ԼՂՀ քառօրյա պատերազմի դրդապատճառներն ու բանակցային գործընթացի հնարավոր զարգացումները
20.04.2016
17:30
Ապրիլի սկզբին ԼՂՀ քառօրյա պատերազմի դրդապատճառների, հետևանքների և բանակցային գործընթացում հնարավոր զարգացումների մասին իրենց տեսակետները հայտնեցին հայաստանյան քաղաքական գործիչներն ու քաղաքագետները «Մեդիա կենտրոնի» կազմակերպած բանավեճի ընթացքում:

Բանավեճին մասնակցում էին ԱԺ ՀԱԿ խմբակցության պատգամավոր, Վերակազմյալ Սոցիալ-դեմոկրատ հնչակյան կուսակցության ղեկավար Լյուդմիլա Սարգսյանը,  «Ժառանգություն» կուսակցության անդամ Արմեն Մարտիրոսյանը, քաղաքագետ, «Գլոբալիզացիա եւ տարածաշրջանային համագործակցություն» ՀԿ նախագահ Ստեփան Գրիգորյանը և Դեմկուսի ղեկավար Արամ Սարգսյանը:

Ստեփան Գրիգորյանն ասում է, որ ապրիլի սկզբին ԼՂՀ քառօրյա պատերազմը սկսեցին ադրբեջանցիները Ալիևի նախաձեռնությամբ:

«Իհարկե այլ գործոններ էլ կային.  Թուրքիայի կողմից բացահայտ աջակցությունը Արբեջանին: Այս վերջին 3-4 տարիների ընթացքում դադարեցրին բանակցությունները Մինսկի խմբի շրջանակում, դրանք պարզապես հանդիպումներն էին: Այդ հանդիպումներն ավարտվում էին՝ չսկսելով: Արբեջանը դնում էր վերջնագրերը, ասելով հետ վերցրեք զորքերը այսպես կոչված «գրավյալ տարածքներից», հետո կբանակցենք»,-ասաց Գրիգորյանը:

Նա ընգծեց, որ այս ժամանահատվածում Ադրբեջանը փոխեց ձևաչափը:

«Այս վերջին տարիներին թեժացել է իրավիճակը և հայ-ադրբեջանական սահմանին, և շփման գծում: Մենք տեսանք, թե վերջին օրերին ինչ ծանր զենքեր օգտագործեցին քառօրյա պատերազմի ընթացքում: Դա նպատակ ուներ ցույց տալ աշխարհին, որ Ղարաբաղի հարցը լուծված չէ, սառեցված չէ, այն գոյություն ունի և օրակարգային է»,-հավելեց Գրիգորյանը:

Լյուդմիլա Սարգսյանն ասաց, որ որոշումը կայացվեց միանշանակ Բաքվում:

«Բայց չմոռանանք թե նախորդ օրերին ինչ հայտարություններ էին արվում Թուրքիայի կողմից թե արտգործնախարարի, թե նախագահի մակարդակով: Ամեն ինչ կարծես թե նախապատրաստվում էր Ադրբեջանի կողմից: Ինչ որ տեղ մեզ համար դա անսպասելի էր, հակառակ դեպքում շատ ավելի արդյունավետ կլիներ մեր դիմադրությունը և առաջախաղացումը»,-նշեց Սարգսյանը:

Նրա խոսքով՝ Թուրքիան շահագրգիռ է այս հարցում և ամեն կերպ աջակցում է իր փոքր եղբորը՝ բացահայտ հայտարարելով, որ Ադրբեջանի տարածքային ամբողջականությունը պետք է վերականգնվի:

«Կա նաև աշխարհաքաղաքական շահ, որ Թուրքիան փորձում է ապահովել: Ռուսաստանի շուրջ օղակը փորձում են սեղմել, տարբեր կոնֆլիկտներ են առաջանում Ռուսաստանի մոտ գտնվող երկրներում և բնականաբար արդյունքում ակնկալում են, որ ռուսական կողմը իր ուշադրության չափը չի կենտրոնացնի այլևս այս տարածաշրջանի վրա և վերջնական նպատակը Ռուսաստանին այս տարածաշրջանից դուրս մղելն է»,-հավելեց Սարգսյանը:

Բանավեճի մասնակից Արամ Սարգսյանն էլ ասաց արդյո՞ք Ռուսաստանին անհրաժեշտ է, որ Թուրքիան իր հերթին, Ադրեբջանն էլ իր հերթին թշնամի լինեն իր համար:

«Հիմա եթե Ռուսաստանը միակողմանի հայտարարություններից զատ, գործողություններով աջակցեր Հայաստանին կամ հայկական կողմին, դա նշանակում է, որ օբյեկտիվորեն Բաքվին պետք է դարձներ իրեն թշնամի: Այդ պարագայում Բաքուն պետք է ավելի մտերմանար իր բարեկամի հետ, համարյա մեկ միավոր դառնար, որպեսզի պաշտպաներ իր շահերը: Դա ձեռնտու չի Ռուսաստանին, միանշանակ եթե նա նման քայլ անի, ՆԱՏՕ-ն կգա կհասնի Հյուսիսային Կովկաս: Այդ տեսակետից Ռուսաստանը իր շահերից ելնելով գործողություններ է արել»,-նշում է Սարգսյանը:

Նա իր մտահոգությունն է հայտնում Ռուսաստանի կողմից Ադրեբջանին զենք վաճառելու վերաբերյալ և նշում. «Ինձ համար բացարաձակ հասկանալի չի, եթե Ռուսաստանը հարձակվողական զենք է վաճառում Ադրեբջանին, ու՞ր էին մեր իշխանությունները, որոնք այն ժամանակ պետք է գնային ու Մոսկվայի հետ բանակցեին, թե վերջապես ինչ եք անում: Երեք տարի այդ քայլերը չեն արել, հիմա նոր սկսել են գնալ խոսել, որը ընդհանրապես սխալ է ընկալվում,  դիվանագիտության մեջ այդպիսի սխալներ չեն կարող թույլ տալ»,-հավելեց Սարգսյանը:

Արմեն Մարտիրոսյանն էլ ասաց, որ Ադրբեջանը սկսեց գործողությունները և ժամանակն էլ պատահական չէր ընտրված՝ սոցիալ- տնտեսական և ազգային խնդիրներով պայմանավորված:

«Օպերացիան ավելի վաղ է ծրագրված եղել:  Ցավոք սրտի, այն ինչ ասում է հայկական կողմը տրամաբանութան շրջանակում չի: Թե ԼՂՀ նախագահը, թե ՀՀ ՊՆ նախարարը հայտարություն էին անում, որ հետախուզական տվյալները եղել են, որ իրենք կուտակում են անում և պատրաստվում են ագրեսիայի, բայց մյուս կողմից էլ կարծես մեր դիրքերը պատրաստ չեն եղել դրան: Ինչու՞ պատրաստ չեն եղել: Մենք տեղեկություն ենք ստանում, որ զենքը վերջացել է, նույնիսկ թուրքակաան հատուկ ջոկատայիններ են եղել իրենց հետ ձեռնամարտի են մտել ու սակրավորի բահերով սպանել են: Ինչու՞ պետք է մեր զինվորի մոտ զենքը քչություն աներ»,-ասաց Մարտիրոսյանը:

Լիլիթ Առաքելյան, «Մեդիա կենտրոն» ծրագրի խմբագիր-համակարգող:

Հեղինակի հետ կապվելու համար գրեք [email protected] հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...