«Ոստիկանությունը վեր է ածվել քաղաքական իշխանության մահակի». իրավապաշտպաններ
13.01.2016
12:00
Այսօր «Մեդիա կենտրոնում» տեղի ունեցավ քննարկում 2016-ի սկզբին Ազատության հրապարակում քաղաքացիական ակտիվիստների և ոստիկանների միջև տեղի ունեցած բախումների և դրան հաջորդած միջադեպերի վերաբերյալ:

Քննարկմանը մասնակցում էին Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, հրապարակախոս Զառա Հովհաննիսյանը, Գևորգ Սաֆարյանի փաստաբան Տիգրան Հայրապետյանըև «Իրավունքի եւ ազատության կենտրոն» ՀԿ-ի նախագահ Վարդան Հարությունյանը:

Հիշեցնենք, որ «Նոր Հայաստան» քաղաքական միավորման անդամները Ամանորի գիշերը Ազատության հրապարակում փորձել էին տոնական եղևնի տեղադրել, սակայն դա ավարտվել էր ոստիկանների հետ բախմամբ: Հինգ քաղաքացիներ բերման էին ենթարկվել և ավելի ուշ բաց թողնվել, իսկ Գևորգ Սաֆարյանը ձերբակալվել էր: Սաֆարյանի դեմ բողոք էր ներկայացրել Ոստիկանության հատուկ ջոկատի 4-րդ վաշտի հրամանատար Գեղամ Խաչատրյանը և հունվարի 3-ին իշխանության ներկայացուցչի նկատմամբ բռնություն գործադրելու համար մեղադրանք էր առաջադրվել ակտիվիստ Գևորգ Սաֆարյանին, որի համաձայն վերջինս երկու ամսով գտնվելու է կալանքի տակ:

Այդ միջադեպին հաջորդեց «Նոր Հայաստան» շարժման աջալից Սյուզի Գևորգյանին ծեծի ենթարկելու, ինչպես նաև հրապարակախոս Զառա Հովհաննիսյանին նկատմամբ ֆեյսբուքյան օգտատերերից մեկի կողմից սpառնալիքներ հնչեցնելու դեպքը:

Վարդան Հարությունյանն ասում է, որ երկար տարիներ է արդեն, որ ՀՀ իշխանությունները իրենց քաղաքական ընդդիմախոսների նկատմամաբ կիրառում են բռնություն:

«Հարձակվել, ծեծել, խոշտանգել. դա սկսկվել է դեռ Ռոբերտ Քոչարյանի իշխանավորման 2-րդ փուլից: Այդ դեպքերը գալիս են վաղուց, դա մեր իշխանավորների գործելաոճն է: Այս տարվա սկզբին տեղի ունեցած դեպքերը եղածների տրամաբանական շարունակությունն է: Ոստիկանները միշտ էլ հրապարակային ակցիաների ժամանակ դրսևորում են իրենց օրենքից դուրս: ՀՀ-ն պետք է և կարող էր ունենալ իսկակական Ոստիկանություն, որը պետք է լիներ քաղաքականությունից դուրս, չպետք է ենթարկվեր քաղաքական իշխանության հրահանգներին  և պետք է ենթարկվեր միայն օրենքին, պաշտպաներ հասարակակական կարգն ու պայքարեր քրեածին երևույթների դեմ: Բայց մեզ մոտ Ոստիկանությունը վեր է ածվել քաղաքական իշխանությա մահակի»,-ասում է Հարությունյանը:

Հայրապետյանն ասում է, որ դեկտեմբերի 31-ին Սաֆարյանի գործողությունները ոչնչով չեն տարբերվել ակցիայի մյուս մասնակիցների գործողություններից:

«Սաֆարյանին մեղադրանք են առաջադրել Ոստիկանության օրինական գործողությունները խոչընդոտելու և ոստիկանի նկատմամբ բռնություն գործադրելու մեջ: Երկու հանգամանք, որ ակնհայտ չի ընդունում Գևորգ Սաֆարյանը»,-ասում է Հայրապետյանը:

Նա հավելում է, որ ակցիայի մասնակիցներին հավաքից հեռացնելը պետք է լիներ միայն այն դեպքում, երբ վտանգ սպառնար ազգային անվտանգությանը, կամ ոտնահարվեր քաղաքացիների սահմանադրական իրավունքները:

«Բայց եթե ինչ որ մեկը տոնածառով մտնում է Ազատության հրապաարկ, չեմ կարծում, որ ինչ որ մեկի սահմանադրական իրավունքն է ոտնահարվում, կամ ազգային անվտանգությունը վտանգվում»,-ընդգծում է Հայրապետյանը:

Նա նշում է նաև, որ ակցիայի մասնակիցները դիմել էին Երևանի քաղաքապետարան տոնածառ տեղադրելու թույլտվություն ստանալու համար:

«Եվ քաղաքապետարանի պատասխանում արգելք չի եղել: Նրանք պատասխանել են, որ տոնածառ տեղադրելը հանրահավաքի հետ չի առնչվում և մենք քննության չենք առնում այդ հարցը: Այսինքն թույլատրվել է տեղադրել: Իսկ այն, որ ոստիկանները սկսել են իրենց գործողությունները տոնածառը հրապարակ բերելու համար, չի կարելի համարել օրինական»,-նշում է Հայրապետյանը:

Զառա Հովհաննիսյանն ասում է , որ Գևորգ Սաֆարյանի նկարը տեղադրել էր իր ֆեյսբուքյան էջում, որից հետո Անդրե Մակարով անունով ֆեյսբուքյան մի օգտատեր վերցրել էր նկարը և խեղաթյուրել:

«Ես վերցրել էի նրա ֆեյսբուքյան պատից այդ նկարը և հանրությանը ներկայացրել, որ այսպիսի խեղաթյուրում է կատարվել: Դրանից հետո նա նամակագրությամբ ուղիղ կապի մեջ էր մտել ինձ հետ և ասել, որ դուք պաշտպանում եք մեկին, ով թուրքական գործակալ է: Երկխոսության ընթացքում նա սպառնալիքներ էր հնչեցրել ինձ, որ ես երեխայիս հետո տնից դուրս գալիս կսպանվեմ: Դրանցի հետո նա արգելափակել էր իր էջը և կապը կտրվել էր նրա հետ: Ես դիմեցի անմիջապես Ոստիկանություն, որից հետո հաղորդագրություն էր տարածվել և այդ տղայի մայրը կարդալով Ոստիկանությնա հաղոդրագրությունը տղային բերել էր Ոստիկանություն: Ես հանդիպեցի նրանց. այդ տղայի մտավոր ունակությունները այդքան բարձր չէին և կարդալով նրա ֆեյբուքյան պատին տեղադրված գրառումները , ես տեսնում են անհամապատասխանություն և ուղղորդում: Եթե անգամ անձը նույնն է, ապ նա  թաքնված է ինչ որ մարդկանց, ինչ որ խմբի հետևում, որոնք ուղղորդված գործողություններ են իրականացնում և որակումներ տալիս այն մարդկանց, ովքեր ընդդիմադիր քաղաքական հայացքներ ունեն»,-ընդգծեց Հովհաննիսյանը:

Արթուր Սաքունցն էլ անդրադառնալով ոստիկանության գործողություններին վերջին օրերի միջադեպերի ժամանակ, նկատեց, որ նմանօրինակ գործողությունները կրկնվում են:

«Հայաստանում մշտապես որպես բռնության գործիք օգտագործվում են քաղաքական և քաղաքացիական ինքնարտահայտման տարբեր դրևսորումները ճնշելը, ապօրինի մեթոդներով մարդկանց բերման ենթարկելը, ինչը փաստ է: Սա մի այլ որակի մտածողության արտահայտություն է: Սա արդեն ոչ միայն անպատժելիութան, այլև նախահարձակ լինլու մտածողության արդյունք է»,-հավելեց Սաքունցը:

Նշենք նաև, որ «Մեդիա կենտրոնը» քննարկմանը հրավիրել էր նաև Ոստիկանության ներկայացուցիչների, սակայն նրանք հրաժարվել էին մասնակցել քննարկմանը՝ պարզաբանելով, որ քանի դեռ գործը նախաքննության փուլում է,  իրավասու չեն տեղեկատվություն տրամադրելու:

Լիլիթ Առաքելյան, «Մեդիա կենտրոն» ծրագրի խմբագիր-համակարգող:

Հեղինակի հետ կապվելու համար գրեք [email protected] հասցեին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա
13.05.2021
14:00
Մայիսի 13-ին՝ ժամը 14:00-ին, Մեդիա կենտրոնը կազմակերպեց հարցազրույց Ընտրական համակարգերի միջազգային հաստատության հայաստանյան մասնաճյուղի (IFES Armenia) ընտրությունների ավագ մասնագետ Աղասի Եսայանի հետ «Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա» թեմայով
Նախընտրական Հայաստան. ընտրությունը դարձյալ նախկին-ներկա շրջապտույտու՞մ է
10.05.2021
12:30
Մայիսի 10-ին, ժամը 12:30-ին, Մեդիա կենտրոնն առցանց քննարկում կազմակերպեց՝ «Նախընտրական Հայաստան. ընտրությունը դարձյալ նախկին-ներկա շրջապտույտու՞մ է» թեմայով:
Քաղաքացու կերպարի վերաիմաստավորումը հետպատերազմյան Հայաստանում
07.05.2021
17:00
Մայիսի 7-ին՝ ժամը 17:00-ին, Մեդիա կենտրոնը Դիլիջանի համայնքային կենտրոնում (61 Մյասնիկյան, Դիլիջան) կազմակերպել է հանդիպում մշակութային մարդաբան Աղասի Թադևոսյանի հետ:
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...