Ավտովարորդների իրավունքների խախտում և օրենսդրական բացեր
23.03.2016
11:00
2015թ. մայիսից մեկնարկած «Անվճար իրավաբանական օգնություն ավտովարորդներին» ծրագրի շրջանակում 350 գործ ներկայացվել է դատարան, որից 120-ը վարորդները շահել են: Մնացած գործերը դեռեւս ընթացքի մեջ են:

Այսօր «Մեդիա կենտրոնում» հրավիրված  մամլո ասուլիսի ընթացքում ներկայացնելով ծրագրի արդյունքները` այս մասին  նշեց «Անվճար իրավաբանական օգնություն ավտովարորդներին» ծրագրի ղեկավար Մարիանա Գասպարյանը:
«Ծրագիրը մեկնարկել է 2015  թվականի մայիս ամսից: Մեր հիմնական նպատակն էր  բարելավել օրենսդրական դաշտը՝ ճանապարհատրանսպորտային ոլորտում, ինչպես նաև օգնել վարորդներին ճիշտ պաշտպանել իրենց իրավունքները: Մայիսից մինչ այսօր մեզ դիմել է 610 վարորդ, ովքեր ստացել են իրավաբանական աջակցություն»,- նշեց բանախոսը:
Ծրագրում ընդգրկված Է 4 փաստաբան եւ երկու իրավական փորձագետ, որոնք այս ընթացքում ոչ միայն զբաղվել են ծրագրին դիմած քաղաքացիներին իրավաբանական աջակցության ցուցաբերմամբ, այլեւ դաշտում առկա խնդիրների օրենսդրական կարգավորումների թերությունների վեր հանմամբ:
«Մեր նպատակն է ոչ միայն անհատական իրավունքի պաշտպանությունը և  վերականգնումը, այլ, գուցե ավելի կարևոր, խնդիրներ վեր հանելը, կարիքների գնահատում կատարելն ու լուծումներ առաջարկելը»,- անդրադառնալով ծրագրի նպատակներին` նշեց «Իրավունքի գերակայություն» Հ/Կ ներկայացուցիչ, իրավական փորձագետ Արա Ղազարյանը` մանրամասնելով, որ լուծումներից առաջինը այսպես կոչված` ստրատեգիական դատերն են:
«Այսինքն, երբ մեկ դատական գործը կարող է հասնել մինչև Սահմանադրական դատարան, Վճռաբեկ դատարան ,կամ նույնիսկ՝ ստորադաս ատյաններում լուծում ստանալ և այդպիսով ստեղծել նախադեպ՝ պարտադրող կամ փափուկ: Երկրորդ՝ ճանապարհը.  ստացված տվյալները վերլուծելու հիման վրա օրենսդրական փոփոխությունների նախագիծ կազմելն է եւ  լոբբիստական ինչ-ինչ եղանակներով այն բանին հասնելը, որ այդ  փոփոխությունները օրենսդրության մեջ կատարվեն»,- նշեց բանախոսը` հավելելով, որ  ծրագիրը շարունակվելու է՝ անկախ այն հանգամանքից՝ հետագա ֆինանսավորում կլինի, թե ոչ:
Ներկայացնելով ծրագրի ընթացքում դատաիրավական պրոցեսում հանդիպած խնդիրները`ծրագրի փաստաբան Դավիթ Ասատրյանը նկատեց, որ 2014 թվականի հունվարից մինչ 2015 թվականի  հոկտեմբերը ընկած ժամանկահատվածում վարորդները ճանապարհային ոստիկանությունից ստացել են մոտ 2.5 միլիոն  վարչական ակտ,   ևս 200 հազար ակտ էլ նրանց ուղարկվել է քաղաքապետարանից՝ մեքենան կայանելիս կարմիր գծերի խախտման համար:
«Այսինքն Հայաստանի յուրաքանչյուր վարորդ տուգանված է: Այդ վարչական ակտերի տարափը ունի հստակ գումարի գանձման նպատակ, այլ ոչ թե օրենքով սահմանված դաստիարակիչ բնույթ: Օրինակ` շատ դեպքերում, երբ իրավախախտ վարորդը գույք չի ունենում, պատասխանատվության է ենթարկվում սեփականատերը: Նման բազմաթիվ օրինակներ եղան տաքսի ծառայությունների դեպքում»,- նշեց փաստաբանը: 
Ասուլիսին  ներկա  բանախոսները ընդգծեցին «Վարչական իրավախախտումնեի մասին օրենքի» 32-րդ հոդվածի 3-մասի հետ կապված խնդիրը, երբ համաձայն օրենքի պահանջի` պատասխանատվության է ենթարկվում  տրանսպորտային միջոցի սեփականատերը` անկախ այն հանգամանքից, արդյոք նա է եղել ղեկին եւ կատարել իրավախախտում:
«Տվյալ հոդվածի վիճարկման նպատակով արդեն իսկ գանգատ է ներկայացվել Սահմանադրական դատարան, որը ՍԴ կողմից ընդունվել է վարույթ եւ նշանակել է դատական նիստ»,- հայտնեց փաստաբան Կարեն Տոնոյանը` ընդգծելով, որ դա ծրագրի ամենակարեւոր ձեռքբերումներից մեկն է:

Արևիկ Սահակյան, «Մեդիա կենտրոն» ծրագրի համակարգող:
Հեղինակի հետ կապվելու համար գրեք  
[email protected]հասցեին:

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...