Գազի սակագինը հնարավոր է նվազեցնել կրկնակի անգամ ավել. պատգամավոր
03.06.2016
14:00
Թեպետ Հանրային ծառայությունները կարգավորող հանձնաժողովի (ՀԾԿՀ) որոշմամբ գազի սակագինը մեկ խորանարդ մետրի դիմաց իջեցվեց 9,5 դրամով, սակայն հնարավորություն կար այն նվազեցնել ավելի քան երկու անգամ: Այպիսի համոզմունք «Մեդիա կենտրոնում» հունիսի 3-ին կայացած «Ի՞նչ ազդեցություն կունենա տնտեսության վրա գազի և էլէներգիայի սակագների նվազումը» թեմայով քննարկմանը հայտնեցին ԱԺ տնտեսական հարցերի մշտական հանձնաժողովի փոխնախագահ Միքայել Մելքումյանը եւ Հայրենական ապրանք արտադրողների միության նախագահ Վազգեն Սաֆարյանը:

Վեջին երկու տարվա ընթացքում Հայաստան մատակարարվող ռուսական գազին սակագինը սահմանի վրա նվազեց երկու անգամ: Սզբից այն հազար խորանարդ մետրի դրմաց 189 դոլարից հասավ 165 դոլարի, որը բացատրվեց դոլարի նկատմամբ դրամի արժեզրկմամբ եւ որեւէ կերպ չազդեց վերջնական սպառողների վրա: Այնուհետեւ ապրիլի կեսերին ՌԴ վարչապետ Դմիտրի Մեդվեդեւը Երեւան կատարած այցի շրջանակներում հայտարեց գազի սակագնի եւս 15 դոլարով զեղչման մասին, որի արդյունքում ՀԾԿՀ որոշմամբ «կապույտ վառելիքի» գինը բնակչության համար 1 խորոնարդ մետրի դիմաց նվազեց միայն 9,5 դրամով: Այսպիսով, ՀՀ բնակչության համար սակագինն այս տարվա հուլիսի 1-ից կկազմի 146,7 դրամ՝ նախկին 156,7 դրամի փոխարեն:

Փորձագետներն ու սպառողների շահերի պաշտպանները վստահ են, որ գազի սակագնի նվազման ավելի մեծ ռեզերվ կա՝ հաշվի առնելով միջազգային շուկայում «կապույտ վառելիքի» գների շեշտակի անկումը, սակայն «Գազպրոմ Արմենիա» ընկերությունից հայտարարում են, որ 9,5 դրամը առավելագույնն էր, ինչն «ընկերությունը կարող էր անել այսօր»:     

Միքայել Մելքումյանը վստահ է, որ գազի սակագինը հնարավոր է սահմանվածի կրկնակի նվազեցնել «Գազպրոմ Արմենիա» ընկերության ծախսերի օպտիմալացման, կորուստների կրճատման եւ շահութաբերության նորմայի իջեցման հաշվին: «1-ինը՝ տեխնոլոգիական, բնական կամ առեւտրային կորուստների չափն է: Գերնորմատիվային կորուստը եղել է 1.5-3%-ից ավելի, մինչեւ 6-7% կորուստ ենք ունեցել: Միայն 1% գերնորմատիվային կորուստը, 2 միլիարդ խորանարդ մետր գազի ներմուծման դեպքում, 20 միլիոն խորանարդ մետր գազ է լինում: Շահութաբերության նորման 10%-է, եթե այս փուլում մրցունակ ապրանք ունենալու կամ, ընդհանրապես, արդյունավետ գազամատակարարման խնդիր, պարտադիր չի էդ 10%-ը, կարող է լինի 6-7%: Նաեւ գնումները, ուռճացված ծախսեր եւ ամորտիզացիան: Այս ամենը հաշվի առնելով, այո, կարելի է գազի սակագինը սպառողների համար իջեցնել»,- ասաց Մելքումյանը:

Էլեկտրաէներգիայի սակագնի սպասվող նվազման մասին, որը համաձայն հենց ՀԾԿՀ-ի անդամի հայտարարության, կարող է կրճատվել 2,5 դրամով, պատգամավորն ասաց, որ գազի եւ էլեկտրաէներգիայի սակագների նվազումը շաղկապված գործընթաց է: Այտեղ էլ, ըստ Մելքումյանի, սակագնը կարող է նվազել 2,5 դրամից ավել, քանի որ նախկինում հոսանքի գնի 7 դրամով բարձրացման հաշվին արդեն մարվել է են ՀԷՑ-ի պարտքերը: «Բացի այդ սեփականատիրոջ փոփոխությունից հետո նվազել են նաեւ ՀԷՑ-ի կորուստները: Ուստի հնարավորություն կա հոսանքի գինը նվազեցնել: Սրանք կարեւոր հանգամանքներ են», - պարզաբանեց նա: 

Ասուլիսի մյուս բանախոսի՝ Վազգեն Սաֆարսյանի կարծիքով գազի և էլեկտրաէներգիայի սակագների նվազումն էական ազդեցություն է ունենալու Հայաստանում արտադրության, օրինակ՝ ցեմենտի և ապակու ինքնարժեքի վրա: «Ուստի այս նվազեցումները տեղական արտադրողների մոտ, այնուամենայնիվ, դրական արձագանք է ստացել», - ասաց նա՝ հավելելով, որ ապակու եւ ցեմենտի արադրությունում գազի տեսակարար կշիռը 60-70 տոկոս է: «Ուստի, օրինակ՝ ցեմենտի ինքնարժեքը կիջնի 4-5 տոկոսով», - ասաց Սաֆարյանը:

Նրա խոսքով, սա միանգամյա գործընթաց չպետք է լինի, այլ շարունակական, որպեսզի տեղական արտադրողի մրցունակությունը բարձրանա: «Սակագների իջեցումների միտումը պետք է շարունակական լինի, ՀԷՑ-ն ու «Գազպրոմ Արմենիան» պետք է օպտիմալացման ծրագրեր իրականացնեն, որպեսզի այն էական ազդեցություն ունենա տնտեսության զարգացման վրա», - ասաց նա՝ հավելելով, որ տնտեսության զարգացման հաշվին ավելանալու է նաեւ գազի օգտագործման ծավալնները:

«Գազի գնի նվազեցումից բնակիչներն ու գործարարները կսկսեն այն ավելի շատ օգտագործել: Ուստի տնտեսության զարգացումը կհանգեցնի գազի ծավալների մեծացմանը, ինչի հաշվին Գազպրոմի շահույթը կավելանա: Մյուս կողմից մենք պետք է հասնենք նրան, որ Հայաստանում գազի գինը դառնա այնպիսին, ինչպիսին Ռուսաստանում է՝ մոտ 130 դոլար, որովհետև, եթե մենք ԵԱՏՄ-ի անդամ ենք և այնտեղ ծառայությունների, մարդկային ուժի, կապիտալի տեղաշարժը պետք է ազատ լինի, այս դեպքում ապրանքների մրցունակության խնդիր կա», - ասաց Սաֆարյանը՝ հավելելով, որ այս ուղղությամբ որոշակի քայլեր կատարվել են, սակայն ԵԱՏՄ միասնական էներգետիկ շուկայի ձեւավորման հարցը նախատեսվել է իրականացնել 2025 թվականին:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...