«Ինչպե՞ս են ընթացել ՏԻՄ ընտրությունները. ամփոփ գնահատականներ»
20.09.2016
17:09
Սեպտեմբերի 18-ին Հայաստանի 5 մարզի 317 համայնքում անցկացված տեղական ինքնակառավարման մարմինների (ՏԻՄ) ընտրություններին գրանցվել են մի շարք ընտրախախտումներ, որոնց մասին բարձրաձայնեցին «Քաղաքացի-դիտորդ» նախաձեռնության և ընդդիմադիր ուժերի ներկայացուցիչները «Մեդիա կենտրոնում» անցկացված քննարկման ժամանակ:

Քննարկմանը մասնակցում էին  «Քաղաքացի-դիտորդ» նախաձեռության անդամ, «Իրավունքի Եվրոպա միավորում» ՀԿ-ի ավագ իրավախորհրդատու Տիգրան Եգորյանը, «Լուսավոր Հայաստան» կուսակցության խորհրդի անդամ Դավիթ Խաժակյանը և «Քաղաքացի-դիտորդ» նախաձեռության ներկայացուցիչ  Արմեն Գրիգորյանը։ 
Դավիթ Խաժակյանն ասում է, որ ՏԻՄ ընտրությունների առաջին փուլում «Լուսավոր Հայաստան» կուսակցությունն առաջադրած ավագանիներ ուներ Նոյեմբերյանում և գյուղապետի թեկնածու Ջրառատ գյուղում։  

«Նոյեմբերյանում երկու ավագանիները հաղթահարել են շեմը և շուտով կստանձնեն իրենց լիազորությունները, իսկ Ջրառատ գյուղում մեր գյուղապետի թեկնածուն պարտվել է, տեղի ունեցած մթնոլորոտում մենք արձանագրեցինք խախտումներ: Ի սկզբանե տեղամասի մոտ կային բազմաթիվ կուտակումներ և առաջին իսկ խախտումը, որն արձանագրեցինք այն էր, երբ քաղաքացին եկավ ու տեսավ, որ իր տողում արդեն քվեարկված է և լրացված։ Հանձնաժողովի անդամը դա բացատրեց, որ շփոթմունք է տեղի ունեցել և այլ անձի փոխարեն լրացվել է։ Մենք բնականաբար պահանջեցինք կազմել արձանագրություն և այդ պահին թույլ չտալ, որ քվեարկի տվյալ ընտրողը, ում փոխարեն քվեարկված է։ Մեր իրավաբանները որոշակի ընթացակարգեր ներկայացրին, որոնցով կարելի էր հարթել այդ շփոթմունքը, սակայն հանձնաժողովի նախագահը համարեց, որ կարելի է ուրիշի փոխարեն քվեարկել…Մենք ականատես եղանք, որ այլ քաղաքացու փոխարեն քվեարկում է տեղի ունենում և հանձնաժողովը սրան ականջալուր չեղավ և հրաժարվեց արձանագրություն կազմել»,- ասաց Խաժակյանը:

Նա հավելում է, որ այդ ամենը տեսանյութով պահպանել են և այդ խախտման առնչությամբ իրենք ընթացք են տալու: Ըստ Խաժակյանի՝ հաջորդ խախտումը հաշվարկի ժամանակ դուրս եկած անվավեր ու դատարկ ծրարներն էին։

«Դատարկ ծրարները հայտանիշն են հայտնի «կառուսելի» քվերակության:  Այստեղ մենք պահանջեցինք, որ հանձնաժողովն արձանագրություն կազմի։ Քանի որ  ավագանու և համայնքի ղեկավարի ընտրությունները միաժամանակ էին տեղի ունենում, կային երկու գույնի ծրարներ և երկու գույնի քվեաթերթիկներ, բայց դուրս էին գալիս  ծրարներ, որոնց մեջ այլ գույնի քվեաթերթիկներ էին: Դրանք հենց  անվավեր ծրարներն էին։ Հանձնաժողովը որոշեց դրանք առանձնացնել և վերջում ստացվեց, որ չկարողացան պարզել, թե քանի անվավեր ծրար կա, և ըստ էության, քվեաթերթիկների քանակի խնդիր նաև արաձանագրվեց»,-ասաց Խաժակյանը:

Նա հավելեց, որ այս խախտման հետ կապված կրկին հանձնաժողովից պահանջել են արձանագրություն կազմել, սակայն հանձնաժողովի նախագահը հրաժարվել է արձանագարություն կազմել:

«Արձանագրություններ չկազմվեցին, ինչը օրենքի հստակ խախտում էր»,-հավելեց Խաժակյանը: 

Տիգրան Եգորյանը նշեց, որ սեպտեմբերի 18-ին տեղի ունեցած ՏԻՄ ընտրությունների ժամանակ «Քաղաքացի-դիտորդի» կողմից մոտ 112 դիտորդների միջոցով դիտարկված 57 տեղամասերից ընդհանուր առմամբ 105 գրավոր դիմում֊-բողոք է ներկայացվել։

Ահազանգերի թիվը եղել է 136 քվեարկությա ավարտի պահի դրությամբ: Այս բողոք֊-դիմումների մեջ ներառված չեն արձանագրությունների և հրապարակված պաշտոնական տվյալների հետ կապված հնարավոր խախտումները:

Ըստ Եգորյանի՝ բոլոր դիմում բողոքները ներկայացվել են ընտրատարածքային ընտրական հանձանժողովներ և Կենտրոնական ընտրական հանձնաժողով:

«Բողոքները հիմնականում ծանր տեսակի ընտրախախտումներին են վերաբերում։ Բացահայտվեցին բոլոր այն խախտումների միջոցները, որոնք որ օգտագործվում են համապետական ընտրությունների ժամանակ: Դրանք այլ անձանց փոխարեն քվերակություններն են, չսահմանված նմուշի ծրարների և քվեաթերթիկների օգտագործումը: Սա տեղական մակարդակի խախտում չէ: Կային կենտրոնացված ուղղորդումներ, վերահսկողություն քվեարկության ընթացքի նկատմամբ Ոստիկանության կողմից»,-ասաց Եգորյանը:

Արմեն Գրիգորյանն էլ նշեց, որ կա որոշ ակտիվության մեծացում թե հանրության կողմից, թե քաղաքական ուժերի կողմից ՏԻՄ ընտրությունների նկատմամբ:

«Այս տեսանկյունից մենք տեսնում ենք, որ նույն քաղաքացիների կողմից, ովքեր ցանկանում են դառնալ դիտորդ և վերահսկել ընտրական գործընթացը, հետաքրքրությունը մեծացել է: Բայց այն խնդիրները, որոնք գոյություն ունեն ընտրական համակարգում շարունակում են առկա լինել, ու մենք տեսնում ենք, որ այդ խնդիրները բացասական ազդեցություն են թողնում ընտրակամ գործընթացի վրա:  Մի շատ կարևոր խնդիր, որը մենք կարող ենք ասել արդեն համակարգային է դարձել, ուրիշի փոխարեն քվեարկելու գործըթնացն է: 317-ից 16 համայնքում մենք դիտարկել ենք, բայց 16-ում էլ այդ խնդիրը արձանագրվել ենք»,-ասում է Գրիգորյանը:

Նա ընդգծում է, որ այս ընտրախախտումը արձանագրվում է  ոչ միայն ՏԻՄ ընտրությունների, այլև համապետական ընտրությունների ժամանակ:

«Սա կապված է ընտրացուցակների փակ լինելու հետ, և եթե քաղաքական համաձայնությունը կա, եթե հրապարակվեն ընտրողների ստորագրված ցուցակները, ապա հնարավորություն կլինի նման ընտրախախտումները քչացնել: Փակ լինելու միջոցով այդ խնդիրը կա և այդ գործիքը կիրառվում է ընտրությունների արդյունքները կեղծելու նպատակով»,-հավելեց Գրիգորյանը:

Տեղեկացնենք, որ «Մեդիա կենտրոնը» քննարկմանը հրավեր էր ուղարկվել նաև Կենտրոնական ընտրական հանձնաժողով, սակայն այնտեղից հրաժարվեցին մասնակցել քննարկմանը:

Ամբողջական տեսագրությունը դիտեք այստեղ:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին: 

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ