Գյումրիում կայացավ «#electricyerevan 2015» ցուցահանդեսի բացումն ու «#electricyerevan. ոտնահարված իրավունքների մեկ օրը» ֆիլմի ցուցադրությունը
19.12.2015
13:00
Դեկտեմբերի 19-ին, Գյումրու «Հոկտեմբեր» կինոթատրոնում տեղի ունեցավ «#electricyerevan 2015» ֆոտոցուցահանդեսի բացումն ու «#electricyerevan. ոտնահարված իրավունքների մեկ օրը» վավերագրական ֆիլմի ցուցադրությունը:

Ցուցադրությանը ներկա էին Գյումրու հասարակական կազմակերպությունների ներկայացուցիչներ, իրավապաշտպաններ, քաղհասարակության ակտիվ անդամներ և ուսանողներ: Ֆիլմը և ցուցահանդեսը գյումրեցիների կողմից արժանացավ դրական գնահատականի:

«Բաղրամյանի պայքարը լավ փորձ էր քաղհասարակության համար»,-կարծիք հայտնեց «Սախարովի անվան մարդու իրավունքների պաշտպանության հայկական կենտրոնի» Շիրակի մասնաճյուղի ղեկավարՍեյրան Մարտիրոսյանը,ով ներկա էր ցուցադրությանը:

Ցուցահանդեսը «Ֆոտոլուր» գործակալության լուսանկարիչների ստեղծած յուրօրինակ ֆոտոակնարկն  է  ս.թ. հունիսի 22-ից   մինչեւ հուլիսի 6-ը էլեկտրաէներգիայի թանկացման դեմ բողոքի ակցիաների ընթացքում տեղի ունեցած դեպքերի վերաբերյալ: 

Իսկ Հանրային լրագրության ակումբի հեղինակած ֆիլմն անդրադառնում է Բաղրամյան պողոտայում հունիսի 23-ի վաղ առավոտյան ծավալված դեպքերին եւ զարգացումներին` ականատեսների աչքերով, ինչպես նաեւ ներառում է հարցազրույցներ Ոստիկանության, ՄԻՊ գրասենյակի և հասարակական կազմակերպությունների ներկայացուցիչների հետ:

Հիշեցնենք, որ ցուցահանդեսի ու ֆիլմի անդրանիկ ցուցադրությունը տեղի էր ունեցել Երևանում նոյեմբերի 12-ին, որին հաջորդեցին մարզային ցուցադրությունները:

Գյումրին երկրորդ մարզային քաղաքն էր, որտեղ ցուցադրվեց վավերագրական ֆիլմն ու «#electricyerevan2015»-ի լավագույն լուսանկարները: Մինչ այդ` դեկտեմբերի 11-ին, այն ցուցադրվել էր Վանաձոր քաղաքում:

«Մեր լուսանկարիչները երկու շաբաթ, օր ու գիշեր աշխատել են Բաղրամյանում, որի արդյունքում ստեղծվել են այս լուսանկարները: Պայքարի խորհրդանիշ համարվող Վահրամ Բաղդասարյանի լուսանկարը, որտեղ գլխավոր հերոսը Կարո Ղուկասյանն է, նույնիսկ համարվեց այս տարվա լավագույն լուսանկերնրից  մեկը՝ ըստ Reuters գործակալության»,-միջոցառման բացմանը հայտարարեց «Ֆոտոլուր» գործակալության տնօրեն Մելիք Բաղդասարյանը:

Ցուցահանդեսը գյումրեցիների համար բաց մնաց 3 օր, մինչև դեկտեմբերի 21-ը:

«#electreicyerevan 2015» ֆոտոցուցահանդեսի և «#electricyerevan. ոտնահարված իրավունքների մեկ օրը» ֆիլմի հաջորդ ցուցադրությունը տեղի կունենա Մարտունի քաղաքում դեկտեմբերի 23-ին:

Ֆիլմը և ցուցահանդեսը հնարավոր է դարձել իրականացնել «Բաց հասարակության հիմնադրամներ-Հայաստան» կազմակերպության աջակցությամբ:

 

Լուսանկարներ
Print Friendly and PDF
Այլ մամլո հաղորդագրություններ
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Մայիսի 3, Մամուլի ազատության օր. իսկ ազա՞տ է մամուլը
03.05.2021
13:30
Մայիսի 3-ին, ժամը 13:30-ին, Մեդիա կենտրոնը կազմակերպեց առցանց քննարկում «Մայիսի 3, Մամուլի ազատության օր. իսկ ազա՞տ է մամուլը» թեմայով:
Մարդու իրավունքների խախտումները պատերազմից հետո. կա՞ ռազմավարության վերանայման անհրաժեշտություն
30.04.2021
13:30
Ապրիլի 30-ին՝ ժամը 13:30-ին, Մեդիա կենտրոնը կազմակերպեց առցանց քննարկում «Մարդու իրավունքների խախտումները պատերազմից հետո. կա՞ ռազմավարության վերանայման անհրաժեշտություն» թեմայով
Արցախի ու Հայաստանի անվտանգային համակարգը՝ խարխլված. մարտահրավերներ, լուծումներ
27.04.2021
10:11
Ապրիլի 27-ին, ժամը 15:00-ին, Մեդիա կենտրոնի առցանց հյուրն էր Արցախի նախկին արտգործնախարար, ՀՀ Արտակարգ և լիազոր դեսպան Արման Մելիքյանը:
Թեման՝ «Արցախի ու Հայաստանի անվտանգային համակարգը՝ խարխլված. մարտահրավերներ, լուծումներ»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...