«Ի՞Նչ տվեց Սարգսյան-Ալիեւ-Պուտին հանդիպումը»
21.06.2016
12:30
«ԱՄՆ-ն ու Ֆրանսիան ԼՂՀ ճակատագրին արժանացան: Հիշու՞մ եք, որ ինչ-որ պահի Ղարաբաղը դուրս եկավ բանակցային գործընթացից, այս անգամ Ֆրանսիայի ու ԱՄՆ ներկայացուցչներին հազիվ վերջում թույլ տվեցին մոտենալ Հայաստանի եւ Ադրբեջանի նախագահներին: Մոտավորապես նույն ճակատագիրն է: Սա եւ դրական է, եւ բացասական: Դրականն այն է, որ մի մակարդակի դրվեցին ԱՄՆ-ն, Ֆրանսիան և ԼՂՀ-ն, մյուս կողմից՝ միջնորդների թիվը, երբ կրճատվում է, այդքան էլ լավ չէ»,- հայտարարեց «Գլոբալիզացիայի եւ տարածաշրջանային համագործակցության» կենտրոնի խորհրդի նախագահ Ստեփան Գրիգորյանը «Ի՞նչ տվեց Սարգսյան-Ալիև-Պուտին հանդիպումը» թեմայով Մեդիա կենտրոնում հրավիրված քննարկման ժամանակ:

Նրա գնահատմամբ՝ ակնհայտ է, որ Ռուսաստանն ուզում է նախաձեռնությունն իր ձեռքը վերցնել: «Ակնհայտ է նաև, որ, ցավոք, մենք չենք կարող պնդումը, թե ԼՂՀ-ն պետք է մասնակցի բանակցային գործընթացին, կյանքի կոչել: Մեծ սխալ է նաև, որ մենք դիպուկահարների հարցը չենք բարձրացնում: Պարզ է, չէ՞, որ խնդիր կա, որը պարունակում է միայն քաղաքական կամքի դրսևորում: Եթե դիպուկահարներին դուրս բերելու հստակ հարց լինի, այստեղ ոչ մի գումար, ոչինչ պետք չէ: Ցավում եմ, որ մեր կողմը ոչ միայն ԼՂՀ-ին բանակցային պրոցես վերադարձնելու հարցը չի պնդում, այլև չի բարձրացնում նաև դիպուկահարների հարցը: Դժվարանում եմ ասել՝ ինչու»:

Անդրադառնալով հարցին՝ արդյոք Սանկտ-Պետերբուրգի հանդիպումը Վիեննայի գործընթացի շարունակությունն էր՝ բանախոսն ասաց. «Վիեննայում որոշվել էր, որ Կասպրշիկի գրասենյակը կընդլայնվի, ինչպես նաեւ կհետաքննվի ռազմական գործողությունը, ուսումնասիրություններ կկատարվեն նախահարձակ կողմին պարզելու համար: Ակնհայտ է, որ այս հանդիպման ընթացքում երկրորդի մասին խոսք անգամ չի եղել: Ադրբեջանը չէր էլ ուզում դա քննարկել: Իսկ Կասպրշիկի գրասենյակի ընդլայնումը ոչինչ չի փոխի: 200 կիլոմետրանոց շփման գիծը 5 հոգի, թե 25 հոգի կվերահսկի, տարբերություն չկա»:

Քննարկմանը մասնակցող քաղաքագիտության դոկտոր Լեւոն Շիրինյանն էլ նկատեց, որ ի հակառակ Ռուսաստանի ցանկությունների՝ նրան թույլ չտրվեց գործընթացի կառավարման միանձնյա ղեկն իր ձեռքը վերցնել. «Այստեղ մի բան եղավ, որ մեզ համար կարեւոր է: Ռուսաստանին չհաջողվեց մենատեր լինել կարգավորման գործընթացում: Մինսկի խմբի անդամները թույլ չտվեցին դա: Միանշանակ է, որ Ադրբեջանն իր վարքագիծը չի փոխում: Զորավարժություններ սկսվեցին հանդիպումից անմիջապես առաջ: Նրանք ցույց են տալիս, որ պատերազմական տրամադրություն ունեն եւ պիտի շարունակեն դա: Մեզ համար իրական հաջողություն կլինի այն, որ խաղաղ վիճակը օգտագործենք բանակը, ինչպես նաեւ զորահրամանատարական կազմը կարգի բերելու եւ պատերազմին պատրաստվելու համար: Այլ հարցերում, կարծում եմ, որեւէ բան չի փոխվել»:

Քաղաքագետ Երվանդ Բոզոյանը, սակայն, բանակցային ձեւաչափում հստակ փոփոխություն է արձանագրում. ըստ նրա՝ Սանկտ Պետերբուրգում կայացած հանդիպմամբ, նաեւ ընդունված համատեղ հայտարարությունում արված հիշատակմամբ, թե այս եռակողմ հանդիպումներն, ի հավելումն ԵԱՀԿ գործընթացի, կշարունակվեն՝ խոսում է Ղարաբաղի կարգավորման հարցով նոր ձեւաչափի ձեւավորման մասին: «Ես կասկածում եմ, որ Սերժ Սարգսյանն անկեղծորեն կբացահայտի, թե ինչ են խոսել: Տարիներ առաջ «Կազանը» նույնիսկ չէր բացատրում, թե ինչ է իրենից ներկայացնում, որին ինքը հավանություն էր տվել: Դրա մասին հասարակությունն իմացավ 2016-ի պատերազմից հետո: Այստեղ է հենց, որ մեր հասարակությունն իր զգոնությունը պետք է պահի, որովհետև Ադրբեջանն ուժեղացել է, բալանսը փոխված է ի օգուտ նրա: Ալիևը սպառնում է, որ եթե ռեալ պրոցես չգնա բանակցային գործընթացում, ինքը կգնա ռազմական գործողությունների, ինչը տարբեր պատճառներով շահավետ չէ ո՛չ Ռուսաստանին, ո՛չ էլ Արևմուտքին»:

Քաղաքագետ Ստեփան Գրիգորյանն էլ նկատեց. «Քանի դեռ սահմանին լարվածությունը չի մեծացել, կնշանակի վատ է՝ տանում են Կազան 2-ի, իսկ եթե Ադրբեջանը նորից կսկսի ագրեսիան՝ կնշանակի, որ բավարարված չէ: Այստեղ հակառակ տրամաբանությամբ է գալիս: Այսօրվա անդորրը վաղվա համար շատ լուրջ վտանգ է»,- եզրափակեց քաղաքագետը:

Քննարկման ընթացքում բանախոսներն անդրադարձան նաեւ Ժիրայր Սեֆիլյանի ձերբակալությանը: Ս. Գրիգորյանը Սեֆիլյանին համարեց «պոտենցիալ քաղբանտարկյալ», իսկ Երվանդ Բոզոյանն էլ նկատեց. «Ժիրայր Սեֆիլյանին ձերբակալել հունիսի 20-ին` այն օրը, երբ գնում են բանակցություններ երեք նախագահների միջև՝ կներեք՝ ես ունեմ կասկած, որ այս ձերբակալությունով, ըստ էության, հայկական կողմն ուզում է մեսիջ տալ բանակցային մյուս կողմին, որ իրենք պատրաստվում են որոշակի քայլերի գնալ, և դրա համար նրանք պետք է խաղից հանեն ռադիկալ շրջանակներին: Այսպիսի քայլով հայկական կողմը շատ վատ մեսիջ է տալիս միջնորդներին, Ադրբեջանին և Ռուսաստանին: Այնտեղ հայկական կողմից թուլություն են տեսնում: Անկախ նրանից՝ Ժիրայր Սեֆիլյանն ինչ կարծիք ունի, ես կարծում եմ, նա այդպիսի կարծիքի իրավունք ունի ամեն դեպքում: Եթե իշխանությունն ուզում է ինքնակամ մանևրի դաշտը թուլացնել, նշանակում է՝ ինքն իր մեջ որոշակի լուծումներ արդեն ունի, ինչը դառնում է մտահոգիչ»,-ընդգծեց բանախոսը:

Արևիկ Սահակյան, «Մեդիա կենտրոն» ծրագրի համակարգող-խմբագիր
Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ադրբեջանի հարձակումը Արցախի, Հայաստանի Հանրապետության վրա, միջազգային արձագանքը
29.09.2020
15:30
Սեպտեմբերի 29-ին, ժամը 15։30-ին, Մեդիա կենտրոնը անցկացրեց հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ Ադրբեջանի հարձակումը Արցախի, Հայաստանի Հանրապետության վրա, միջազգային արձագանքը:
«Առցանց կրթություն․ փորձ և փորձանք»
25.09.2020
17:30
Սեպտեմբերի 25-ին՝ ժամը 17։30-ին, «Մեդիա կենտրոնի» նախաձեռնությամբ «Ա1 պլյուսի» ուղիղ հեռարձակմամբ անցկացվեց առցանց հեռուստաբանավեճ «Առցանց կրթություն․ փորձ և փորձանք» թեմայով։



«ԱԺ մոնիտորինգ. 7-րդ գումարման Ազգային ժողովի 4-րդ նստաշրջանի դիտարկման արդյունքները»
25.09.2020
12:00
Սեպտեմբերի 25-ին, ժամը 12:00-ին, «Մեդիա կենտրոն»-ում տեղի ունեցավ մամուլի ասուլիս «ԱԺ մոնիտորինգ. 7-րդ գումարման Ազգային ժողովի 4-րդ նստաշրջանի դիտարկման արդյունքները» թեմայով։

Վատ խաղաղությու՞ն, թե՞ լավ պատերազմ
24.09.2020
12:00
Սեպտեմբերի 24-ին, ժամը 12:00-ին, Մեդիա կենտրոնի սրահում տեղի ունեցավ հանդիպում-զրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ «Վատ խաղաղությու՞ն, թե՞ լավ պատերազմ»:
Մանկատանը երեխաներին ծեծում են, նվաստացնում. ինչու՞ է դա հնարավոր
24.09.2020
11:00
Սեպտեմբերի 24-ին, ժամը 11:00-ին, Մեդիա կենտրոնում տեղի ունեցավ քննարկում «Մանկատանը երեխաներին ծեծում են, նվաստացնում. ինչու՞ է դա հնարավոր» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...