Խոշտանգումների կանխարգելման վերաբերյալ կրթական ծրագիր բժիշկների համար
22.06.2016
13:00
Խոշտանգումների դեմ պայքարի միջազգային օրվան ընդառաջ՝ Երևանի պետական բժշկական համալսարանի ընտանեկան բժշկության ամբիոնի դոցենտ, Ընտանեկան բժշկության ակադեմիական միավորում ՀԿ-ի համանախագահ Մարինա Օհանյանը «Մեդիա կենտրոնում» հրավիրված ասուլիսի ընթացքում ներկայացրեց «Բժիշկների համար խոշտանգումների կանխարգելման վերաբերյալ կրթական ծրագիրը»:

«Այս ծրագրիը մեկնարկեց  Երեւանի պետական բժշկական համալսարանում 2015 թ. Նոյեմբերի 1-ից, եւ անցած 8 ամիսիների ընթացքում արդեն իսկ ունենք  բավականին արդյունավետ եւ լավ պատկեր: Ծրագիրն ուղղված է խոշտանգումների կանխարգելման  եւ արդյունավետ փաստագրման վերաբերյալ բժիշկների իրազեկության բարձրացմանը: Ծրագրի իրագործման նպատակով կազմավորվեց խումբ՝ տարբեր ոլորտների մասնագետներից բաղկացած. Իրավաբաններ, հոգեբան, հոգեբույժ, բժիշկ, դատաբժիշկ, ընտանեկան բժիշկ եւ ՄԻՊ գրասենյակի փորձագետ: Խմբի նպատակն էր փոխանցել այն գիտելիքներն ու հմտությունները, որոնք կարեւորվում են աշխարհում, որպես խոշտանգումների կանխարգելում»,- ներկայացրեց բանախոսը:

Ծրագրի կազմակերպիչներն ընտրել են այն խմբերի ուսանողներին՝ վնասվածքաբանների, ընտանեկան բժիշկների, հոգեբույժների, որոնք առավել հաճախ կարող են հանդիպել խոշտանգումների դեպքերի՝ տվյալ մասնագիտություններով աշխատելով հիվանդանոցներում:

«Եվ դասընթացների ընթացքում մենք հասկացանք, որ ոչ  միայն խնդիր ունենք մասնագիտական տեղեկացվածության եւ հմտությունների առումով, այլեւ մտածելակերպի ձեւավորման, որովհետեւ կային բժիշկներ, որոնք գտնում էին, որ՝ այո, կան դեպքեր, երբ խոշտանգումները կարելի է կիրառել եւ դա արդարացված է: Եվ մեր խնդիրն էր բացատրել, որ՝ ոչ, խոշտանգման համար ոչ մի արդարացում չկա եւ ոչ մի բացատրություն կամ հիմնավորում այս հարցում չի կարող լինել»,-հավելեց Օհանյանը:  

Հարցին՝ խոշտանգման ո՞ր դեպքերն են բժիշկները փորձել արդարացնել, Օհանյանը պատասխանեց, որ եղել են ապագա բժիշկներ, ովքեր տեսնելով քառօրյա պատերազմի ժամանակ ադրբեջանական կողմի խոշտանգումները, նկատել են, որ հայկական կողմն էլ կարող է նման խոշտանգումների դիմել ադրբեջանական կողմի զինվորների նկատմամբ:

«Մենք բացատրում էինք, որ խոշտանգումը բոլոր դեպքերում մարդու իրավունքների կոպիտ խախտում է եւ քրեորեն պատժելի արարք: Ուստի՝ կարծում եմ, որ այդ աշխատանքները պիտի շարունակվեն, որովհետեւ մենք ունենք խնդիր նաեւ առողջապահության համակարգում, որովհետեւ  չունենք հստակ, կանոնակարգված գործողությունների ալգորիթմ, որը կօգնի խոշտանգման դեպի հանդիպած բժշկին այդ պահին ճիշտ կազմակերպել գործողությունները: Առայսօր չկա փաստագրման համար միօրինակացված ստանդարտ ձեւի կիրառում Հայաստանում»,- նշեց բանախոսը: 

Նա ընդգծեց հենց սկզբնական ժամկետում խոշտանգման ճշգրիտ փաստագրումը՝ դա կարեւորելով որպես խոշտանգման կանխարգելման գործիք:

Ասուլիսին մասնակցող Մարդու իրավունքների պաշտպանի գրասենյակի աշխատակազմի խոշտանգումների եւ վատ վերաբերմունքի կանխարգելման վարչության բժիշկ Լաուրա Գասպարյանը հույս հայտնեց, որ այս ծրագրը, ընդգրկվելով որպես պարտադիր կրթական ծրագիր, կլինի երկարատեւ եւ կունենա հասարակության համար առավել տեսանելի արդյունքներ:

«Շատ կարեւոր է, որ նման ծրագրերը հենց բժիշկների համար լինեն, որովհետեւ ինչպես գիտեք թե  քրեակատարողական համակարգը, թե ոստկանությունը բժիշկների համալրման խնդիր ունեն եւ բժշկական ծառայությունները դեռեւս թերանում են այդ հարցում: Ուստի  այսօր բժշկական համալսարանում դասավանդելով այդ առարկան՝ շատ արդյունավետ կլինի, որպեսզի նրանք կարողանան  աջակցել եւ ճիշտ փաստաթղթավորել խոշտանգումների դեպքերը, որպեսզի հետագայում հնարավոր լինի այդ դեպքերը բացահայտել եւ դրանց տալ ճիշտ գնահատական»,- նշեց բանախոսը: 

Մարիա Օհանյանը եւս  կարեւորեց ծրագրի շարունակականությունը՝ նշելով, որ անհրաժեշտ է  այն ընդլայնել եւ իրականացնել արդեն իսկ գործող բժիշկների շրջանում, ինչպես նաեւ իրականացնել հանրային իրազեկման ուղղությամբ լուրջ աշխատանք՝ որպեսզի նաեւ խոշտանգումների ենթարկված քաղաքացիները քաջատեղյակ լինեն իրենց իրավունքների եւ  ճիշտ ժամանակին  անհրաժեշտ քայլերի շուրջ:

Արևիկ Սահակյան, «Մեդիա կենտրոն» ծրագրի համակարգող:

Հեղինակի հետ կապվելու համար գրեք  [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Խոշտանգումը շարունակում է խնդիր մնալ անգամ հեղափոխությունից հետո. Արա Ղարագյոզյան
26.03.2020
20:02
Երեկ՝ մարտի 25-ին, Վերաքննիչ դատարանը մասնակի բավարարել է խոշտանգման գործով տուժող ճանաչված քաղաքացու շահերի պաշտպան Արա Ղարագյոզյանի ու դատախազ Վարդգես Սարգսյանի բողոքները՝ բեկանելով Տավուշի մարզի ընդհանուր իրավասության դատարանի խոշտանգման գործով ամբաստանյալի նկատմամբ արդարացման դատավճիռը, գործը ուղարկելով առաջին ատյանի դատարան՝ նոր ծավալով քննության։
Սովորենք սիրել ու պահպանել միմյանց
26.03.2020
19:54
Ինչպե՞ս հաղթահարել կորոնավիրուսի տարածմամբ պայմանավորված՝ մեկ ամիս (գուցե ավելի) տնից դուրս չգալու անորոշությունը: Ի՞նչ լուծումներ են առաջարկում հոգեբանները՝ նվազագույն էմոցիոնալ կորուստներով հաղթահարելու համաշխարհային մասշտաբի այս ճգնաժամը: Այս և մի շարք այլ հարցերի շուրջ ենք զրուցել «ԱՅԳ» հոգեբանական ծառայությունների կենտրոնի տնօրեն Վարուժան Մելքոնյանի հետ: