Հայաստանի հակակոռուպցիոն պայքարում դեռևս չկա զգալի և լուրջ առաջընթաց
09.12.2015
12:00
Հայաստանի հակակոռուպցիոն պայքարում նախորդ տարիների համեմատ կա որոշակի դրական տեղաշարժ, սակայն դա չի ապահովում զգալի և լուրջ առաջընթաց:

Այսօր՝ Կոռուպցիայի դեմ պայքարի միջազգային օրը, Մեդիա կենտրոնում տեղի ունեցած քննարկմանը նման տեսակետ հնչեցրին ՀՀ Արդարադատության փոխնախարար Սուրեն Քրմոյանը,  Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը և Հայաստանի Երիտասարդ իրավաբանների ասոցիացիայի նախագահ, ՔՀԿ-ների հակառուպցիոն կոալիցիայի քարտուղարության համակարգող Կարեն Զադոյանը:

Վարուժան Հոկտանյանը ներկայացրեցԹրանսփարենսի Ինթերնեշնլ հակակոռուպցիոն կենտրոնի 2014-ի Կոռոպցիայի ընկալման համաթիվը, որի համաձայն, Հայաստանը 37-րդ տեղում է (0-ն բացարձակապես կոռումպացված, 100-ը բացարձակապես մաքուր):

 2015-ի վերաբերյալ, թե ինչպիսին է կոռուպցիայի ընկալման համաթիվը Հայաստանում, կհրապարակվի 2016-ի հունվարին:

«Մենք ունենք Freedom house-ի 2015 հրապարակված զեկույցը: Այստեղ վերջին 3 տարինեի ինդեքսը մնացել է անփոփոխ՝ 5,25: Սանդղակը 1-ից 7-ն է, որտեղ 1-ը մաքսիմալ մաքուրն է, իսկ 7-ը մաքսիմալ վատը: Հայաստանը գտնվում է  5,25-ում, իրավիճակը բարվոք չէ, բայց նախորդ տարիների համեմատ որոշակի բարելավում կա»,-նշեց Հոկտանյանը:

2006-2008-ին ըստ Freedom house-ի զեկույցի, Հայաստանը ինդեքսում զբաղեցրել է 5,75 տեղը,  2009-2011-ին 5, 50 իսկ 2012-2014 –ին՝ 5, 25-ը:

«Նույն կերպ  վերջին երեք տարիներին աննշան լավացում է եղել Համաշխարհային բանկի ցուցանիշներում: 2012-ին 47,6 էր, 2013-ին 31,4, իսկ 2014-ին՝ 51, 7: Այստեղ հակառակ ուղղությամբ է,  այսինքն ինչքան բարձր է թիվը, այնքան լավ է: Առաջընացը կարելի է ասել փոքր է, բայց վատագույն դեպքում սա լճացման իրավիճակ է: Մենք չենք տեսնում ուժեղ առաջընթաց ինչը եղավ 2000-ի կեսերին Վրաստանի օրինակով»,-ընդգծեց Հոկտանյանը:

Սուրեն Քրմոյանն ասում է, որ որոշակի բարելավումներ կան վերջին տարիներին, բայց այդ ցուցանիշները գոհացուցիչ չեն:

«Այս տարի ստեղծվեց նոր ինստիտուցիանալ համակարգ, այսինքն կոռուպցիայի դեմ պայքարի խորհուրդ ստեղծվեց և այդ խորհուրդը այս տարի անդրանիկ նիստը գումարեց: Հաջորդ նիստն ակնկալում ենք անցկացնել մինչև դեկտեմբերի վերջ: Առաջին նիստում հավանության արժանացավ կոռուպցիայի դեմ պայքարի մասին 2015-2018 թթ-ի ռազմավարությունը»,-ասաց Քրմոյանը:

Ըստ նրա՝ այս տարվա ամենակարևոր ձեռքբերումներից է դոնոր կազմակերպությունների և քաղհասարակության հետ համատեղ պլատֆորմներ ստեղծելը փոխհամագործակցության համար:

«Այս տարի մենք ունենք հաջողված փորձ քաղհասարակության հետ: Եվ ամենակարևորը, որ կոռուպցիան վնասում է առաջին հերթին տնտեսությանը և մեր ձեռներեցներին, բիզնեսի ներակայացուցիչներին, ուստի մենք արդեն շատ միջոցառումներ ենք կատարել Թրանսփարենսի Ինթերնեշնլի և Երիտասարդ իրավաբանների ասոցիացիայի հետ բիզնես ոլորտի ներակայացուցիչներին ներգրավելու պրոցեսում, լսելու նրանցից, թե ինչ ռիսկեր կան բիզնես ոլոտում և այդ ռիսկերին համարժեք լուծումներ տալու»,-ասաց Քրմոյանը՝ հավելելով, որ ռազմավարության ակտիվ իրականացումն ակնկալում են 2016-ին:

Ըստ փոխնախարարի՝ ռազմավարության ամենակարևոր նախապայմանը հասարակության մասնակցությունն է  և անհադուրժողականությունը կոռուպցիոն երևույթների նկատմամբ:

Քրմոյանը նշեց նաև, որ Հայաստանը մասնակցելով Տնտեսական համագործակցության և զարգացման կազմակերպության Արևելյան Եվրոպայի և Կենտրոնական Ասիայի հակակոռուպցիոն ցանցի նիստին 2015-ին 23 հանձնարարականներից 17-ին դրական գնահատական է ստացել:

«Ամենակարևոր նվաճումը նա է, որ  կարողացել ենք միավորել ջանքերը քաղհասարակության հետ և կոնստրուկտիվ ճանապարհով առաջ գնալ: Հուսով եմ, որ հաջորդ տարի կոռուպցիայի ընկալման համաթիվը դրական առաջընթաց կգրանցի: Իսկ բացթողումները վերաբերում են  դատախական իշխանության, դատավորների նշանակման, պատգամավորների և դատախազության գործունեության թափանցիկության կոռուպցիոն ռիսկերի նվազեցմանը»,-հավելեց Քրմոյանը:

Կարեն Զադոյանը, ով այս տարվա սեպտեմբերին մասնակցել էր Մալազիայում հակակոռուպցիոն միջազգային համաժողովին, ասաց, որ Հայաստանին ուղղված ամենակարևոր հանձնարարականը եղել է անպատժելիության  վերացումը:

«Ես Թրանսփարենսի Ինթերնեշնլ հակակոռուպցիոն կենտրոնի Կոռուպցիայի ընկալման համաթիվը միշտ համեմատում եմ դպրոցական գնահատականների հետ: Եթե համաթիվը 100 միավոր է, դպրոցականների գնահտականներն էլ 1-10 է: Եթե ամեն օր ձեր երեխան գնա ու ստանա 3 կամ 4 գանահատական, իրականում դա վատ ցուցանիշ է»,-նշեց Զադոյանը:

Հայաստանը 2014-ին Կոռուպցիայի ընկալման համաթվում զբաղեցրել է 37-րդ տեղը: 2013-ին 34, իսկ 2013-ին՝ 36:

«Սա առաջընթաց է, բայց երբ գլոբալ ենք նայում, համեմատելով Մերձբալթյան երկրների հետ, այնտեղ ցուցանիշը 50-ից ավելի է: Սա իրականում այն առաջընթացն է, որի մասին մենք խոսում ենք: Մեր հարևան Վրաստանը նույնպես ապահովում է 50-ից բարձր ցուցանիշ: Մեր իշխանության համար առաջին մարտահրավերը դա պետք է լինի»,-հավելեց Զադոյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:    

Տեսանյութ
Print Friendly and PDF
Այլ մամլո հաղորդագրություններ
Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա
13.05.2021
14:00
Մայիսի 13-ին՝ ժամը 14:00-ին, Մեդիա կենտրոնը կազմակերպեց հարցազրույց Ընտրական համակարգերի միջազգային հաստատության հայաստանյան մասնաճյուղի (IFES Armenia) ընտրությունների ավագ մասնագետ Աղասի Եսայանի հետ «Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա» թեմայով
Նախընտրական Հայաստան. ընտրությունը դարձյալ նախկին-ներկա շրջապտույտու՞մ է
10.05.2021
12:30
Մայիսի 10-ին, ժամը 12:30-ին, Մեդիա կենտրոնն առցանց քննարկում կազմակերպեց՝ «Նախընտրական Հայաստան. ընտրությունը դարձյալ նախկին-ներկա շրջապտույտու՞մ է» թեմայով:
Քաղաքացու կերպարի վերաիմաստավորումը հետպատերազմյան Հայաստանում
07.05.2021
17:00
Մայիսի 7-ին՝ ժամը 17:00-ին, Մեդիա կենտրոնը Դիլիջանի համայնքային կենտրոնում (61 Մյասնիկյան, Դիլիջան) կազմակերպել է հանդիպում մշակութային մարդաբան Աղասի Թադևոսյանի հետ:
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...