Հայաստան-ԵՄ բանակցությունները կարող են մեկնարկել մինչև տարեվերջ
21.10.2015
13:00
Եվրամիության և Հայաստանի միջև նոր պայմանագրի համաձայնեցման շուրջ բանակցությունները կարող են սկսվել մինչև տարեվերջ: Եվրոպական հանձնաժողովն արդեն ստացել է Հայաստանի հետ բակակցություներ սկսելու մանդատը: Մինչև տարեվերջ ԵՄ պաշտոնյաների հետ տեղի կունենան ևս մի քանի հանդիպումներ: Այդ մասին «Մեդիա կենտրոնում» հայտարարեց Հայաստանի էկոնեմիկայի նախարարի առաջին Տեղակալ Գարեգին Մելքոնյանը, ով ՀՀ-ի կողմից համակարգում է ԵՄ-ի հետ բանակցությունները:

Ասոցիացիայի համաձայնագրի կանգման գործընթացի տապալումից հետո, Եվրամիությունը շարունակում էր Հայաստանի հետ քնարկումները՝ հարաբերություններ նոր իրավական հիմքի ձևավորման շրջանակները պարզելու համար: Արևելյան գործընկերության Ռիգայի գագաթնաժողովին, որը կայացավ այս տարվա մայիսին, հստակեցվեցին կողմերի ակնկալիքները և հայտարարվեց, որ մոտ ապագայում բանակցությունները կվերսկսվեն: ՀՀ-ի հետ բանակցություններ վարելու մանդատ Եվրոպական հանձնաժողովը ստացավ հոկտեմբերի 12-ին:

«Մեդիա կենտրոնում» Գարեգին Մելքոնյանի, ԱԺ պատգամավոր Թևան Պողոսյանի, Եվրոպական հետազոտությունների կենտրոնի ղեկավար Արթուր Ղազինյանի և  «Քաղաքական և միջազգային հարաբերությունների հայկական կենտրոնի» տնօրեն Աղասի Ենոքյանի մասնակցությամբ տեղի ունեցավ քննարկում «Եվրոպական հանձնաժողովը ՀՀ-ի հետ բանակցություններ սկսելու մանդատ է ստացել. ակնկալիքներ և հեռանկարներ» թեմայով:

Նոր պայմանագիրը քաղաքական հատվածից բացի, նշում է Մելքոնյանը, կունենա նաև տնտեսական բաղադրիչ, բայց այն կտարբերվի նախկինում համաձայեցված, բայց այդպես էլ չստորագրված ԵՄ-ի հետ խորը և համապարփակ առևտրի գոտու ստեղծման համաձայնագրից:  «Այն դրույթները, որոնք կհակասեն Հայաստանի պարտավորություններին Եվրասիական տնտեսական միության (ԵԱՏՄ) շրջանակներում, դրանք չեն ներգրավվի նոր փաստաթղթում: Այնուամենայնիվ, մեր նպատակն է հնարավորինս լայն պահել համագործակցության շրջանակը և շատ ոլորտներ ներառել», - տեղեկացրեց Մելքոնյանը:

Առաջիկայում Եվրամիության հետ բանակցվելիք և կնքվելիք փաստաթղթի տնտեսական բլոկում, ըստ Մելքոնյանի, կարող են ներառվել, հետևյալ ոլորտները՝ թափանցիկություն, մրցակցություն, ներդրումներ, ծառայություններ, առևտուր, տուրիզմ, բնապահպանություն և էներգետիկա: Նոր փաստաթղթում հաստատ չի ընդգրկվի մաքսային կարգավորումների մասը, քանի որ դա կհակասի Հայաստանի անդամակցությանը ԵԱՏՄ-ին: Եվրասիական տնտեսական միության շրջանակներում վարվում է միասնական մաքսային քաղաքականություն:

Մելքոնյանը հպանցիկ ներկայացրեց, թե ԵՄ-ի հետ նոր պայմանագրի կնքումից հետո ինչ կոնկրետ ոլորտային փոփոխություններ կարելի է սպասել Հայաստանում: «Ինչ վերաբերում է ոչ տարիֆային կարգավորումներին՝ տեխնիկական կանոնակարգեր, սերտիֆիկացում, լաբորատոր ստուգումներ, փորձաքննություններ, ապա այդ մասով տարվելու են աշխատանքներ, որպեսզի պայմանավորվենք, որ այդ աշխատանքները Հայաստանում իրականացվեն», - ասաց Մելքոնյանը՝ հավելելով, որ նպատակն է հեշտացնել արտահանողների գործը և ավելի հասանելի կդարձնեն նրանց համար ԵՄ շուկան:

ՀՀ-ի հետ բանակցությունների մանդատը, Արթուր Ղազինյանն անվանեց հնարավորությունների նոր պատուհան Եվրամիություն-Հայաստան հարաբերություններում:

«Սա շատ կարևոր է, քանի որ իրադրության փոփոխության պարագայում, այն կարող է նոր դուռ բացել Հայաստանի համար: Այնուամենայնիվ մենք տեսնում ենք, որ աշխարհը փոխվում է, և չգիտենք բանակցությունների ավարտին ինչ աշխարհաքաղաքական իրավիճակ կունենանք», - պարզաբանեց նա՝ նկատի ունենալով անցյալի փորձը, երբ Երևանը երեք ու կես տարի ԵՄ-ի հետ բանակցություններից հետո անակնկալ որոշեց հրաժարվել Ասոցիացիայի պայմանագրի ստորագրումից և անդամակցել ԵԱՏՄ-ին: 

Պատգամավոր Թևան Պողոսյանը հույս հայտնեց, որ և՛ ԵՄ-ն, և՛ Հայաստանը անցյալի փորձից դասեր են քաղել, և այս անգամ գործընթացը կհասցվի իր տրամաբանական ավարտին: «Իսկ դրա համար պետք է հստակ աշխատանք, և հնարավորինս ինտենսիվ բանակցություններ: Պետք չեն բարձրակոչ հայտարարություններ և շուներ: Փաստաթուղթը, եթե այն պատրաստ լինի, կարելի է ստորագրել՝ չսպասելով մեծ իրադարձության, ասենք՝ հերթական Արևելյան գործընկերության գագաթնաժողովի», - նշեց նա:

Բանակցային գործընթացը այս անգամ ևս, համոզված է վերլուծաբան Աղասի Ենոքյանը, կտևի բավականին երկար, քանի որ կողմերը զգուշավորություն են ցուցաբերում, ինչպես նաև առկա է Ռուսաստանի գործոնը, որը կարող է ամեն պահ ազդել գործընթացի վրա: «Տարածաշրջանային զարգացումները թույլ են տալիս կանխատեսումներ անել, որ Հայաստանի համար հնարավորություններ են բացվում դեպի Իրան, Եվրոպա, բայց Հայաստանը և՛ քաղաքական, և՛ տնտեսական առումով մնում է Եվրասիական տնտեսական միությունում: Երևանը մնում է Ռուսաստանի ազդեցության գոտում: Որևէ նախադրյալ հիմա չի երևակվում, որ Հայաստանը դուրս կգա այդ գոտուց», - նշեց նա: 

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ