«Զվարթնոց օդանավակայանի էստակադայի և արտաքին օղակի քանդման անհրաժեշտությունը չկա». ճարտարապետներ
19.01.2016
12:00
Այսօր «Մեդիա կենտրոնում» տեղի ունեցավ քննարկում «Զվարթնոց» օդանավակայանի էստակադան ապամոնտաժելու թույլտվության վերաբերյալ, որին մասնակցոմ էին «Հայնախագիծ» ինստիտուտի տնօրեն, Հանրային խորհրդի քաղաքաշինության ենթահանձնաժողովի նախագահ Գրիգոր Ազիզյանը և Օդանավակայանի հին մասնաշենքի համահեղինակ Արթուր Թարխանյանի դուստր, ճարտարապետ Անահիտ Թարխանյանը:

Հիշեցնենք, որ ըստ հունվարի 13-ին հրապարակված Երևանի գլխավոր ճարտարապետ Տիգրան Բարսեղյանի պաշտոնական հայտարարության, ««Արմենիա» Միջազգային օդանավակայաններ» ՓԲԸ-ին 2015-ի դեկտեմբերի 24-ին տրվել է նախագծման թույլտվություն (ճարտարապետահատակագծային առաջադրանք), որով ընկերությունը պետք է իրականացնի Զվարթնոց միջազգային օդանավակայանի ընդլայման և հին համալիրի վերակառուցման աշխատանքների նախագծային փաստաթղթերի մշակում:

Միաժամանակ, հաշվի առնելով «Սեյսմիկ պաշտպանության արևմտյան ծառայություն» ՊՈԱԿ-ի կողմից կազմված «Զվարթնոց» միջազգային օդանավակայանի թիվ 1 համալիրի կառույցների տեխնիկական վիճակի և սեյսմիկ խոցելիության գնահատման վերաբերյալ տրված հաշվետվությունը, ««Արմենիա» Միջազգային օդանավակայաններ» ՓԲԸ-ին 2015-ի դեկտեմբերի 24-ին տրվել է հին համալիրի օղակաձև վթարային էստակադայի ապամոնտաժման թիվ 01/18-Ե-1157-82 թույլտվությունը:

Անահիտ Թարխանյանը հակադարձում է գլխավոր ճարտարապետի հայտարարությանը՝ ասելով, որ սեյսմիկ անվտանգության հարցը «բացարձակապես սուտ է»:

«Հին օդանավակայանը պետք է պահել, պետք է կոնսերվացնել և ցանկացած րոպեի, եթե պետք լինի, 2-3 ամսվա մեջ կարելի է վերագործարկել, սկսել աշխատանքերը: Ու եթե ինչ որ մեկը կորոշի փակել նոր օդանավակայանը, հինը հնարավոր կլինի շահագործել»,-ասում է Թարխանյանը:

1974թ․ կառուցված «Զվարթնոց» օդանավակայանը հայ ժողովրդի կողմից ճանաչված է որպես Հայաստանի խորհրդանիշ, իսկ միջազգային հանրության կողմից գնահատված է որպես խորհրդային մոդեռնիզմի եզակի նմուշ։

«Քաղապետարանի կողմից բազմաթիվ հիմքեր են բերվել, որ իրենց որոշումը օրինական է, բայց ինձ համար անհասկանալի է…Մասնավորի ձեռքում գտնվող նոր կառույցը՝ սեփական օդանավակայանը, մեծ վտանգ է պարունակում ժողովրդի համար: Ցանկացած րոպե այն կարող է փակվել, կարող է վերավաճառվել և այդ դեպքում Հայաստանը չի ունենա հնարավորություն  դուրս գալ շրջափակումից և միակ տարբերակը  մնում է հին օդանավակայանը: Այս առումով ես ասում եմ, որ որևէ քանդման աշխատանք, որևէ պնդում հին օդանավակայանի քանդման հետ կապված, ընդունելի չէ»,-ընդգծեց Թարխանյանը:

Գրիգոր Ազիզյանն ասում է, որ մեկ տարի առաջ՝ 2015-ի մարտին, էստակադայի սեյսմակայունության խնդրի հարցը բարձրացվել է նաև սեփականատիրոջ կողմից:

«Այնտեղ էստակադայի վրա 2-3 աննշան հանգույցներ էին վնասվել և փլվել մի քանի տարի շարունակ չշահագործելու հետևանքով: Բնականաբար հարց բարձրացվեց քանդել էստակադան, և քաղաքապետարանը ստեղծեց հանձնաժողով,  որի կազմում էին ՀՀ լավագույն մասնագետները, որոնք գնացին, տեղում ուսումնասիրեցին էստակադան և ասացին, որ էստակադան մոտ 80 տոկոսով շատ նորմալ  վիճակում է գտնվում, 20 տոկոս ունի վնասված մասեր, որոնք կարելի է վերանորոգել և շահագործել: Եվ այդ հանձնաժողովի եզրակացությունն ուղղվեց սեփականատիրոջը, հիմա ի՞նչ պատահեց այս մեկ տարում, որ էստակադայի սեյսմիկ վիճակը դարձավ անթույլատրելի և որոշվեց այն քանդել»,-ասաց Ազիզյանը:

Նա հավելեց, որ ծանոթացել է նաև առաջարկվող նախագծին, որը դեռևս չի հաստատվել:

«Նոր նախագծում սեփականատերը առաջարկում է հետևյալը.  կենտրոնական մասը՝ աշտարակը ներքին օղակով, մեր 2 տարվա պայքարից հետո որոշել են թողնել, իսկ արտաքին օղակը որոշել են քանդել, որովհետև հիմնական պահանջը  օդանավակայանի ընդլայնումն է: Այն ձևը, որը իրենք տվել են նախագծում համահունչ է իր տեսքով նրան, ինչ որ մենք ունենք: Այսինքն մեր արտաքին օղակը կարող է շատ հանգիստ ծառայել այն ֆունկցիային, որը իրենք ուզում են ստանալ: Նրանք ուզում են շատացնել ինքնաթիռների կայանման տեղերը, որը իրենց առաջարկածով ավելանալու է 10-ով, իսկ օդանավակայանի հեղինակներից մեկը՝ ճարտարապետ Շեխլյան Ժորժը, որը Ֆրանսիայում է ապրում հիմա, առաջարկել է  իր տարբերակը, ըստ որի պահպանելով օդանավակայանը իր ներքին և արտաքին տեսքով, երկու օղակներով և աշտարակով կարելի է շատացնել ինքնաթիռների կայանելու հնարավորությունը: Ի դեպ  Շեխլյան Ժորժի առաջարկած տարբերակով 12 կայանելու տեղ է ավելանում ինքնաթիռների համար»,-ընդգծում է Ազիզյանը:

Բանախոսները հավելեցին, որ իրենց նպատակն է այժմ համոզել սեփականատիրոջը, որ արտաքին օղակը ամբողջովին համապատասխանում է իրենց ցանկալի ֆունկցիայի ապահովմանը և անհրաժեշտություն չկա քանդման աշխատանքների:

Լիլիթ Առաքելյան, «Մեդիա կենտրոն» ծրագրի խմբագիր-համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա
13.05.2021
14:00
Մայիսի 13-ին՝ ժամը 14:00-ին, Մեդիա կենտրոնը կազմակերպեց հարցազրույց Ընտրական համակարգերի միջազգային հաստատության հայաստանյան մասնաճյուղի (IFES Armenia) ընտրությունների ավագ մասնագետ Աղասի Եսայանի հետ «Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա» թեմայով
Նախընտրական Հայաստան. ընտրությունը դարձյալ նախկին-ներկա շրջապտույտու՞մ է
10.05.2021
12:30
Մայիսի 10-ին, ժամը 12:30-ին, Մեդիա կենտրոնն առցանց քննարկում կազմակերպեց՝ «Նախընտրական Հայաստան. ընտրությունը դարձյալ նախկին-ներկա շրջապտույտու՞մ է» թեմայով:
Քաղաքացու կերպարի վերաիմաստավորումը հետպատերազմյան Հայաստանում
07.05.2021
17:00
Մայիսի 7-ին՝ ժամը 17:00-ին, Մեդիա կենտրոնը Դիլիջանի համայնքային կենտրոնում (61 Մյասնիկյան, Դիլիջան) կազմակերպել է հանդիպում մշակութային մարդաբան Աղասի Թադևոսյանի հետ:
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...