«Դարակ» հրատարակչության բացումն ու Վիրջինիա Վուլֆի «Սեփական սենյակը» գրքի առաջին հայերեն թարգմանության ներկայացում»
18.12.2015
12:00
Կարևորելով գրի, գրահրատարակչության դերը և այդ դերի բարձրացումը Հայաստանում` էնտուզիզմով լի մի քանի երիտասարդներ Երևանում հիմնել են նոր հրատարաչկություն` «Դարակ» անվանմամբ:

«Այսօր Հայաստանում գործում են բազմաթիվ հրատարակչություններ. մոտ 300 հրատարակչություն, սական Հայաստանում առկա այս հրատարակչություններից ընդամենը մի քանիսն են զբաղվում բուն հրատարակչական գործով: Այս թվի մեջ, կարծես թե, պետք է թարգմանչական, գրական մյուս ռեսուրսների բացը չլիներ, սակայն առկա է, «Դարակ»-ը եկել է լրացնելու հրատարակչական գործունեություն ծավալելու համար եղած բացը»,- նշեց «Դարակ» հրատարակչության հիմնադիր/խմբագիր Աշոտ Գաբրիելյանը այսօր Մեդիա կենտրոնում տեղի ունեցած ասուլիսի ժամանակ:

Աշոտ Գաբրիելյանն ասում է, որ ցանկացած հրատարակչություն պետք է ունենա հստակ որդեգրած քաղաքականություն. ««Դարակ»-ը յուրաքանչյուր գիրք, յուրաքանչյուր մատենաշար տպագրելիս դնելու է հստակ խնդիրներ, և այդ խնդիրները պետք է առաջին հերթին զուգակցենք հասարակության մեջ առկա խնդիրներին, որպեսզի մեր գործն ինքնանպատակ չլինի: Այսպես ասած, գրականությունը պետք է փորձենք բերել նաև գրականությունից դուրս հենց գրականության միջոցով»:

Հաջորդ շաբաթ տեղի է ունենալու «Դարակ» հրատարակչության կողմից հրատարակված առաջին գրքի՝ Վիրջինիա Վուլֆի «Սեփական սենյակը» գրքի շնորհանդեսը: Գիրքն առաջին անգամ է հայերեն թարգմանությամբ լույս տեսնում: Այն ներառվում է «Սաֆո» մատենաշարի մեջ, և ինչպես Գաբրիելյանն է նշում, մատենաշարն անդրադառնալու է կնոջ իրավահավասարության խնդիրներին:

«Այս մատենաշարը ընտրեցինք, քանի որ նկատում ենք, որ թեև օրենսդրական դաշտում կնոջ և տղամարդու իրավահավասարության խնդիր չկա, սակայն փաստացի, կյանքում առկա է այլ վիճակ, և մենք բարձր գրականության միջոցով փորձում ենք հասարակությանը ցույց տալ այդ բացերը, - ասում է Գաբրիելյանը և հավելում,- Վերջինիա Վուլֆը հայտնի ֆեմինիստ էր և առաջիններից մեկն էր, որ հզոր տաղանդով բարձրաձայնեց և ցույց տվեց մի քանի սոցիալական պրոբլեմներ, որոնք խանգարում են կնոջը հասարակության մեջ լիարժեք դրսևորվելու»:

Սաֆո մատենաշարի մյուս գրքերը նույնպես լինելու են այս ուղղվածությամբ, հրատարակվելու են միայն կին գրողների գործեր, որոնք բարձրաձայնում են այդ խնդիրները:

Հաջորդ մատենաշարերը լույս կտեսնեն «Արկած» և «Պրոցես» խորագրերի ներքո: Առաջինը կներկայացնի լավագույն և նախկինում չհրատարակված ստեղծագործությունները պատանիների համար: Իսկ երկրորդում արտացոլվելու է արդի գրական ընթացքը և հրատարակվելու են ժամանակակից երիտասարդ գրողների ստեղծագործությունները:

Ասուլիսի ավարտին Աշոտ Գաբրիելյանն անդրադարձավ նաև գրահրատարակչական ոլորտի զարգացմանը և առկա խնդիրներին` նշելով, որ նախկինում` 5 տարի առաջ, գրող-հրատարակիչ կապը, կարծես թե, ընդհանրապես բացակայում էր, Հայաստանի բոլոր հրատարակչությունները կատարում էին զուտ տպարանի դեր, սակայն վերջին տարիներին մի քանի հրատարակչություններ սկսել են մտածել հրատարակչական գործի հետագա զարգացման մասին և հասկացել են, որ հրատարակչական գործը կարող է զարգանալ միայն ժամանակակից հեղինակների հետ շփումով և թարգմանական ռեսուրսներ ներառելով:

Գաբիրելյանը նշում է, որ ոլոտի զարգացման համար պետք է որդեգրել գրականությունը մեծ զանգվածներին հասանելի դարձնելու քաղաքականությունը:

Արփինե Արզումանյան, Մեդիա կենտրոն ծրագրի կայքի խմբագիր:

Հեղինակի հետ կապվելու համար գրեք  [email protected] հասցեին:     

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ