Որքա՞ն կարող է նվազել գազի սակագինը բնակչության համար
08.04.2016
12:00
«Մեդիա կենտրոն», Ապրիլի 8, Երևան: Թեպետ Ռուսաստանը Հայաստանին մատակարարող գազի գինը սահմանին իջեցրել է 15 դոլարով՝ այն հասցնելով 150 դոլարի 1000 խմ-ի դիմաց, վերջնական սպառողին մատակարարվող «կապույտ վառելիքի» սակագինը կարող է նվազել 24-ից 40 դոլար 1000 խմ-ի դիմաց: Ցանկության դեպքում, ըստ փորձագետների, դա հնարավոր է իրականացնել ռուսական «Գազպրոմ»-ի դուստր «Գազպրոմ Արմենիա» ընկերության մարժայի հաշվին, որը մինչ այս, սահմանին գազը գնում էր 165 դոլարով և վաճառում ՀՀ սառողներին միջինը 320 դոլարով: Այն էլ գրեթե երկու անգամ բարձրացնելով գինը:

Հայաստանի համար ՌԴ-ից մատակարարվող գազի գինը 15 դոլարով իջեցնելու մասին հայտարարվեց Ռուսաստանի վարչապետ Դմիտրի Մեդվեդևի Երևանում իր պաշտոնակցի՝ Հովիկ Աբրահամյանի հետ հանդիպումից հետո: Հիշեցնենք, որ ամիսներ առաջ Հայաստանի կառավարությունը դիմել էր ՌԴ գործադիր մարմնին առաջարկով. համաշխարհային շուկայում էներգակիրների գնի նվազման համատեքստում քննարկել Հայաստանին մատակարարվող գազի գնի նվազման հարցը: Մինչ այդ մոտ մեկ տարի առաջ Ռուսաստանը նվազեցրել էր գազի գինը Հայաստանի համար՝ 189 դոլարից հասցնելով 165 դոլարի, սակայն հասարկ սպառողների վրա այն չէր անդրադարձել: Պաշտոնական խողովակներով գազի գնի դոլարային արժեքի նվազումը բացատրվեց դրամի նկատմամբ ԱՄՆ դոլարի արժեվորմամբ: Այլ կերպ ասած գազի գինը դոլարով նվազեցվեց, որպեսզի արտարժույթի աժեվորման պատճառով ՀՀ բնակիչները և գործարարները դրամով ավելի թանկ չվճարեն:

Այժմ ՌԴ-ն, փաստացի ընդունեց կառավարության առաջարկը և մոտ 9%-ով սահմանին նվազեցրեց գազի գինը: Սակայն որքան կկազմի տվյալ էներգակիրի արժեքը հասարակ սպառողների համար, դեռ պարզ չէ: Կառավարությունը հաշվարկներ պետք է կատարի և առաջիկայում, ըստ պաշտոնական հավաստիացումների, ներկայացնի իրավիճակը: Մինչ գործադիրը կհաշվարկի, փորձագետները համոզմունք են հայտնում, որ ցանկության դեպքում և երկրի տնտեսության շահերից ելնելով, ՀՀ իշխանությունները, ավելի կոնկրետ Հանրային ծառայությունները կարգավորող հանձնաժողովը, կարող է վերանայել գազի գինը և նվազեցնել այն անգամ 40 դոլարով:

Այս թեմայի շուրջ «Մեդիա կենտրոնում» համակողմանի քննարկում անցկացրեցին Ազգային ժողովի տնտեսական հարցերի մշտական հանձնաժողովի նախագահի տեղակալ, ԲՀԿ խմբակցության պատգամավոր Միքայել Մելքումյանը, տնտեսագետ Արտակ Մանուկյանը և «Հայրենական ապրանք արտադրողների միության» նախագահ Վազգեն Սաֆարյանը:

Ըստ Միքայել Մելքույանի, վերջնական սպառողի համար գազի սակագինը հաշվարկելիս պետք է հաշվի առնել մի քանի գործոններ՝ «Գազպրոմ Արմենիայի» նախատեսած ներդրումները և աշխատավարձերի բարձրացման մասով ծախսերը:

«Կարծում եմ ընկերությունը մեծ ներդրումներ չի անելու ենթակառուցվածքների զարգացման ոլորտում, քանի որ Հայաստանի գազաֆիկացման մակարդակը բավականին բարձր է: Աշխատավարձերի մասով մեծ ծախսեր դժվար նախատեսվեն, քանի որ վերջին 1,5 տարում 1500-ից ավելի աշխատող է ընդունել աշխատանքի, աշխատավարձերը վերջին 1 տարում 119 հազար դրամից աճել է 227 հազար դրամի: Մարզերում, հատկապես փոքր գյուղերում, չնայած գազաֆիկացմանը, գազից օգտվողները քիչ են, քանի որ այն թանկ արժե», - ասաց նա:

Ըստ Մելքումյանի՝ տրամաբանությունը հուշում է, որ գազի գինը հասարակ քաղաքացու համար գոնե պետք է նվազի այնքան, որքան նվազել է սահմանին:

Հատկանշական է, որ բնակչի համար մի գին կսահմանի, եթե այն գազն էժանանա ուղղակի 15 դոլարով, իսկ ընդհանրապես այլ գին, եթե վերջնական սպառողի համար այն նվազի 9%-ով: Պարզ մաթեմաթիկական հաշվարկը ցույց է տալիս, որ առաջին դեպքում, գազի գինը կկազմի ուղղակի 300-305 դոլար, երկորդ դեպքում, այն կարող է նվազել շուրջ 30 դոլարով՝ կազմելով 290 դոլար 1000 խմ-ի դիմաց:

Մելքումյանը գազի գնի հաշվարկի ճկունության և այն բնակչության համար ավելի մատչելի դարձնելու համար առաջարկեց նաև կազմել գազի սպառողների 4 խումբ, ներկայիս երկուսի փոխարեն: Այժմ մինչև 10.000 խմ սպառողները մի գին են վճարում, իսկ այդ ծավալից ավելի սպառողները՝ մեկ այլ գին:

Քննարկմանը ներկա «Հայրենական ապրանք արտադրողների միության» նախագահ Վազգեն Սաֆարյանը հիշեցրեց, որ տարեկան Հայաստանը ՌԴ-ից մոտ 2 միլիարդ խորանարդ մետր գազ է ներմուծում եւ դրա դիմաց ամեն տարի 330 միլիոն դոլար է վճարում:

«Այժմ, մենք 30 միլիոն դոլար պակաս պիտի վճարենք: Մենք շահեկան վիճակում կլինենք, եթե ռուսական ռուբլով վճարենք գազի համար, բայց քանի որ Ռուսաստանն արտաքին պահուստների համալրման խնդիր ունի, բնական է, որ չի գնա այդ քայլին: Թեպետ ՀՀ կառավարությունը հադես էր եկել նման առաջարկով», - ասաց Սաֆարյանը՝ հավելելով, որ գազի սակագնի իջեցումը պետք է որ հանգեցնի նաև էլկտրաէներգիայի սակագների նվազմանը:

Տնտեսագետ Արտակ Մանուկյանը կարծում է, որ գազի սակագնը բնակչության համար կարող է նվազել ավելի շատ քան 9% «Գազպրոմ Արմենիայի» մարժայի հաշվին: Այդ կազմակերպության 1000 խմ գազի դիմաց մաքուր շահույթը կազմում է 46 ԱՄՆ դոլար: Բանախոսները նկատեցին, որ այս թիվը ստացվել է փորձագիտական հաշվարկների հիմնա վրա՝ հաշվի առնելով Օրենբուրգի մարզում գազի սակագինը, որի միջինը կազում է 55-60 դոլար, և տեղափոխման ու բաշխման բոլոր ծախսերը՝ շուրջ 200 դոլար: Սակայն պաշտոնական տվյալներով «Գազպրոմի» դուստր ընկերության շահույթը 1000 խմ-ից կազմում է մոտ 30 դոլար:

Մանուկյանն առաջարկեց գների ճկունության և բնակչության համար գազի մատչելիության տեսնակյունից սահմանել նաև սեզոնային գներ:

«Ասենք՝ ձմեռային ամիսներին, երբ բնակչությունը ավելի շատ է գազ սպառում, սահմանվի ավելի ցածր սակագին, որը կարող է փոխհատուցվել՝ ավելի տաք եղանակին բարձր սակագին սահմանելով, երբ տնային տնտեսություններն ավելի քիչ են գազ սպառում: Տնային տնտեսությունների համար սա կարևոր է, քանի որ թեպետ այն սպառում է գազի ծավալի մոտ մեկ քառոդը, սակայն վճարում է ընդհանուր գումարի 50%-ից ավելին», - ասաց Մանուկյանը:

Տնտեսագետի խոսքով, համադրելով «Գազպրոմ Արմենիայի» մաքուր շահույթը, սահմանին գազի ինքնարժեքը, ծախսերը, կարելի է ասել, որ «կապույտ վառելիքի» սակագինը բնակչության համար կրող է նվազել մոտ 40 դոլարով: 

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ