացվում է, նրանք խուսափում են այնպիսի օբյեկտիվ գնահատականներից կամ երզրակացություններից, որ հնարավորություն կտա քաղաքացուն՝ վիճարկելու զորակոչի պիտանիության հարցը», - պարզաբանում է Սաքունցը:

Եղել են դեպքեր, նշում է Արթուր Սաքունցը, որ զինվորական կոմիսարիատին կից բժշկական հանձնաժողովի եւ կենտրոնական ռազմաբժշկական հանձնաժողովի եզրակացությունները տարբերվել են։ «Նման բազում դեպքերում զորակոչիկների ծնողները վախենում են խոսել խնդիրներից ու դատական կարգով վիճարկել Պաշտպանության նախարարության որոշումը», - հավելում է նա։  

Պարզվում է, որ Հելսինկյան քաղաքացիական ասամբելայի Վանաձորի գրասենյակը ոչ միայն բացահայտում է զորակոչի ժամանակ քաղաքցիների իրավունքների խախտման դեպքերը, այլև բողոքարկում դրանք դատական կարգով: «Այժմ դատարանում նման մի գործ է բողոքարկվում», - ասաց Արմինե Սադիկյանը՝ հավելելով, որ քաղաքցին պիտանի էր ճանաչվել ծառայության համար, սակայն ծնողը հրաժարվել էր իր որդուն ուղարկել բանակ: «Մեր աջակցությամբ քրեական գործի շրջանակներում դատաբժշկական փորձաքննություն է իրականացվել, որը որոշել է որ այս անձը չի կարող զորակոչվել», - ասաց նա՝ հավելելով, որ միայն այս կերպ նրան ազատեցին ծառայությունից:

Արթուր Սաքւոնցը հավելեց, որ այս խնդիրը բարձրացվել է նաեւ ՊՆ-ում եւ համապատասխան հարցում ուղարկվել գերատեսչություն։ «Մենք ուզում էին պարզել, թե ինչու զինվորական բժշկական հանձնաժողովն առողջական խնդիրներ ունեցող երիտասարդներին ճանաչել է պիտանի ծառայության համար: Սակայն գերատեսչությունը ոչ մի հիմնավոր պատասխան չի տվել մեզ», - ասաց նա՝ հավելելով, որ իրենց պատրաստած զեկույցն առաջիկայում կուղարկեն նաեւ պաշտպանության նախարարություն:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ