5-օրյա քայլարշավ Գեղարքունիքում՝ ընդդեմ ընտանեկան բռնության
26.09.2016
11:00
Սեպտեմբերին Կանանց ռեսուրսային կենտրոնը անցկացրել է 5-օրյա քայլարշավ Գեղարքունի մարզում՝ ընդդեմ ընտանեկան բռնության:

Քայլարշավի նպատակի և տարված աշխատանքների մասին «Մեդիա կենտրոնում» հրավիրված մամլո ասուլիսի ժամանակ ներկայացրեցին Կանանց ռեսուրսային կենտրոնի ծրագրերի ղեկավար Տաթևիկ Աղաբեկյանը, Կանանց ռեսուրսային կենտրոնի մարզային ծրագրերի ղեկավար Անահիտ Սիմոնյանը և Սեռական բռնության ճգնաժամային կենտրոնի սոցիական աշխատող Աննա Հովհաննիսյանը:

Քայլարշավը իրականացվել է սեպտեմբերի 19-23-ը: Տաթևիկ Աղաբեկյանն ասում է, որ նպատակը գյուղական համայնքներում կանանց նկատմամբ  բռնության մասին խոսելն է:

«Սա մեր երրորդ մարզային քայլարշավն էր: Առաջինը մենք իրականացրել ենք 2012-ին՝ Շիրակից դեպի Երևան քայլարշավ կազմակերպելով: Շիրակ, Արագածոտն մարզեր,  այնուհետև Երևան:  2014-ին մենք իրականացրեցինք Արմավիրի մարզում քայլարշավ և այս տարի արդեն Գեղարքունիքում: Որոշվել էր անցնել Գանձակ գյուղից և հասնել Գավառ, Մարտունի, Վարդենիկ գյուղ և Վարդենիս»,-ասաց Աղաբեկյանը:

5-օրյա քայլարշավի ընթացքում կենտրոնի անդամները զրուցել են տեղի մարզի բնակչության հետ, հանդիպումներ են ունեցել նաև դպրոցների ուսուցիչների, ծնողների, և երեխաների հետ, նաև բուժկետերում բուժաշխատողների և գյուղապետարանների աշխատողների հետ:

«Գեղարքունիքի մարզի բոլոր գյուղերում նույն իրավիճակն էր ու նույն վերաբերմունքը: Ցանկացած տեղ սկսում էինք հարցը. կա՞ այստեղ բռնություն, թե՞ ոչ: Բոլորը նշում էին, որ չկա, բայց երբ  հարցնում էինք ընտանիքներում չկա՞ ծեծ, ֆիզիկական ուժի կիրառում, ասում էին, որ բոլորի ընտանիքների առօրյայի մասն է կազմում ծեծը: Իսկ տղամարդիկ շատ հումորով էին վերաբերվում ամեն տեղ, ոչ մի տղամարդ չի ասել, հա դա լուրջ խնդիր է, բոլորը ասում էին, որ առանց դրա չի լինի»,-նշում է Աղաբեկյանը:

Անահիտ Սիմոնյանն ասում է, որ դպրոցների բակերում աշակերտների շրջանում քննարկումներ կազմակերպելիս,  ակնհայտ էր դառնում նաև անչափահասների մոտ առկա կարծրատիպային մոտեցումը:

«Սկզբից որ խոսում էինք բռնության մասին, ասում են չէ, դա վատ է, չպետք է լինի, բայց երբ խոսում ես ընտանիքի ներսում առկա բռնության մասին, արդեն ասում էին, որ  կարող է լինել: Մի 12 տարեկան տղա ասաց անգամ, որ բռնությունը վատ է, բայց հետո նշեց, որ եթե կինը մի բան շիտակ չի անում, ապա ամուսինը կարող է ծեծել կնոջը:Սա հսկայական խնդիր է, եթե այս մտածելակերպով ձևավարվում ու հասարակություն են մտնում այս երեխաները»,-ընդգծեց Սիմոնյանը:

Նա հավելում է, որ գյուղապետերաններում նույնպես նույն պատկերն էր. «Տղամարդու կողմից խնդրի գիտակցումը չկա,  անլուրջ են վերաբերում ու չեն ընկալում, որ խնդրի մի մասը իրենք ու մի բան պետք է անեն խնդրի լուծման համար: Այդ ընկալումը չկա»:

Աննա Հովհաննիսյանն էլ ընդգծում է , որ գյուղերում ու քաղաքներում տղամարդկանց 90 տոկոսը գտնվում էր արտագնա աշխատանքի մեջ դեպի Ռուսաստանի Դաշնություն:

«Չնայած դրան՝ ընտանիքի ներսում շարունակվում էր նրանց վերահսկող վարքը, այսինքն թեև տղամարդը ներկա չէր ֆիզիկապես, բայց սկայպի միջոցով կարողանում էր վերահսկել թե ինչ է կինը հագնում, ուր է գնում, ինչ է անում: Եվ քանի որ տղամարդը չէր կարողանում միջամտել ֆիզիկապես, այդ դերը ստանձնում էին սկեսուրներն  ու սկեսրայրները»,-ասաց Հովհաննիսյանը:

Նա ընդգծեց, որ շատ երիատասարդ աղջիկներ պարզապես փակված են տանը՝ հնարավորություն չունենալով կրթություն ստանալու և հաղորդակցվելու արտաքին աշխարհի հետ:

«Միակ  հեռանկարը 19-20 տարեկան աղջկա համար շարունակում էր մնալ ամուսնությունը և ամուսնու կողմից նրա ճակատագրի տնօրինումը: Բացի այդ ընտանիքներում ամբողջ հոգսը ընկած էր կնոջ ուսերին,  հողի աշխատանքը տան կանայք են ստանձնում, տան կենցաղը ամբողջությամբ նրանց վրա է ընկնում»,-նշեց Հովհաննիսյանը:

Կանանց ռեսուրսային կենտրոնի ներկայացուցիչները մատնանշեցին նաև, որ Գեղարքունիքի մարզում կանայք ունեն առողջական լուրջ խնդիրներ, մասնավորապես սեռական և վերարտադրողական առողջության հետ կապված:

«Վաղ տարիքում վերարտադրողական օրգանները հեռացված էին, կանայք տառապում էին սեռավարակներով, որոնք փոխանցվել են խոպանից վերադարձած ամուսինների միջոցով: Առողջապահական համակարգում գաղտնիության լուրջ խնդիր կար,  բոլոր կանանց կյանքը հանրային էր, բուժաշխատողները մեզ անվանական ներկայացնում էին , թե որ կնոջ մոտ ինչ խնդիր կար: Ու դա հանրային էր նաև հարևանների համար, բուժհաստատության  ներկայացուցիչը կարող է պատմել բոլորին, թե որ կնոջ մոտ ինչ սեռավարակ կար ու ինչ առողջական խնդիր»,-հավելում է Հովհաննիսյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին

Տեսանյութ
Print Friendly and PDF
Այլ մամլո հաղորդագրություններ
Խորհրդարանական արտահեր ընտրություններ 2021
18.06.2021
19:56
Իրազեկման տեսանյութերը պատրաստվել են Հանրային լրագրության ակումբի «Մեդիա կենտրոն» ծրագրի շրջանակում՝ Բաց հասարակության հիմնադրամներ - Հայաստանի աջակցությամբ: Տեսանյութերում հնչած կարծիքները կարող են չհամապատասխանել ծրագիրը ֆինանսավորող կողմի տեսակետների հետ: #VoteforArmenia #Elections2021 #ElectionsArmenia #InformedCitizen #osfarmenia #pjc
ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում
17.06.2021
19:00
Հունիսի 17-ին՝ ժամը 19:00-ին, «Մեդիա կենտրոնի» նախաձեռնությամբ «Ա1+»-ի հեռուստատաղավարում և Մեդիա կենտրոնի ֆեյսբուքյան էջում ու յութուբյան ալիքում առցանց ուղիղ հեռարձակմամբ տեղի ունեցավ նախընտրական բանավեճ «ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում» թեմայով:
Ընտրություններ Հայաստանում. Անդրադարձ նախընտրական արշավին և ընտրությունների օրվա կանխատեսումներին
17.06.2021
15:00
Ժողովրդավարական ընտրությունների եվրոպական պլատֆորմը անց է կացնում նախընտրական գործընթացի վերաբերյալ հանրային քննարկում հայաստանյան առաջատար քաղաքական վերլուծաբանների միջև՝ անդրադառնալով քարոզարշավին, լրատվամիջոցների գործունեությանը, քաղաքական լարվածությանը և երկրի այլ կարևոր զարգացումներին:

Փաստերի ստուգումը նախընտրական, ընտրական և հետընտրական գործընթացներում
16.06.2021
15:30
Մեդիա կենտրոնը հունիսի 16-ին՝ ժամը 15:30-ին կազմակերպեց վեբինար փաստերի ստուգումը նախընտրական, ընտրական և հետընտրական գործընթացներում թեմայով, որի փորձագետ-հյուրն էր Մարիամ Ցիցիկաշվիլին (Georgia's Reforms Associates (GRASS), Վրաստան)։
Արտաքին քաղաքականությունը՝ նախընտրական ծրագրերում
15.06.2021
12:00
Հունիսի 15-ին՝ ժամը 12։00-ին, Մեդիա կենտրոնում տեղի ունեցավ հարցազրույց Քաղաքականության հետազոտական կենտրոնի փոխնախագահ Արմեն Գրիգորյանի հետ:
Թեման՝ «Արտաքին քաղաքականությունը՝ նախընտրական ծրագրերում»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ