Ի՞նչ մասնակցություն են ապահովելու ընդդիմադիր և իշխանական կուսակցությունները գալիք ՏԻՄ ընտրություններում
31.08.2016
12:00
Գալիք ՏԻՄ ընտրություններում ընդդիմությունը ակտիվ մասնակցություն է ցուցաբերելու՝ ի տարբերություն նախորդ տարիների, ինչը դրական միտում է Հայաստանի ներքաղաքական կյանքում:

Այս առնչությամբ միաձայն տեսակետներ հայտնեցին ընդդիմադիր և իշխանական կուսակցությունների ներկայացուցիչները «Մեդիա կենտրոնում» կազմակերպված քննարկմանը:

ԱԺ «Բարգավաճ Հայաստան» խմբակցության քարտուղար Վահե Էնֆիաջյանն ասաց, որ  սեպտեմբերի 18-ի և հոկտեմբերի 2-ին  ՏԻՄ ընտրությունների համար ԲՀԿ-ն Հայաստանի շուրջ  86 համայնքներում առաջադրումներ է  արել:

«ԲՀԿ-ն միշտ ՏԻՄ ընտրությունները կարևորել է և ՏԻՄ ընտրություններին պատշաճ կերպով իր մասնակցությունն է ունեցել:  Այս ՏԻՄ ընտրություններին ԲՀԿ-ն արդեն  ունի առաջադրումներ։ Մենք ունենք  կուսակցականներ, որոնց առաջադրել ենք և ունենք նաև անկուսակցական թեկնածուներ, որոնց սատարում և պաշտպանում ենք։ Այս ՏԻՄ  ընտրությունները ես կուզեի  առանձնացնել նրանով, որ սահմանադրական փոփոխությունների հանրաքվեից հետո  առաջին անգամ ՏԻՄ ընտրություններ են տեղի ունենում և Հայաստանի մեծությամբ երկրորդ ու երրորդ քաղաքներում ունենք ավագանու ընտրություններ: Մենք պետք է տեսնենք, թե տվյալ քաղաքներում՝ ավագանու ընտրություններում, ինչ արդյունքով պետք է ունենանք քաղաքապետ: Շատ լավ գիտակցելով այդ պատասխանատվությունը և նոր փոփոխությունների հնարավորությունները՝ մենք մասնակցում ենք շատ ներկայանալի ավագանու կազմով թե Գյումրիում, թե Վանաձորում: Այն համայնքներում, որտեղ որ մենք ներկայացրել ենք մեր թեկնածուներին, բավականաչափ ներկայանալի և հարգանք վայելող  անձինք են, և մենք բավականաչափ համոզմունք ունենք, որ ընտրություններից հետո մենք ներգրավվածություն կունենաք ՀՀ  ՏԻՄ համակարգում»,-ասաց Էնֆիաջյանը:

Քաղաքացիական պայմանագիր» կուսակցության փոխպատգամավոր Լենա Նազարյանը, ով նույնպես մասնակցում էր քննարկմանը, ասում է, որ իրենց կուսակցությունը ՏԻՄ ընտրություններին մասնակցելու շատ փորձ չունի, քանի որ ստեղծվել է 2015-ին:

«Թեև այս տարվա ապրիլի 12-ին արդեն մասնակցել ենք Հրազդանի ընտրություններին մեր մոտեցումներն ու դիրքորոշումն այն է, որ անպայման պետք է մասնակցել բոլոր այն ՏԻՄ ընտրություններին այն համայնքներում, որտեղ մենք կունենանք թեկնածուներ, և մենք բնականաբար ձգտելու ենք, աշխատելու ենք այդ ուղղությմաբ, որպեսզի գտնենք այն մարդկանց, ովքեր կցանկանան մեր կուսակցության կողմից առաջադրվել»,-ասաց Նազարյանը:

Սեպտեմբերի 18֊-ի և հոկտեմբերի 2-֊ի ՏԻՄ ընտրությունների համար «Քաղաքացիական պայմանագիրը» առաջադրումներ է կատարել 3 գյուղական համայնքում և  3 քաղաքային:

«Ընդհանուր ունենք 47 թեկնածու, որոնց մեծամասնությունն իհարկե ավագանու անդամներ են Գյումրի, Վանաձոր և Կապան քաղաքներում։ Իսկ մյուս 3 գյուղական համայնքներում մենք առաջադրել ենք համայնքնի ղեկավարի թեկնածուներ»,-նշեց Նազարյանը:

ԱԺ ՀՀԿ խմբակցության պատգամավոր, Հայաստանի ավագանիների ասոցիացիայի նախագահ Արաիկ Հովհաննիսյանը, ով նույնպես մասնակցում էր քննարկմանը, ասաց, որ գալիք ՏԻՄ ընտրությունները որոշակի  առանձնահատկություն են ներկայացնում, քանի որ առաջիկայում համապետական խորհրդարանական ընտրություններն են լինելու:

«Գյումրի և Վանաձոր քաղաքներում սահմանադրության փոփոխություններից հետո ընտրությունները նոր կարգով են անցկացվելու և այստեղ ուզում եմ հատուկ նշել, որ Գյումրիում և Վանաձորում ավագանու ընտրություններ են լինելու։ Եվ սա իսկապես կարևոր է, քանի որ պետք է կարևորել ավագանու ինստիտուտի կայացումը հետագա գործընթացներում:  ՀՀԿ-֊ի համար ՏԻՄ ընտրությունները  հերթական ընտրություններ են, որովհետև մենք միշտ բոլոր ընտրություններին ակտիվ մասնակցություն ենք ունեցել։ Եվ դրա վառ վկայությունն է նաև այն, որ այսօր գործող համայնքների ղեկավարների մոտ 75 տոկոսը մեր կուսակցության ներկայացուցիչներն են՝ ավագանու անդամների բավականին մեծ քանակությամբ: Սրանք խոսուն փաստեր են, որ կուսակցության համար կարևոր է տեղական ինքնակառավարումը, որովհետև հենց այդտեղ առաջնային դիրքերում է ստեղծվում ազգաբնակչության և իշխանության կապը, և այդ առաջնային խնդիրներն են, որոնք ծավալվում են տեղական ինքնակառավարման մարմինների առջև: Շատ կարևոր է, որպեսզի մենք ունենանք ՏԻՄ այնպիսի համակարգ, որի վրա կխարսխվի ընդհանուր մեր իշխանական ամբողջ բուրգը»,-նշեց Հովհաննիսյանը:

Նա հավելեց, որ սեպտեմբերյան և հոկտեմբերյան ընտրություններին ՀՀԿ-ն կրկին մեծ ակտիվությամբ է հանդես գալու և գրեթե բոլոր համայնքներում առաջադրվել են իրենց թեկնածուները, որոնք ներկայացնելու են կուսակցությունը, իսկ որոշ տեղերում ներկայանում են դաշինքներով:

«Կան տեղեր, որտեղ ոչ թե ուղղակի կուսակցականի ենք պատշպանելու, այլ այն թեկնածուին, ով առավել նպաստավոր է և այդ համայնքում կարող է առավել արդյունավետ իրականացնել  տեղական ինքնակառավման մարմինների լիազորությունները,  և մենք նրանց էլ հենց տեղում օժանադակություն կցուցաբերենք: Մեզ համար ինքնանպատակ չէ, որ լինի ՀՀԿ-ի ներկայացուցիչ: Շատ կարևոր է, որ իսկապես այդ աձը կարողանա այդ համայնքի շահերը ներկայացնել»,-հավելեց Հովհաննսիյանը:

Լիլիթ Առաքելյան, «Մեդիա կենտրոն» ծրագրի խմբագիր/համակարգող:

Հեղինակի հետ կապվելու համար գրեք [email protected]հասցեին:

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...