«Ի՞նչ ազդեցություն կարող է ունենալ էլ. էներգիայի սակագնի 2,58 դրամով նվազեցումը տնտեսության վրա»
17.06.2016
11:00
«Տնտեսության վրա վրա էլեկտրաէներգիայի սակագնի 2.58 դրամով իջեցումն էական ազդեցություն չի ունենա, կլինի ընդամենը մոտ ութ միլիարդ դրամի տնտեսում: Իսկ մեր՝ հասարակ քաղաքացիներիս գրպանի վրա էլ այդ ազդեցությունը կլինի չնչին՝ ընդամենը յուրաքանչյուր ընտանիք կկարողանա ամսական 650-700 դրամ խնայողություն անել», «Ի՞նչ ազդեցություն կունենա էլէներգիայի սակագնի՝ 2,58 դրամով իջեցումը տնտեսության վրա» թեմայով «Մեդիա կենտրոնում» հրավիրված քննարկման ընթացքում հայտարարեց տնտեսագետ Վահագն Խաչատրյանը

Տնտեսագետի կարծիքով՝ էլեկտրաէներգիայի և գազի սակագնի իջեցումն ավելի շատ կապված է նախընտրական տարվա հետ: «Մեդիա կենտրոնի» հարցին, արդյոք 2,58 դրամն այն առավելագույն չափն էր, որով հնարավոր էր իջեցնել էլեկտրաէներգիայի սակագինը՝ Խաչատրյանը տվեց բացասական պատասխան. «Ձեզ հիշեցնեմ, որ նախորդ տարի 15 տոկոսով սակագինը բարձրացվեց։ Բուռն քննարկումների ժամանակ ասացին, որ ՀԷՑ-ում լուրջ ֆինանսական խնդիրներ կան, ֆինանսական ճեղքվածքը պետք է փակել սակագնի բարձրացմամբ։ Այնինչ ՀԷՑ-ի կուտակած պարտքի պատճառը մենք` սպառողներս չէինք։ Հիմա մեզ փորձում են վերադարձնել հին դիրքեր, բայց ընդամենը 5 տոկոսով։ Երբ նայում ենք սակագնի ձևավորման  մեթոդիկան, այն որևէ կապ չունի շուկայական տնտեսության պայմանների հետ», նկատեց  տնտեսագետը։ Նրա խոսքով՝ ճիշտ մեկ տարի առաջ սկսված «Էլեկտրիկ Երեւան» շարժման իրական նպատակը ոչ թե սակագնի նվազեցումն էր, այլ հակառակը՝ դրա բարձրացումն ու ՀԷՑ-ի սեփականատիրոջ փոփոխությունը:

Քննարկմանը մասնակցողՀՊՏՀ տնտեսության կարգավորման և միջազգային տնտեսական հարաբերությունների ֆակուլտետի դեկան Ատոմ Մարգարյանն էլ կարծում է, որ նման չափով էլեկտրաէնեգրիայի սակագնի իջեցումը էական ազդեցություն չի թողնի սպառողի ու տնտեսվարողների վրա։ «Փնթի տնտեսվարման հետևանքով առաջացած 24 մլրդ պարտքը բոլորս միասին փակեցինք»,- ասաց տնտեսագետը: Նրա խոսքով` սակագինը կարելի էր ավելի իջեցնել։ «Այսպիսի սակագներով տնտեսվարելով` մեր արտադրողները, հատկապես հենքային, արդյունաբերական մրցունակ պրոդուկտներ արտադրողները մրցունակ չեն լինի»,-ասաց տնտեսագետը։ Այնուամենանիվ՝ հիմնավորելով, թե ինչու սակագինը չիջեցվեց ավելին՝ Մարգարյանը նշեց.«Հայաստանը ռեսուրս չունի ատոմակայանին երկրորդ շնչառություն տալու համար, դա միայն վարկային ռեսուրսներ ձեռք բերելու ճանապարհով կարող է լինել։ Ինձ որքան հայտնի է, արևմտյան կառույցներն այնքան էլ պատրասակամ չեն այս հարցում, մեզ մնում է ստրատեգիական գործընկերոջ` Ռուսաստանի աջակցությունը։ Հավանաբար այս գործոնը դեր է խաղացել, որ էլեկտրաէներգիայի սակագնի իջեցումը լինի փոքր չափով»:

Քննարկման մյուս բանախոսը՝ տնտեսագետ Վիլեն Խաչատրյանը նույնպես կարծիք հայտնեց,  որ տնային տնտեսությունների վրա սակագնի այս փոփոխությունը էական ազդեցություն չի ունենա: Ըստ նրա, սակայն, արդյունաբերության ոլորտում շատ ավելի հետաքրքրված պետք է լինեն էլեկտրաէներգիայի սակագնի նվազեցմամբ, որովհետեւ դա, առաջին հերթին, վերջիններիս համար ապահովում է մրցակցություն:  Խաչատրյանի գնահատմամբ՝ հաշվի առնելով, որ կառավարությունը մեկ տարով սուբսիդավորել էր որոշ խավերի համար սակագնի նախորդ բարձրացումը, իսկ սուբսիդավորումը մեկ տարվա համար էր, կարելի է արձանագրել, որ մենք ունենք ոչ թե սակագնի իջեցում, այլ՝ բարձրացում: «Հաշվարկներ կան, որ 600 հազարից ավելի բնակիչ սպառում է 250 կիլովատ էլեկտրաէներգիա, և, բնականաբար, եթե օգոստոսի 1-ից արդեն վերացած սուբսիդիան գումարում ենք այդ թվաբանությանը, ապա տեսնում ենք, որ դա նվազեցում չէ, իսկ տոկոսային տարբերություններն էլ երբ դիտարկում ենք՝ ստացվում է, որ մենք ունենք գնաճ»:

Արևիկ Սահակյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]հասցեին:

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...