«Ահաբեկչությո՞ւն, թե՞ ապստամբություն». Երևանյան իրադարձությունների իրավաքաղաքական գնահատականը
20.07.2016
12:00
Տարբեր բարձրաստիճան պաշտոնյաների՝ ՊՊԾ գունդը գրաված «Սասնա ծռեր» զինված խմբի տղաներին ահաբեկիչներ կամ այլ որակումները չեն նպաստում Երևանում ստեղծված իրավիճակի խաղաղ հանգուցալուծմանը: Այս մասին «Մեդիա կենտրոն»-ում հուլիսի 20-ին կայացած «Իրավաքաղաքական գնահատական երևանյան վերջին իրադարձություններին» թեմայով քննարկմանը հայտարարեց փաստաբան Տիգրան Եգորյանը:

Մի քանի օր է ինչ Երեւանում իրավիճակը շարունակում է լարված մնալ: Խորենացի փողոցում հավաքված ցուցարարներն իրենց զորակցությունն էին հայտնում Ոստիկանության ՊՊԾ գունդը գրաված «Սասնա ծռեր» զինված խմբի անդամներին, ովքեր հուլիսի 17-ից իրենց վերահսկողության տակ են պահում գնդի տարածքը եւ այնտեղ գտնվող չորս պատանդ ոստիկանների: Նրանք պահանջում են, որ նախագահ Սերժ Սարգսյանը հրաժարական տա եւ ազատ արձակվի իրենց առաջնորդ, «Հիմնադիր խորհրդարանի» վարչության անդամ Ժիրայր Սեֆլիյանին, ում շաբաթներ առաջ ձերբակալել էին պետական հեղաշրջման պատրաստման մեղադրանքով:

ՊՊԾ գնդի տարածքի գրավման պատմության մեջ, ըստ Եգորյանի, ոստիկանի՝ գնդապետ Արթուր Վանոյանի մահն ամենազգայուն հարցերից է, որի շոշափումն ու շահարկումը բոլոր պաշտոնյաների կողմից անթույլատրելի է: Այս պահին, նշում է փաստաբանը, այդ միջադեպն իրավական որակման ու գնահատականի լրջագույն խնդիր ունի, պետք է պարզվեն բոլոր հանգամանքները: «Այս պահին մարդկանց հուզական տրամադրությունների, մասնավորապես հարազատների հոգեվիճակի ու այլ հանգամանքները հաշվի առնելով, այդ հարցն ուղղակի անթույլատրելի է շոշափել, քանի որ մահվան ու դրան նախորդող հանգամանքների վերաբերյալ փաստերը բավարար չեն դատողություններ անելու համար», - ասաց նա:

Նա նաեւ անընդունելի է համարում ԱԱԾ-ի և այլ պաշտոնյաների կողմից «Սասնա ծռեր» խմբի անդամներին ահաբեկիչներ անվանելը: «Դա ոչ միայն պրոֆեսիոնալ չէ, այլև «Սասնա ծռեր» խմբի տղաների իրավունքի խախտում: Անմեղության կանխավարկածի խախտում: Այդ հայտարարությունները ոչ միայն չեն նպաստում խնդրի խաղաղ կարգավորմանը, այլեւ հակառակը՝ ստեղծում են նախատրամադրվածություն»,-ասաց Տիգրան Եգորյանը՝ հավելելով, որ հանրությանը հայտնի որևէ փաստ չկա, որը կարող է ամբողջականացնել ահաբեկչության հանցակազմը:

Եգորյանի հետ համամիտ է ասուլիսի մյուս բանախոս փաստաբան Արա Զաքարյանը, ում կարծիքով պետությունը պարտավոր էր զերծ մնալ «Սասնա ծռեր» խմբի անդամներին որակումներ տալուց՝ պահպանելով անմեղության կանխավարկածը: «Նման որակումներից հետո հնարավոր չէ օբյեկտիվ, անկողմնակալ, բազմակողմանի քննությունը», - ասաց նա:

Ասուլիսի մյուս բանախոս «Իրավունքի Եվրոպա միավորում» ՀԿ նախագահ Լուսինե Հակոբյանն անդրադարձավ հանրության շրջանում լայնորեն քննարկվող «ապստամբության իրավունք» եզրույթին: «Թեպետ այն ամրագրված է միջազգային տարբեր կոնվենցիաներում, սակայն միջազգային իրավագետների բանավեճն այս հարցում սպառված չէ, եւ այն դեռ շարունակվում է», - ասաց Փաստաբանը, ում միտքը շարունակեց ասուլիսի մյուս բանախոս «Համագործակցություն հանուն ժողովրդավարության» ՀԿ ղեկավար Ստեփան Դանիելյանը՝ հավելելով, որ ժողովուրդն ունի ապստամբելու իրավունք՝ սահմանադրական կարգը վերականգնելու համար:

Նրա խոսքով, «Սասնա ծռեր»-ի անդամների քայլը քաղաքական գործընթացի արդյունք է: «Սա բոլորն են հասկանում», - հավելեց նա: «Երկրում ստեղծվել է այնպիսի քաղաքական իրավիճակ, որ մարդիկ դուրս են եկել Խորենացի փողոց ի աջակցություն տարածքը գրավողների, դուրս է եկել նրանց պաշտպանելու: Սա արդեն այսօրվա քաղաքական իշխանության գնահատականն է, այսինքն՝ ժողովուրդը կողմ է զինված գործողություններին, որովհետև այլ ելք չկա»,- եզրափակեց նա:

Այնուամենայնիվ բանախոսներն այն կարծիքին են, որ իրավիճակը պետք է ստանա միայն խաղաղ հանգուցալուծում՝ բանակցությունների միջոցով, առանց նոր զոհերի ու գրոհի: «Այստեղ ամեն ինչ կախված է իշխանություններից: Իշխանության կողմից գործուն քայլեր պետք է արվեն եւ հարցերը քննարկվեն բացառապես արդյունավետ քննության եւ արդար դատաքննության երաշխիքների ներքո: Առանց դրանց, իրավական լուծումները մխրճվում են քաղաքական դաշտ եւ ստեղծում են անելանելիության պատկերացում», - ասաց Տիգրան Եգորյանը: 

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Վեբինար․ Ամեն ինչ լավ կլինի. մենք միասին ենք
28.10.2020
14:00
Հոկտեմբերի 28-ին, ժամը 14:00-ին, Մեդիա կենտրոնը, շարունակելով վեբինարների շարքը հոգեբանների հետ, անցկացրեց ևս մեկ վեբինար «Ամեն ինչ լավ կլինի. մենք միասին ենք» թեմայով:
Ի՞նչ նպատակով են թիրախավորվում իրավապաշտպանները պատերազմի ժամանակ
28.10.2020
12:00
Հոկտեմբերի 28-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ի՞նչ նպատակով են թիրախավորվում իրավապաշտպանները պատերազմի ժամանակ» թեմայով։

Թուրքիան որոշ դեպքերում դիրիժոր է մի շարք հումանիտար միջազգային կազմակերպությունների համար
27.10.2020
12:00
Հոկտեմբերի 27-ին, ժամը 12:00-ին, Մեդիա կենտրոնը կազմակերպեց առցանց քննարկում «Պատերազմի մեկ ամիսը․ ի՞նչ կշիռ ունի միջազգային կառույցների մանդատը» թեմայով։
«Հայերի համար սա գոյաբանական կռիվ է»
23.10.2020
14:00
Հոկտեմբերի 23-ին, ժամը 14:00-ին, Մեդիա կենտրոնն առցանց քննարկում անցկացրեց «Վատ խաղաղություն կամ լավ պատերազմ. ո՞րն է Արցախյան խնդրի լուծումը» թեմայով:
Հումանիտար աղետ․արցախցիների կրթության իրավունքի ոտնահարումը
23.10.2020
11:00
Հոկտեմբերի 23-ին՝ ժամը 11։00-ին, «Մեդիա կենտրոն»-ը կազմակերպեց առցանց քննարկում «Հումանիտար աղետ․արցախցիների կրթության իրավունքի ոտնահարումը» թեմայով։
Բանախոսներն էին՝
- Սերոբ Խաչատրյան՝ կրթության փորձագետ
- Լուսինե Խառատյան՝ Կրթական քաղաքացիական նախաձեռնության անդամ
- Օքսաննա Ենգիբարյան՝ «Արեգնազան» կրթահամալիրի ուսուցիչ, կազմակերպիչ
- Քնարիկ Ներսիսյան՝ «Մխիթար Սեբաստացի» կրթահամալիր, Հյուսիսային դպրոցի գեղարվեստի ղեկավար
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...