Խտրականության դեմ պայքարը և հակախտրականության մասին օրենքի ընդունման անհրաժեշտությունը
10.10.2016
12:00
Խտրականությունը մեծագույն խնդիր է ոչ միայն անհատների համար, որոնք ենթարկվում են խտրականության, այլև ամբողջ հասարակության համար. այս մասին հոկտեմբերի 10-ին «Մեդիա կենտրոնում» անցկացված քննարկմանը հայտարարեցին «Խտրականության դեմ պայքարի և հանուն հավասարության» կոալիցիայի անդամները՝ ընգծելով որ Հայաստանում դեռևս չկա հակախտրականության մասին օրենք:

Քննարկմանը մասնակցում էին «Նոր Սերունդ» Մարդասիրական ՀԿ-ի ներկայացուցիչ Արթուր Մակարյանը, «Իրավունքի Զարգացման Կենտրոն» ՀԿ-ի ղեկավար Վիոլետա Զոփունյանը, Կանանց Ռեսուրսային կենտրոնի ծրագրերի համակարգող Անահիտ Սիմոնյանը և փաստաբան Անահիտ Չիլինգարյանը:

«Խտրականության պատճառով անձը օտարվում է, սահմանափակվում են նրա իրավունքները և հնարավորությունները: Հայաստանում խտրականության դրսևորումների կարելի է հանդիպել հասարակական կյանքի բոլոր ոլորտներում՝ աշխատաշուկայում, հասարակական-քաղաքական կյանքում, առողջապահության և կրթության ոլորտում: Շատերը ենթարկվում են խտրական վերաբերմունքի, բայց անգամ չեն գիտակցում դա, քանի որ հասարակության մեջ կա իրազեկման պակաս»,- ասաց Անահիտ Սիմոնյանը:

Ըստ նրա՝ շատ  են նաև գենդերային խտրականության դեպքերը, որի հետևանքով սահմանափակվում է կանանց աշխատելու իրավունքը:

«Հայաստանում ներկայումս կանանց կեսը չի աշխատում, սակայն չաշխատող կանանց 40 տոկոսն ունի բարձրագույն կրթություն և աշխատելու հնարավորություն: Բայց խտրական վերաբերմունքի պատճառով նրանք զրկված են այդ հնարավորությունից և չեն աշխատում, որի հետևանքով էլ Հայաստանի ՀՆԱ-ն տարեկան  50-60 մլն դոլար է կորցնում»,-հավելեց Սիմոնյանը:

Արթուր Մակարյանը նշեց, որ  2015-ին խտրականության դեմ պայքարի գաղափարախոսության շուրջ միավորվել է 11 ՀԿ և 2 լրագրողական կազմակերպություն ու ստեղծել «Խտրականության դեմ պայքարի և հանուն հավասարության» կոալիցիան, որի նպատակն էր Հայաստանում ստեղծել մի մարմին, որը իրավապաշտպան կազմակերպությունների կողմից  հանձն կառներ նվազեցնելու և չեզոքացնել առկա խտրականության դրսևորումները:

«Ստեղծվեց ռազմավարական գործողությունների պլան և կոալիցիան աշխատում է թե օրենքի ընդունման ձևաչափի թերի կողմերի մասով, թե նման դեպքերի դեմ տարվող աշխատանքների մասով: Նպատակներից մեկն է մասնավոր և պետական ոլորտում նվազեցնել խտրականության դեպքերի առկայությունը՝դրանք վեր հանելու պայմանով: Թե պետական, թե մասնավոր սեկտորում այսօր մարդուն կարող են աշխատանքի չընդունել մարդու արտաքին տեսքի, հաշմանդամություն ունենալու, կրոնական հայացքների և այլ հատկանիշների համար: Այս ամեն ինչը հիմք ընդունելով՝ մեր կոալիցիան սկիզբ դրեց խտրականության դեմ պայքարի ռազմավարության ձևավորմանը»,-հավելեց Մակարյանը:

Վիոլետա Զոփունյանը նշեց, որ 2015 թվականին Արդարադատության նախարարությունը մի քանի ՀԿ-ների հետ նախաձեռնեց Խտրականության մասին օրենքի նախագծի մշակման գործընթացը: Ըստ նրա՝ թիվ մեկ խնդիրը, որ պետք է օրենքը լուծի «խտրականություն» հասկացության սահմանումն է:

«Մենք չունենք այն եզրույթը, թե ինչ է խտրականությունը և ինչ հիմքերով են մարդիկ ենթարկվում խտրականության: Կարևոր է, որ օրենքը ընդունվի այնպես, ինչպես կա միջազգային պայմանագրերում, միջազգային ստանդարտներում: Այստեղ կարիք չկա հեծանիվ հորինելու, քանի որ այս ամենը արդեն վաղուց գործում է միջազգային փորձում: Օրենքը հնարավորություն կտա կանխարգելել խտրականության դեպքերը, եւ խտրականության ենթարկված անձինք հնարավորություն կունենան պաշտպանել իր իրավունքները»,-ասաց Զոփունյանը:

Նա ընդգծեց, որ Արդարադատության նախարարության եւ պետության առջեւ խտրականության մասին օրենքի ընդունումը դրված է նաև որպես Եվրամիության բյուջետային աջակցության ծրագրի պայման:

«Մենք հույս ունենք, որ կյանքի կկոչվի այս օրենքը և իրավաբանները կկարողանա ունենալ դատական գործեր, որոնք պրակատիկորեն կիրագործվեն»,-հավելեց Զոփունյանը:

Անահիտ Չիլինգարյանն ասաց, որ իրենք համագործակցում են Եվրասիա հիմնադրամի հետ, որը Արդարադատության նախարարության հետ սկսել է օրենքի մշակման նախաձեռնությունը և աշխատանքային խումբը դեռևս շարունակում է աշխատանքները: 

«Մենք դեռևս չունենք հստակ տեղեկատվություն՝ արդյոք մշակվե՞լ է օրինագիծը, թե՞ ոչ: Մենք դեռ հուլիսին հարցում էինք ուղարկել նախարարություն և մեզ պատասխանել էին, որ կատարվել է օրենքի ընդունման վերաբերյալ վերլուծություն և որևէ տեղեկություն օրենքի նախագծի վերաբերյալ չեն հայտնել»,-ասաց Չիլինգարյանը:

Նա ներկայացրեց իրենց առաջարկները, որոնք ուղղվել են աշխատանքային խմբին օրենքի նախագծում ներառելու համար:

«Հիմնական առաջակությունը այն է, որ բոլոր տեղեկատվական արշավները, կարծատիպերի կոտրումը պետք է կատարվի օրենքի միջոցով, իսկ մենք այսօր չունենք ուղղակի պարտականնություններ, որոնք պետք է դրված լինեն մեր պետական մարմինների վրա: Օրենքով պետք է որպես պետության պոզիտիվ պարտավորություն սահմանվի հակախտրականություն,  բազմազանություն և հանդուրժողականություն քարոզելը: Մենք կարծում ենք, որ խտրականության դեմ պայքարի համար պետք է ստեղծվի անկախ մարմին, որը պետք է ունենա սանկցիոն լիազորություններ, որոնք հնարավորություն կտան օրենքը կատարել, լրացուցիչ ծանրաբեռնվածություն չդնել դատարանների վրա և կատարաման համար պարտադիր որոշումներ կայացնել»,-ընգծում է Չիլինգարյանը:

Նա պարզաբանում է, որ այդ մարմինը ոչ թե պետք է փորձի գտնել մեղավորին ու պատժել, այլ փորձի  հաշտեցնել երկու կողմերին ու գտնել միջանկյալ լուծումներ թե զոհի, թե խտրականություն գործադրողի վրա:

«Եվ կարող են կատարել որոշումներ, նշանակել գործողություններ, որոնք պարտադրաբար պետք է կատարվեն»,-հավելեց Չիլինգարյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

«Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է»
03.08.2020
14:00
Օգոստոսի 3-ին, ժամը 14:00-ին, Մեդիա կենտրոնը կազմակերպեց առցանց քննարկում «Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...