Քաղաքական ուժերը հասան կոնսենսուսի ԸՕ-ի շուրջ ու այժմ փնտրում են 15 մլն եվրո
17.06.2016
12:00
Ազգային ժողովում վերջերս ընդունված Ընտրական օրենսգիրքը փոփոխությունների կենթարկվի: Փոփոխությունների նոր փաթեթի շուրջ համաձայնություն է ձեռք բերվել «4+4+4» ֆորմատով տեւական բանակցությունների արդյունքում ընդդիմության եւ իշխանության ներկայացուցիչների միջեւ: Հունիսի 16-ին նրանք ընդունեցին միասնական հայտարարություն, որին սակայն չմիացան քննարկումներին մասնակից քաղաքացիական հասարակության ներկայացուցիչները: Նրանց չբավարարեց փոփոխությունների փաթեթի շուրջ կոմպրոմիսը, ուստի եւ գերադասեցին մնալ ձեռնպահ եւ հանդես գալ առանձին հայտարարությամբ:

«Մեդիա կենտրոնում» հունիսի 17-ին «Քաղաքական ուժերը ստորագրել են ԸՕ-ի շուրջ փախհամաձայնության մասին հայտարարություն» թեմայով կայացած մամուլի ասուլիսին ՀՀ Ազգային ժողովի պետաիրավական հարցերի մշտական հանձնաժողովի նախագահ, ՀՀԿ խմբակցության անդամ Հովհաննես Սահակյանը հայտարարեց, որ կողմերը հասել են կոնսենսուսի բավականին ծանր բանակցությունների արդյունքում:

«Ձեռք է բերվել կոնսենսուս հիմնականում հետեւյալ կետերի վերաբերյալ: Ընտրությանը մասնակցած անձանց ցուցակները հասանելի ու վերահսկելի կլինեն կուսակցությունների համար: Անգամ այն կուսակցությունների, որոնք կոնկրետ տեղամասում չեն ունեցել հանձնաժողովի անդամներ կամ վստահված անձինք։ Ընտրողները քվեարկությանը կմասնակցեն միայն նույնականացման քարտերով, որոնք պետությունը մինչև ընտրությունները կտրամադրի անվճար։ Քվեարկությունից առաջ կստուգվեն նաև ընտրողների տասը մատնահետքերը։ Բոլոր 2000 տեղամասերում կտեղադրվեն տեսախցիկներ, ընտրական գործընթացը կհեռարձակվի նաև ուղիղ եթերով»,- հայտարարեց Սահակյանը:

Փոփոխությունների նոր փաթեթը, ՀՀԿ-ական պատգամավորի խոսքով կքննարկվի ու կընդունվի արտահերթ ռեժիմով: «Կառավարությունն արտահերթ նիստ կգումարի, այդ փաթեթն արտահերթ ռեժիմով կներկայացվի խորհրդարան, որը եւ այն կքննարկի ու կընդունի մինչեւ այս ամսվա վերջ», - տեղեկացրեց նա՝ հավելելով, որ այսպիսով դրվել է «թափանցիկ ընտրություններ անցկացնելու հիմնաքարը»:

Այնուամենայնիվ, ինչպես պարզվեց ասուլիսին, համաձայնեցված կետերը դեռ փաստ չէ, որ կայնքի կկոչվեն, քանի որ դրա համար բավականին մեծ ֆինանսական ռեսուրսներ են անհրաժեշտ: Այս փոփոխությունները, ինչպես նշեց ասուլիսին մասնակից ընդդիմադիր ՀԱԿ խմբանկցության քարտուղար Արամ Մանուկյանը, գին ունեն, իսկ այդ գինը 15 մլն եվրո է: «Այժմ իշխանությունը եւ բոլոր քաղաքական ուժերը, որոնք դրել են իրենց ստորգրությունն այս հայտարարության տակ, պետք է դիմեն դոնոր կազմակերպություններին, բանակցեն, որպեսզի այդ գումարները հայթայթեն: Սակայն հատկապես կարեւոր է իշխանության նախաձեռնողականությունն ու ակտիվությունը, քանի որ վերջինիս ձեռքում են կենտրոնացված լծակները», - ասաց նա՝ միեւնույն ժամանակ հավելելով, որ ձեռք բերված կոնսենսուսը չի վերաբերում ամբողջ Ընտրական օրենսգրքին:

«Սա վերաբերում է կոնկրետ այն կետերին, որոնց շուրջ համաձայնություն կա: Սա նաեւ չի նշանակում,  որ փոխվել է ընդդիմության վերաբերմուքն իշխանության նկատմամբ կամ որ սա երաշխավորում է ամբողջությամբ արդար ընտրությունների անցկացում: Ո՛չ, սա ուղղակի հնարավորություն է տալիս ավելի թափանցիկ ու վերահսկելի դարձնել ընտրական գործընթացը», - ասաց Արամ Մանուկյանը՝ այնուամենայնիվ համարելով  փոփոխությունների փաթեթը «աննախադեպ հաջողություն»: «Բայց այս հայտարարությունն առաջին քայլն է, քանի որ այս փաստաթղթի իրականացումը շատ դժվար է լինելու, խոչընդոտները շատ են լինելու – ընդգծեց նա:

Ըստ նախատեսվող փոփոխությունների, ասաց Մանուկյանը, տեղադրվելու է երկու տեսախցիկ: Մեկը ընտրատեղամասի մուտքի մոտ, մյուսը՝ ներսում: «Սակայն թե ինչպիսին կլինի այդ տեսախցիկների որակը՝ կախված է ֆինանսական միջոցներից: Բացի այդ տեսանկարահանումը հեռարձակվելու է օնլայն, որին կարող է հետեւել յուրաքանչյուր մարդ», - ասաց նա:

Չնայած այն հանգամանքին, որ քաղաքացիական հասարակության ներկայացուցիչները չեն միացել քաղաքական ուժերի հայտարարությանը, Արամ Մանուկյանը բարձր գնահատեց նրանց ներդրումը: «Նրանք մեծ գործ կատարեցին, փոփոխությունների փաթեթ ներկայացրեցին: Սակայն իշխանությունը չհամաձայնեց ընդդիմության ու քաղաքացիական հասարակության բոլոր առաջարկությունների հետ: Օրինակ՝ նոր օրենսգրքում ընտրատեղամասերում լրագրողների գործունեության վերաբերյալ կետն ավելի վատն է, քան նախկին օրենսգրքում», - ասաց Մանուկյանը:

Արշալույս Մղդեսյան, «Մեդիակենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ