Բաց կառավարման գործընկերություն. իրականացված և բաց թողնված պարտավորություններ
06.10.2015
11:00
Ինֆորմացիայի ազատության կենտրոնի իրականացրած մոնիտորինգի արդյունքների համաձայն՝ «Բաց կառավարման գործընկերություն» նախաձեռնության (ԲԿԳ) հայաստանյան գործընթացների 2-րդ ծրագիրը դրական տեղաշարժ է արձանագրում պարտավորությունների կատարման առումով՝ ի տարբերություն գործողություների առաջին ծրագրի:

Այսօր «Մեդիա կենտրոնում» տեղի ունեցած մամլո ասուլիսի ժամանակ ԲԿԳ աշխատանքներին և մոնիտորինգի արդյունքներին անդրադարձան Ինֆորմացիայի ազատության կենտրոնից Լիանա Դոյդոյանը և Ինֆորմացիայի ազատության կենտրոնի իրավաբան Գևորգ Հայրապետյանը:
ՀՀ-ն միացել է ԲԳԿ-ին 2011-ի սեպտեմբերին: Այս նախաձեռնության նպատակն է քաղաքացիական հասարակության ակտիվ ներգրավմամբ նպաստել կառավարման համակարգի բարելավմանը, խթանել վերջինիս արդյունավետությունը՝ բարձրացնելով պետություն-քաղաքացի հարաբերությունների թափանցիկության, վստահելիության և հաշվետվողականության մակարդակը:
Այսօր աշխարհում արդեն 65 երկիր անդամակցում է ԲԿԳ-ին:
«Հայաստանը այս առումով բավականին մեծ քայլեր է անում: Կառավարությունը երկամսյա ծրագրեր է մշակում: 2012-2014 թթ-ին մշակվեց և իրականացվեց առաջին ծրագիրը: Երկրորդ ծրագիրը պետք է իրականացվի 2014 -2016 թթ-ի համար և այս ընթացքում բավականին փորձ է կուտակել թե կառավարությունը, թե քաղհասարակությունը՝ ուսումնասիրելով մյուս երկրների հաջողված փորձը և ներկայացնելով բավականին դրական ծրագիր»,-ասաց Դոյդոյանը:
Նա ներկայացրեց ԲԿԳ-ի աշխատանքների վերաբերյալ իրենց անցկացրած մոնիտորինգի արդյունքները, որի շրջանակում ներկայացվեցին նաև առաջարկություններ՝ ուղղված կառավարությանն ու քաղհասարակությանը:
«Գործողությունների ծրագիրն ունի 11 պարտավորություն, որից 8-ը քաղհասարակության առաջարկներն էր, 3-ը՝ կառավարության: Հինգը իրականացված են համարվում, իսկ երեքը՝ լիարժեք իրականացված: Քաղհասարակությունը հավակնոտ առաջարկություններ էր անում, որոնք վերաբերում էին այս կամ այլ ոլորտներում թափանցիկ լինելու համար նոր օրենքներ ընդունելուն, սակայն կառավարությունը իրավացիորեն մերժեց նման առաջարկները՝ նշելով որ ինքը օրենսդիր մարմին չէ»,-ընդգծեց Դոյդոյանը:
Նրա խոսքով՝ առաջարկները քաղհասարակության կողմից վերաբերում էին հանքարդյունաբերության ոլորտում թափանցիկության ապահովմանը, բարձրաստիճան պաշտնատար անձնաց գույքի և եկամուտի հայտագրերի ոլորտի առավել ազատականացմանը, տեղեկատվության ազատությանը:
Դոյդոյանը ընդգծեց, որ 5-րդ պարտավորությունը, որը վերաբերում է պետական գնումների բողոքարկման նիստերի առցանց հեռարձակումներին, արդեն մի քանի ամիս է, ինչ իրականցվում է:
Գևորգ Հայրապետյանը ներկայացրեց մոնիտորինգի անցկացման մեթոդաբանությունը 2013-2014 և 2014- 2015 թթ-ի փուլերի համար:
«Օգտագործվել է 3 գործիք: Դրանցից մեկը հարցաշարերն են, թե ինչպես են գործողությունները իրականցվել: Եղել են նաև «այո» և «ոչ» հարցերի հնարավորություն, օրինակ՝ այսինչ գործողությունները կատարվե՞լ են, թե՞ ոչ, ժամանակի՞ն են կատարվել, թե՞ ոչ: Մյուսը վերլուծությունն է, այսնինք պարզ համեմատություն այն հավաքված տվյալների միջև, որոնք մենք ունեինք: Սա դասական մոնիտորինգի գործիքներից մեկն էր: Երրորդ գործիքը տեղեկատվություն ստանալու հարցումներն էին, որի հնարավորությունը ունենք օրենքով»,-հավելեց Հայրապետյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Իշխանությունների ունիվերսալ պատասխանը՝ ամեն ինչի համար մեղավոր են նախկինները
16.04.2021
20:06
Ապրիլի 16-ին, ժամը 11:00-ին, Մեդիա կենտրոնում տեղի ունեցավ առցանց քննարկում «Իշխանությունների ունիվերսալ պատասխանը՝ ամեն ինչի համար մեղավոր են նախկինները» թեմայով:
Իրավիճակի լուծման ի՞նչ տարբերակ է պատկերացնում ժողովուրդը. սոցիոլոգիական հարցում
16.04.2021
20:03
Ապրիլի 16-ին՝ ժամը 12:00-ին, Մեդիա կենտրոնում տեղի ունեցավ մամուլի ասուլիս «Իրավիճակի լուծման ի՞նչ տարբերակ է պատկերացնում ժողովուրդը. սոցիոլոգիական հարցում» թեմայով։
Հաշմանդամության կարգավիճակ. բժշկասոցիալական փորձաքննությունների ընթացքում ինչո՞ւ են խախտվում մարդու իրավունքները
14.04.2021
14:00
Ապրիլի 14-ին՝ ժամը 14:00-ին, Մեդիա կենտրոնը կազմակերպեց առցանց քննարկում «Հաշմանդամության կարգավիճակ. բժշկասոցիալական փորձաքննությունների ընթացքում ինչո՞ւ են խախտվում մարդու իրավունքները» թեմայով։
Կհաջողվի՞ նվազագույնի հասցնել դպրոցների ներգրավվածությունը ընտրական գործընթացներին
14.04.2021
12:00
ՀՀ-ում համապետական նշանակության ընտրություններին, ավանդաբար, տեղամասային ընտրական հանձնաժողովներում նախագահի պաշտոնը զբաղեցնում էին դպրոցների, մանկապարտեզների տնօրենները, որոնք հիմնականում առաջադրվում էին օրվա իշխանութունների կողմից:
Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը
13.04.2021
16:00
Ապրիլի 13-ին՝ ժամը 16:00-ին, Մեդիա կենտրոնը կազմակերպեց առցանց քննարկում «Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...