«Կենդանի հերոսների պուրակ» ծրագիր
19.05.2016
11:00
«Ապրիլյան քառօրա պատերազմից հետո հատկապես կարեւոր դարձավ մեր կենդանի հերոսներին արժեւորելը: Քննարկումների ընթացքում հասկացանք, որ ՀՀ-ում հուշակոթողները զոհված հերոսներին են նվիրվում, իսկ կենդանի հերոսներին նվիրված նախաձեռնություններ չկան: Այդ պատճառով էլ կենտրոնացանք մեր կենդանի հերոսների վրա` այդ կերպ ցանկանալով շնորհակալություն հայտնել նրանց»,-ներկայացնելով «Կենդանի հերոսների պուրակ» ծրագիրը` «Մեդիա կենտրոնում» հրավիրված ասուլիսի ընթացքում նշեց բնապահպան Կարինե Փանոսյանը:

«Այս մտահղացմամբ ուզում ենք կենդանի հերոսներին մեր երախտագիտությունն արտահայտել կենդանի կոթողի՝ ծառերի պուրակի տեսքով: Այդպիսով` մենք ոչ միայն նրանց հարգանքի տուրք ենք մատուցում կենդանության օրոք, այլ նաև հիմք ենք դնում հերոսական արարքների նկատմամբ երախտագիտության մշակույթի նոր ուղղության»,- ընդգծեց բանախոսը` տեղեկացնելով, որ  ծրագիրը  նախատեսված է Էկո-պուրակի տեսքով, որտեղ  կկիրառվեն արեւային մարտկոցներ, իսկ նստարանները կլինեն ոչ թե փայտից, այլ կենցաղային այլ նյութերից:

Սակայն ամեն ինչ կլինի էկոլոգիապես մաքուր. «Պուրակը լինելու է ոչ թե քարակերտ, այլ կենդանի կոթող` ի նշան մեր կենդանի հերոսների»,- ընդգծեց բնապահպանը: 

Նա նաեւ  նշեց, որ իրենք նախատեսում են պուրակում տնկել  դեկորատիվ ու պտղատու ծառեր, ծաղիկներ, կլինեն նաեւ ջրային մակերեսներ: Ծառերը կխորհրդանշեն կյանքի վերածնունդն ու շարունակությունը, պտղատու ծառերը` կին հերոսներին,  իսկ ցայտաղբյուրի ջուրը կլինի հավերժության խորհրդանիշը:

«Սա առիթ է, որպեսզի մարդիկ համախմբվեն, միասին խնամեն ծառերը եւ բերք հավաքեն: Բերքը կարելի է տրամադրել տվյալ համայնքի անապահով ընտանիքներին»,- ներկայացրեց բանախոսը` ընդգծելով, որ այս ծրագրի իրագործումն անհրաժեշտ է ինչպես  դաստիարակչական, հայրենասիրական, այնպես էլ` բնապահպանական տեսանկյունից:

Գաղափարի հեղինակ, ռազմագետ Արմեն Սարգսյանն էլ հիշեցնելով  ապրիլյան պատերազմում մեր զինվորների սխրանքները` նկատեց. «Մենք այսօր խնդիր ունենք ձեւավորելու  առաքինի մարտիկի կերպարը: Պետք է կենդանի հերոսների մասին զրույցներ եւ հանդիպումներ կազմակերպենք` էկո-մշակույթի միջոցով` բետոնային մշակույթից վերադառնալով բնությանը: Պետք է վերստին ընդգծվի ռազմիկ-ռամիկի կապի անսասանությունն ու ուժը` հայրենիքի պաշտպանության գործում: Մենք խնդիր ունենք օր առաջ ցույց տալ, որ հերոսանում են ոչ միայն զոհվելով, այլև ապրելով, գործելով Հայաստանում»: 
Ծրագրի հեղինակների խոսքով` իրենք արդեն իսկ ունեն բազմաթիվ գաղափարակիցներ, որոնց թվում են  ՀՀ առաջին օմբուդսմեն Լարիսա Ալավերդյանը եւ Երևանի ավագանու «Բարև Երևան» խմբակցության անդամ Անահիտ Բախշյանը, ով եւս ներկա էր ասուլիսին:

Տիկին Բախշյանը ողջունելով այդ ծրագիրը` նախ կոչ արեց Երեւանի քաղաքապետին ոչ միայն աջակցել, այլեւ առաջնորդել այս ծրագիրը եւ այն ընդլայնել` մեկի փոխարեն նման բազմաթիվ պուրակներ կառուցելով նաեւ Երեւանի ծայրամասերում: Առավել եւս, որ Երեւանի զարգացման այս տարվա ծրագրով 26 հազար ծառ է նախատեսվում տնկել. «Երիտասարդները քաղաքապետին ասում են` այս ծրագիրը տվեք մեզ: Այն փողերը, որ պետք է ծախսեք, տրամադրեք մեզ, մենք բարեխղճորեն յուրաքանչյուր վարչական շրջանում կգտնենք տեղ եւ կտնկենք: Գաղափարն այն է, որ այդ ծառերը մեր հերոսների անուններով պետք է լինեն: Այս երիտասարդները թեթեւացնելու են քաղաքապետարանի հոգսերը: Կարծում եմ` քաղաքապետը պետք է կանգնի այս երիտասարդների եւ նրանց ծրագրի կողքին»,- նշեց Բախշյանը: 
Ծրագրի հեղինակները դեռ չեն որոշել, թե կոնկրետ որ տարածքներում է այն հնարավոր իրագործել: Նրանք արդեն իսկ ունեն պուրակի նախնական մոդելը, որը ցուցադրված է  Ալ. Թամանյանի  թանգարանում:  Իսկ հաջորդ շաբաթ արդեն ծրագրի նախագիծը կներկայացնեն Երեւանի քաղաքապետարանին:

Արևիկ Սահակյան, «Մեդիա կենտրոն» ծրագրի համակարգող:

Հեղինակի հետ կապվելու համար գրեք  [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...