Տուրիզմը Հայաստանում զարգանում է, սակայն խնդիրները չեն պակասում
27.09.2016
12:00
Թեպետ Հայաստանում զբոսաշրջության ոլորտը զարգանում է, իսկ այս տարվա վեց ամիսներին ՀՀ այցելած զբոսաշրջիկների քանակն անցյալ տարվա նույն ժամանակահատվածի համեմատ 2,4%-ով աճել է, այնուամենայնիվ այս սեկտորում առկա խնդիրները շարունակում են իրենց զգացնել տալ: Դրանք են պետական քաղաքականության ֆինանսավորման սղությունը, ենթակառուցվածքների ոչ բարվոք վիճակը, կադրերի պակասը եւ զբոսաշրջիկի համար Հայաստանի հասանելիության հետ կապված խնդիրները:

«Վերջին վեց ամսվա տվյալներով ներգնա զբոսաշրջային այցելությունների թիվը կազմել է ավելի քան 501 հազար, ինչը 2,4 տոկոսով ավելի է, քան նախորդ տարվա նույն ժամանակահատվածի ցուցանիշը։ Ներքին զբոսաշրջությունը նույնպես աճ է արձանագրել՝ վեց ամսվա տվյալներով 20,8 տոկոս աճ ունենք նախորդ տարվա նույն ժամանակահատվածի ցուցանիշի նկատմամբ», - ասաց ՀՀ էկոնոմիկայի նախարարության զբոսաշրջության զարգացման քաղաքականության վարչության պետ Մեխակ Ապրեսյանը՝ հավելելով, որ շարունակվում են աշխատանքները միջազգային համագործակցության զարգացման ասպարեզում, իսկ ներքին զբոսաշրջային կյանքում կազմակերպվում են տարբեր միջոցառումներ, ավանդական տոնակատարություններ եւ փառատոներ։

«Մեդիա կենտրոնում» սեպտեմբերի 27-ին Մեխակ Ապրեսյանի ու «Արենի փառատոն» հիմնադրամի տնօրեն Նունե Մանուկյանի մասնակցությամբ տեղի ունեցավ Զբոսաշրջության միջազգային օրվան նվիրված քննարկում «Զբոսաշրջությունը Հայաստանում. խնդիրներ եւ հեռանկարներ» թեմայով։ 

Հայաստանում հոկտեմբերի 1-4 անցկացվելու է ՄԱԿ-ի զբոսաշրջության համաշխարհային կազմակերպության աֆիլացված անդամների տարեկան համաժողովը՝ 38-րդ նստաշրջանը։ Սա Ապրեսյանը համարում է կարևոր ձեռքբերում և միջազգային արդյունավետ համագործակցության օրինակ։ «Աֆիլացված անդամները լիիրավ անդամներից տարբերվում են նրանով, որ լիիրավ անդամները պետություններն են ի դեմս զբոսաշրջության ոլորտում իրենց պետական կառավարման լիազոր մարմինների, իսկ աֆիլացված անդամները ներկայացնում են մասնավոր հատվածը՝ տարբեր գործարարներ, բիզնես միավորներ, լրատվամիջոցներ, կրթական հաստատություններ, և այլ նմանատիպ կազմակերպությունների ներկայացուցիչներ։ Նրանք որոշել են իրենց տարեկան համաժողովը անցկացնել  Հայաստանում», - բացատրում է նա։

Հայաստանում զբոսաշրջության զարգացման մասին պետական պաշտոնյաների հավաստիացումները տարածաշրջանային կտրվածքով բավականին մտահոգիչ վիճակագրական պատկերի մաս են կազմում: 2014թ.-ի պաշտոնական տվյալներով Վրաստան է այցելել 2,3 մլն զբոսաշրջիկ, 2,2 մլն զբոսաշրջիկ՝ Ադրբեջան, եւ միայն 1,2 մլն զբոսաշրջիկ՝ Հայաստան:  

Հայաստանը, կարծում է «Արենի փառատոն» հիմնադրամի տնօրեն Նունե Մանուկյանը, կարիք ունի շատ ավելի լայն PR-ի արտասահմանում: Նման աշխատանք, պատմում է բանախոսը, բավականին ակտիվ իրականացում է հարեւան Վրաստանը եւ մեծ գումարներ ծախսում այդ ուղղությամբ: «Վրաստանում տուրիզմի զարգացման համար պետական բյուջեից հատկացվում է շուրջ 12 մլն դոլար, իսկ Հայաստանում՝ 400 հազար դոլար», - նշում է Մանուկյանն ու հավելում, որ տրամադրվող բյուջեի շրջանակներում Հայաստանում համեմատության մեջ բավականին աշխատանքներ են տարվում: «Հայաստանն այս առումով նմանվում է ձերքի տակ ոչինչ չունեցող տանտիկնոջ, որը փորձում է շատ գեղեցիկ սեղան գցել», - համեմատեց բանախոսը:

Արդյունավետ PR-ի իրականացման հարցում Նունե Մանուկյանը կարեւորում է պետության դերը: «Մենք իսկապես շատ լավ PR-ի կարիք ունենք, որովհետև կողքի հարևանների մարտահրավերները շատ ուժեղ են։ Դրա համար պետությունը պետք է շատ լուրջ վերաբերվի և պահանջելուց առաջ գումարներ տրամադրի։ Դրանք ցուցահանդեսներն են, փառատոները, տուրիստական ենթակառուցվածքների վրա ծախսվող միջոցները, ինչպես նաեւ երկրի ավիացիոն հասանելիության բարձրացմանն ուղղված քայլերը», - ասաց նա: 

Նա կարեւորեց պետական աջակցությունը հատկապես այն փառատոների կազմակերպման հարցում, որոնք ուղղված են համայնքների եւ գյուղական տուրիզմի զարգացմանը: «Հայաստանի պոտենցիալն էկոտուրիզմն է, գյուղական տուրիզմն է», - հավելում է նա։  

Արշալույս Մղդեսյան, «Մեդիա կենտրոն» ծրագրի համակարգող-խմբագիր 

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...