Զինակոչիկների իրավունքների խախտման դեպքերը հիմնականում կապված են բժշկական զննության հետ
17.09.2015
12:00
2014 ձմեռային և 2015 ամառային զորակոչերի ընթացքում զինակոչիկների իրավունքների խախտման դեպքերով Հելսինկյան Քաղաքացիական Ասամբլեայի Վանաձորի գրասենյակը ստացել է 45 դիմում, որը 2013-2014-ի համեմատ ավելի է գրեթե կեսով:

Այսօր «Մեդիա կենտրոնում» տեղի ունեցած մամլո ասուլիսին զինակոչիկների իրավունքների խախտումների վերաբերյալ իրենց զեկույցը ներկայացրին Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցը, Հելսինկյան Քաղաքացիական Ասամբլեայի Վանաձորի գրասենյակի խաղաղասիրական ծրագրերի համակարգող Արմինե Սադիկյանը և բժիշկ-փորձագետ Վարդան Համբարձումյանը:

Ասուլիսի մասնակիցները նշեցին, որ խախտումների մեծ մասը վերաբերում է բժշկական պատճաշ զննությանը:

«45 դիմումից 35-ը վերաբերում են առողջական հարցերին: Առողջական խնդիրները չեն լուծվում,  անձինք զորակոչվում են առողջական լուրջ խնդիրների առկայութամբ: Մենք բժշկական փաստաթղթերը ուսումնասիրում ենք, քննարկում ենք բժիշկ-փորձագետի հետ և հետո արդեն դիմում ՊՆ-ին: Բայց ՊՆ-ի պատասխաները բավականին նույնաբովանդակ են: Նրանք պատասխանները ներկայացնում են նույն նկարագրությամբ և միայն վերջում գրում են անձը պիտանի է, կամ ոչ պիտանի»,-ասում է Արմինե Սադիկյանը:

Նշենք, որ «Մեդիա կենտրոնը» ասուլիսին հրավիրել  էր ներկայացուցիչ նաև Պաշտպանության նախարարությունից, սակայն նրանք հրաժարվել էին մասնակցել:

«Մենք 20 գրություն ենք ուղարկել ՊՆ, որոնցից ժամանակին և ըստ էության պատասխանել են միայն  7-ին: Զինակոչիկներից շատերը պնդում են, որ նրանք ճանաչվել են սահմանափակումով ծառայությանը պիտանի, բայց շարունակում են մարտական հենակետեր գնալ, շարունակում են անել այն ամենը, ինչ անում են սովորական շարային ծառայության համար պիտանի անձիք»,-հավելում է Սադիկյանը:

Վարդան Համբարձումյանն ասում է, որ որպես կանոն, զինակոչիկի բուժզննումը անցնում է 3 օղակով. զինկոմիսարիատներին կից բժշկական հանձանժողովներում, հիվանդանոցներին կից բժշկական հանձնաժողովներում, այնուհետև վերջում՝ Կենտրոնական  բժշկական հանձնաժողովում:

«Զինկոմիսարիատներին կից բժշկական հանձնաժողովներում խախտումները այդքան էլ չեն լինում: Այդտեղից հիմնականում ուղեգրում են  հիվանդանոցներին կից գործող բժշկական հանձնաժողովներ և այդտեղ են հաճախ հանդիպող խախտումները լինում»,-նշում է Համբարձումյանը:

Ըստ նրա՝ առավել շատ հանդիպող խախտումներից է  փաստաթղթերի ձեռք բերման անհնարինությունը:

«Երբ զինակոչիկներին և նրա հարազատներին հրաժարվում են տրամադրել փաստաթղթերի պատճենը: Իրականում զինակոչիկն իրավունք ունի դրանք ունենալ: Դա ամրագրված է նաև «Բնակչությանը բժշկական օգնության և սպասարկման մասին» օրենքում: Շատ հաճախ է զինկոմիսարիատը ուղեգրում է հիվանդանոցին կից գործոց բժշկական հանձնաժողով, գրելով որ անձի մոտ գանգատ կա, սակայն հիվանդանցում գրում են, որ գանգատներ չունի, ինչն էլ հետագայում ազդում է  պիտանելիության վրա: Բացի այդ հանդիպում է անհամաձայնություն գանգատների և ախտորոշման միջև: Որպես կանոն ավելի թեթև հիվանդություն են ախտորում զինակոչիկի մոտ»,- ասում է Համբարձումյանը:

Նա ընդգծում է, որ ըստ ՊՆ նախարարի 410 հրամանի, զինակոչիկի մոտ որևէ  օրգանի Ֆունկցիայի խանգարման համար չկան սահմանված կրիտերիաներ:

«Այսինքն բժիշկը իր կարծիքով է որոշում զինակոչիկի մոտ ֆունկցիայի խանգարման աստիճանը: Իսկ ըստ 410 հրամանի,  եթե չկա ֆունկցիայի խանագարում, կա թեթև աստիճանի խանգարում, ապա ծառայության համար պիտանի են ճանաչվում: Միջին խանգարման դեպքում պիտանի են սահմանափակումով: Իսկ եթե խանգարումը արտահայտված է, ապա ենթադրելի է, որ զինակոչիկը պիտանի չէ»,-հավելում է Համբարձումյանը:

Արթուր Սաքունցն էլ արձանագրում է, որ ՊՆ-ն իրենց բարձրացրած հարցերի նկատմամբ ցուցաբերում է  խիստ ընտրողական մոտեցում:

«Մենք հստակ արձանագրում ենք, որ մի քանի հիվանդությունների համակցությամբ զինակոչիկի պիտանելիության հարցը հրամանով մնում է չլուծված: Սա իրավական կարգավորման հարց է: Անձը մոտ մի քանի հիվանդությունների պարագայում, երբ որ առանձին հիվանդություններով ենթադրենք ճանաչվում է սահմանափակումներով պիտանի,  դրա հիման վրա վերջնական որոշում է  կայացվում, որ անձը պիտանի է: Մենք սա համարում ենք անթույլատրելի և մարդու արժանապտվությունը նվաստացնող վերաբերմունք: Որովհետև տվյալ առողջականով  անձի՝ զինվորական ծառայության մեջ ներգրավվումը, հնարավորություն չի տալիս, որպեսզի նա իրականացնի պատճաշ զինվորական ծառայություն և  հետևաբար ինքը դառնում է խոցելի: Դա հանդիսանում է պատճառ նաև կանոնադրական հարաբերությունների խախտման և ցավոք սրտի նույնիսկ մահվան դեպքերի»,-նշում է Սաքունցը:

Նա հավելում է, որ անձի առողջական վիճակի մասին վերջնական եզրակացությունը նույնպես պետք է տրամադրվի անձին, ինչը ամրագրված չէ ենթաօրենսդրական ակտով:

«Մենք կարծում ենք, որ բժշկական ակտի բողոքարկան մեխանիզմը նույնպես պետք է ամրագրված լինի, որը չկա»,-հավելեց Սաքունցը:

 Լիլիթ Առաքելյան, «Մեդիա կենտրոն» ծրագրի համակարգող-խմբագիր

 Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Իշխանությունների ունիվերսալ պատասխանը՝ ամեն ինչի համար մեղավոր են նախկինները
16.04.2021
20:06
Ապրիլի 16-ին, ժամը 11:00-ին, Մեդիա կենտրոնում տեղի ունեցավ առցանց քննարկում «Իշխանությունների ունիվերսալ պատասխանը՝ ամեն ինչի համար մեղավոր են նախկինները» թեմայով:
Իրավիճակի լուծման ի՞նչ տարբերակ է պատկերացնում ժողովուրդը. սոցիոլոգիական հարցում
16.04.2021
20:03
Ապրիլի 16-ին՝ ժամը 12:00-ին, Մեդիա կենտրոնում տեղի ունեցավ մամուլի ասուլիս «Իրավիճակի լուծման ի՞նչ տարբերակ է պատկերացնում ժողովուրդը. սոցիոլոգիական հարցում» թեմայով։
Հաշմանդամության կարգավիճակ. բժշկասոցիալական փորձաքննությունների ընթացքում ինչո՞ւ են խախտվում մարդու իրավունքները
14.04.2021
14:00
Ապրիլի 14-ին՝ ժամը 14:00-ին, Մեդիա կենտրոնը կազմակերպեց առցանց քննարկում «Հաշմանդամության կարգավիճակ. բժշկասոցիալական փորձաքննությունների ընթացքում ինչո՞ւ են խախտվում մարդու իրավունքները» թեմայով։
Կհաջողվի՞ նվազագույնի հասցնել դպրոցների ներգրավվածությունը ընտրական գործընթացներին
14.04.2021
12:00
ՀՀ-ում համապետական նշանակության ընտրություններին, ավանդաբար, տեղամասային ընտրական հանձնաժողովներում նախագահի պաշտոնը զբաղեցնում էին դպրոցների, մանկապարտեզների տնօրենները, որոնք հիմնականում առաջադրվում էին օրվա իշխանութունների կողմից:
Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը
13.04.2021
16:00
Ապրիլի 13-ին՝ ժամը 16:00-ին, Մեդիա կենտրոնը կազմակերպեց առցանց քննարկում «Հրապարակային հայհոյանքի, անպարկեշտ վիրավորանքի համար կսահմանվի տուգանք. դատախազության նոր նախաձեռնությունը» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...