«Ճանապարհատրանսպորտային պատահարները Հայաստանում 2016-ին»
15.11.2016
14:00
2016 թ. նոյեմբերի 15-ի դրությամբ Հայաստանում պետական վիճակագրական հաշվառմամբ տեղի է ունեցել 2762 ճանապարհատրանսպորտային պատահար:

Վերոնշյալ տվյալներն այսօր «Մեդիա կենտրոնում» տեղի ունեցած քննարկման ժամանակ ներկայացրեց Ճանապարհային ոստիկանության պետի տեղակալ Արմեն Խաչատրյանը:

«Այս պատահարների հետևանքով զոհվել է 227 մարդ, վնասվածքներ ստացել 2844 մարդ: Նախորդ տարվա նույն ժամանակահատվածի համեմատ հանրապետությունում  ՃՏՊ-ների թիվը նվազել է 196-ով, վիրավորների թիվը՝ 265-ով, զոհերինը՝ 63-ով: «Նման միտումի պահպանման դեպքում մինչև տարեվերջ զոհերի թիվը նախորդ տարվա համեմատ էլ ավելի կնվազի»,-ասաց Խաչատրյանը:
Նա հավելեց, որ ՃՏՊ-ների թվի նվազման ուղղությամբ համալիր աշխատանքներ են իրականացվում՝ սկսած քարոզչությունից մինչև արագաչափ ու տեսանկարահանող սարքերի տեղադրում:
«2009 թվականին Երևան քաղաքում ՃՏՊ-ի հետևանքով զոհվել է 72 մարդ, 2010-ին՝ 81 մարդ, 2011-ին՝ 92: Տարեցտարի Երևանում պատահարների հետևանքով զոհերի թիվն ավելանում էր: Միտումը գուցե պահպանվեր, սակայն 2012-ի հունվարից Երևանում  սկսեցին գործարկվել արագաչափերն ու տեսախցիկները, նախորդ տարվա համեմատ զոհերի թիվը նվազեց 29-ով, դա բավականին լուրջ արդյունք է»,-ընդգծեց Խաչատրյանը:
«ԱՔԻԼԵՍ» ավտովարորդների իրավունքների պաշտպանության կենտրոն ՀԿ-ի նախագահ Էդուարդ Հովհաննիսյանը, ով նույնպես մասնակցում էր Մեդիա կենտրոնի քննարկմանը,  առաջարկում է դիտարկել անվտանգության երեք բաղադրիչները. ճանապարհներ, տրանսպորտ և վարորդ:
«Այսօրվա օրով մենք ունե՞նք գրագետ վարորդ: Մենք ունենք անկազմակերպ վարորդ, որը Խորհրդային Միությունից մեզ ժառանգություն եկավ:Գալիս ասում են՝ 50 տարվա վարորդ ենք, բայց հարց եմ տալիս՝  չեն պատասխանում: Ներդրել են տեխզննման համակարգը, բայց փաստացի չունենք տեխզննում: Չկա վերլուծություն, թե անսարքության հետևանքով քանի՞ պատահար է եղել: Ճանապարհ բաղադրիչն իր մեջ ներառում է  ճանապարհային նշանների առկայությունը, դրանց համապատասխանեցումը սահմանված չափանիշներին և ճանապարհային երթևեկության կազմակերպում մենք չունենք: Ճանապարհային ոստիկանության վրա դրված չէ իրականացնել երթեւեկության կազմակերպում, դա իրականացնում է Երեւան քաղաքի քաղաքապետը, մարզերում էլ տեղական ինքնակառավարման մարմինները: Թե ոնց են անում, ինչ են անում աստված գիտի, բայց մենք գիտենք, որ ոչ մի բան չկա»,-ասաց Հովհաննիսյանը:
Նա ընդգծում է, որ Հայաստանում երթևեկության նշանների ամբողջական տեղադրում չի եղել, ՃՈ-ն իր ուժերով անում է, սակայն դա բավարար չէ:

«Ճանապարհային ոստիկանությունը, որպես կանոն, թվեր է ներկայացնում, չի ներկայացնում վերլուծության պատկերը՝ թե ինչու է այդպես»,-ընդգծեց Հովհաննիսյանը:

ՃՈ պետի տեղակալն ասում է, որ երկրաժամկետ ծրագրեր իրականացելիս անպայման վերլուծություններով են առաջնորդվում:
«Չենք կարող ասել, թե այսօր ինչ պատկեր կունենայինք, եթե անգործության մատնվեինք»,-հավելեց Խաչատրյանը: 

Հովհաննիսյանն էլ հավելեց, որ վերջերս իրավիճակը փոխվել է  հաշվառման-քննական բաժանմունքում:  

«Եթե 3-4 տարի առաջ մենք Հաշվառման-քննական բաժանմունքում 33 տոկոս բողոքներ ունեինք, անգամ կաշառք տալու փաստեր էլ ունեինք, հիմա զրո է դարձել. մենք ոչ մի բողոք չունենք Հաշվառման-քննական բաժանմունքում: Բայց այն վարորդների զանգվածը մնացել է»,-հավելեց Հովհաննիսյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ