Երիտասարդների զբաղվածության և մասնագիտական կողմնորոշման խնդիրները Վայոց ձորի մարզում
22.06.2016
12:00
«Երիտասարդների զբաղվածության հետ կապված բավականին մտահոգիչ ցուցանիշ կա: Երկու գլոբալ խնդիր է առանձնացվում՝ ներքին եւ արտաքին միգրացիա, որոնք նույնքան մտահոգիչ են: Երիտասարդները կրթություն ստանալու նպատակով գալիս են մայրաքաղաք եւ շարունակում են բնակություն հաստատել եւ աշխատել Երեւանում, ինչն անդրադառնում է մարզերում տնտեսական զարգացման գործոնների վրա,- «Մեդիա կենտրոնում» կազմակերպված քննարկման ընթացքում նշեց Աշխատանքի եւ սոցիալական հարցերի նախարարության մասնագիտական կողմնորոշման մեթոդական կենտրոնի տնօրեն Հայկուհի Գեւորգյանը:

Նա նկատեց, որ այդ խնդիրները հատուկ են ոչ միայն Վայոց Ձորին, այլեւ ՀՀ մնացած մարզերին: Սակայն կոնկրետ Վայոց Ձորի դեպքում դա առավել սուր է, քանի որ մարզը բավականին փոքր է ,  այստեղ չկան արտադրական հզորություններ,  ինչը բարձր զբաղվածություն ապահովելու հնարավորություն չի տալիս: Հայկուհի Գեւորգյանի ներկայացմամբ՝  զբաղվածության հետ կապված մի շարք ծրագրեր են իրականացվում պասիվ զբաղվածությունից դեպի ակտիվ ծրագրերի անցման առումով:

«Զբաղվածության պետական գործակալության,  մասնավորապես Վայոց ձորի տարածքային կենտրոնն իրականացնում է պետական 13 ծրագիր, որոնց հիմնական նպատակն  է կայուն զբաղվածություն ապահովելու գործում օգնել անձանց»,- ներկայացրեց բանախոսը:

Ըստ Հայկուհի Գեւորգյանի՝ զբաղվածության խնդիրը եռակի բարձր է երիտասարդների շրջանում:

 «Զբաղվածության ծրագրով նախատեսվում է վճարովի պրակտիկայի ծրագիրը, որը նախատեսված է աշխատաշուկա առաջին անգամ մուտք գործող երիտասարդների համար: Նրանք եռամսյա վճարովի պրակտիկա են անցնում գործատուի մոտ՝ իրենց որակավորմամբ, որից հետո գործատուն արդեն կարող է երիտասարդին ընդունել աշխատանքի: Սրանով երիտասարդի զբաղվածության առաջին շեմը հաղթահարելու խնդիրը լուծվում է, քանի որ աշխատանքային փորձ չունեցողին գործատուն դժվարությամբ է աշխատանքի ընդունում»,-ասաց Գևորգյանը:

Սրա հետ  կապված քննարկմանը տեսազանգի միջոցով մասնակցող  Եղեգնաձորի Քաղաքացիական երիտասարդական կենտրոնի համակարգող Սիլվա Խաչատրյանը  նշեց, որ վճարովի պրակտկայի ծրագիրն առանձնապես շատ արդյունավետ չէ, քանի որ դրանից հետո միեւնույն է՝ այլ տեղ աշխատանքի ընդունվել ցանկացող ուսանողը կանգնում է խնդրի առջև:

 «Ցանկացած տեղ գործատուն պահանջում է աշխատանքային փորձի առկայություն, եւ այդ երեքամսյա պրակտիկայի հնարավորությունը ոչինչ չի տալիս»,- նկատեց նա:

Իսկ քննարկմանը տեսազանգի միջոցով միացած Եղեգնաձորի Քաղաքացիական երիտասարդական կենտրոնի անդամ, փաստաբան Հրաչ Քոչարյանն էլ  հարց ուղղեց. «Արդյոք հնարավոր չէ այնպես անել, որ այդ եռամսյա պրակտիկան համարվի որպես աշխատանքային փորձ եւ այն երկարաձգվի՝ դառնալով վեց ամիս»:

Ի պատասխան՝ Հ. Գեւորգյանը նախ նշեց, որ յուրաքանչյուր գործատու շահագրգիռ է ունենալ առավել պատրաստված մասնագետ, ուստի այս հարցում պարտադրանքը տեղին չէ եւ հնարավոր էլ չէ: Միեւնույն ժամանակ, նա կարեւորեց երիտասարդի անհատականությունն ու  անձնական որակները՝ պնդելով, որ համապատասխան որակների առայության դեպքում ուսանողը աշխատանք անպայման կգտնի եւ անպայման այս կամ այն կերպ կնկատվի գործատուի կողմից: Գեւորգյանը նաեւ   նշեց, որ  եռամսյա վճարովի պրակտիկայի տեւողությունը  երկարաձգելու եւ այն վեցամսյա դարձնելու հարցը քննարկման փուլում է:

Քննարկմանը մասնակցում էին նաեւ Կրթության եւ գիտության  նախարարության նախնական եւ միջին մասնագիտական կրթության վարչության ՄԿՈՒ քաղաքականության մշակման եւ ռազմավարության բաժնի պետ Արմենուհի Պողոսյանը եւ Վայոց ձորի Տարածաշրջանային պետական քոլեջի տնօրեն Արգամ Դովլաթյանը: Արմենուհի Պողոսյանն անդրադարձավ Վայոց ձորի մարզում մասնագիտական կողմնորոշման հետ կապված հնարավորություններին, որոնք, պարզվեց, չափազանց սուղ են. «Վայոց ձորի մարզում կա մեկ պետական քոլեջ, որտեղ գործում են 13 մասնագիտացումներ: Կա նաեւ Տնտեսագիտական համալսարանի մասնաճյուղ, որտեղ ուսուցումը կատարվում է նույն մեթոդներով, ինչ Երեւանում»:

Բանախոսի ներկայացմամբ՝ այսօր խնդիր է նաեւ երիտասարդների  պասիվությունը, երբ նրանք ուղղակի չեն ցանկանում լինել նախաձեռնող: Նշվեց, որ մարզը ունի նաեւ զբոսաշրջային մեծ պոտենցիալ, սակայն ինչպես պարզվեց՝ Վայոց ձորի Տարածաշրջանային պետական քոլեջում չկան զբոսաշրջային մենեջմենթ  կամ  հյուրանոցային կառավարում մասնագիտություններ: Եվ այնուամենայնիվ՝ քոլեջի տնօրեն Արգամ Դովլաթյանը հպարտությամբ ներկայացրեց   քոլեջի գործունեությունը եւ երիտասարդներին ընձեռնվող հնարավորությունները՝ նշելով, որ ակտիվ ու նախաձեռնող լինելու դեպքում հնարավորությունների պակաս չի լինի:

Նշենք որ նախորդ տարի ՀՀ ողջ տարածքում անցկացված «ՀՀ երիտասարդների զբաղվածության հիմնախնդիրները» հետազոտության արդյունքներով  ՀՀ երիտասարդների միայն 28%-ն է զբաղված, որոնցից՝ զբաղված է երևանաբնակ երիտասարդների 32%­ը, իսկ մարզաբնակների` 26%­ը: 

Արևիկ Սահակյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]հասցեին: 

 

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...