Որո՞նք են ամենառիսկային ընտրատեղամասերը՝ ըստ «Կոմպաս» կենտրոնի ուսումնասիրության
02.12.2015
13:00
Ի համեմատ 2013-ի նախագահական ընտրությունների հիմնական ընտրացուցակների` 2015թ. սահմանդրական հանրաքվեից առաջ հրապարակված նախնական ընտրացուցակներում համադրելի տեղամասերում ընտրողների թիվը յուրաքանչյուր տեղամասսւմ ավելացել է միջինը 57 ընտրողով:

Այս մասին «Մեդիա կենտրոնում» հրավիրած մամլո ասուլիսի ընթացում հայտարարեց Գյումրու «Կոմպաս» գիտահետազոտական, կրթական եւ խորհրդատվական կենտրոն ՀԿ-ի նախագահ Ղարիբ Հարությունյանը` ներկայացնելով կենտրոնի կողմից իրականացված «Ընտրացուցակների վերլուծության եւ դիտարկման»  ծրագիրը:

Ըստ բանախոսի` այդ ծրագրի նպատակն է համապատասխան վերլուծության  արդյուքներով վեր հանել առավել ռիսկային ընտրատեղամասերը, եւ դիտորդների ու համապատասխան պետական կառույցների ուշադրությունը հրավիրել դրանց վրա`  առավել վերահսկելի եւ թափանցիկ դարձնելու համար ընտրական գործընթացը: Վերլուծության համար որպես հիմք են ծառայել ՀՀ ոստիկանության կողմից  նոյեմբերի սկզբին հրապարակված տվյալները: Մշակվել են 6 գործոններ, որոնք հաշվի առնելով էլ առանձնացվել են առավել ռիսկային տեղամասերը:

Ղարիբ Հարությունյանի ներկայացմամբ` նշված 6 գործոններից 2-ը հաշվարկվել են նախորդ նախագահական ընտրությունների տվյալների հիման վրա: Առաջին գործոնը հիմնական ընտրացուցակի եւ ընտրողների ընդհանուր թվի տարբերությունն է, ըստ որի  առավել ռիսկային է  գնահատվել  27/10 տեղամասը` որտեղ 2013-ին ընտրություններին գրանցված 39 հոգու փոխարեն ներկայումս 1567 հոգի է առկա: Ծրագրի հեղինակներն առանձնացրել են առավել ռիսկային 40 տեղամասերը:

Երկրորդ գործոնը  առաջին եւ երկրորդ ամենաբարձր ցուցանիշներ ստացած թեկնածուների ձայների տարբերությունն է, եւ ըստ  այդմ 1000-ից ավել ընտրող ունեցող տեղամասերում իրականացված  ուսումնասիրությունների արդյունքում գրանցվել է միջինը 25 տոկոս ցուցանիշ: Երրորդ գործոնով դիտարկվել է 2013թ. հիմնական ցուցակների եւ 2015թ. նախնական ընտրացուցակների միջեւ արձանագրված տարբերությունը, որը կազմել է միջինը 57 հոգի: Առանձնացվել են առավել ռիսկային  100 տեղամասերը, որոնցից, օրինակ, Կոտայքի մարզի Սեւաբերդ միջնակարգ դպրոցի տեղամասում ընտրողների թիվը 845-ով ավելացել է:

Չորրորդ գործոնով հաշվի են առնվել կրկնվող անուն-ազգանուն ունեցող ընտրողներով  տեղամասերը եւ առանձնացվել են  17  ռիսկային տեղամասեր, որտեղ կան  66-ից 57 կրկնվող անուն ազգանուններով ընտրողներ:

Հինգերորդ  գործոնը վերաբերում է ծննդյան  ամիս- ամսաթիվ  չունեցող ընտրողներ ունեցող տեղամասերին, եւ այս դեպքում գրանցված 37 հազար 339 նման ընտրողներից  մեկ տեղամասում արձանագրվել է միջինը 19 հոգի, սակայն առավել ռիսկային են համարվել այն տեղամասերը, որտեղ այդ ցուցանիշը հասնում է 58-ի:

Վեցերորդ գործոնը  հասցե չունեցող ընտրողների դիտարկմանն է վերաբերվում, որը բավականին ցածր է` միջինը 0.5 ընտրող մեկ տեղամասում:

«Ամփոփ վերլուծության արդյունքում մենք առանձնացրել ենք 123  նման  տեղամաս, որոնցից առավել ռիսկային են` 2 եւ ավելի գործոններով,  16,17,18,19,24, 28 եւ 5  ընտրատարածքները».- ներկայացրեց բանախոսը` մասնավորեցնելով, որ, օրինակ, 17 ընտրատարածքում  տեղամասերի ռիսկային գործոնների թիվը հասնում է 26-ի:

«Այդպիսով` հանրապետության  1988 ընտրատարածքներից առանձնացվել են առնվազն 200  տեղամասեր, որոնք առավել ռիսկային են»,- ամփոփեց Հարությունյանը` նշելով, որ  առավել ռիսկային են դիտվում Արարատի, Կոտայքի, Արմավիրի, ապա Գեղարքունիքի մարզերում գտնվող  տեղամասերը: Իսկ ամենառիսկայինը` 5 գործոններով,  17 ընտրատարածքի 10 ընտրատեղամասն է, որը գտնվում է Արտաշատ քաղաքում:

Գյումրու «Կոմպաս» գիտահետազոտական, կրթական եւ խորհրդատվական կենտրոն ՀԿ փորձագետ Կարեն Պետրոսյանն էլ ներկայացրեց կենտրոնի կողմից իրականացված ընտրանքային  ուսումնասիրությունների արդյունքները, այդ թվում եւ տնային այցելությունների արդյունքում արձանագրված անճշտությունները, որոնք  կազմում են միջինը 30 տոկոս:

Կենտրոնի  ներկայացուցիչները տեղեկացրեցին, որ այդ տվյալներն արդեն իսկ ուղարկվել են բոլոր դիտորդական կազմակերպություններին, առաջիկայում դրանք կուղարկվեն նաեւ ՀՀ Ոստիկանությանը: 

Արևիկ Սահակյան, «Մեդիա կենտրոն» ծրագրի քննարկումների համակարգող:

Հեղինակի հետ կապվելու համար գրեք  [email protected] հասցեին:  

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ