«Դիտորդների գնահատականը ՏԻՄ ընտրությունների վերաբերյալ»
15.09.2015
12:00
Հայաստանի 22 համայնքում սեպտեմբերի 13-ին կայացած ՏԻՄ ընտրություններին նշանակալի խախտումներ չեն արձանագրվել: Նկատվել են արդեն ավանդական դարձած թերացումներ՝ կուտակումներ ընտրատեղամասերում, ընտրատեղամասերից դուրս մարդկանց «ուղղորդողներ» ու ընտրատեղամասում նրանց գործը շարունակողներ: Այդ մասին հայտարարեցին ՏԻՄ ընտրություններին դիտորդական առաքելություն իրականացրած կազմակերպությունների ներկայացուցիչները:

Անցած կիրակի Հայաստանի 22 համայնքում տեղի ունեցան ՏԻՄ ընտրություններ: Դրանցից 14-ում տեղի են ունեցել  միայն համայնքի ղեկավարի ընտրություններ, 7 համայնքում անցկացվել են ավագանու ընտրություններ: Միայն մեկ համայնքում միաժամանակ տեղի են ունեցել համայնքի ղեկավարի և ավագանու անդամի ընտրություններ: Համայնքներից ամենախոշորները Մարալիկ և Իջևան քաղաքներն էին, որտեղ անցկացվեցին քաղաքապետի ընտրություններ: Հենց այդ պատճառով այս համայնքները գտնվում էին ԶԼՄ-ների, դիտորդների և քաղաքական դերակատարների ուշադրության կենտրոնում: 

Ըստ կենտրոնական ընտրական հանձնաժողովի նախնական տվյալների՝ Մարալիկում և Իջևանում հաղթել են գործող քաղաքապետերը: Շիրակի մարզի Մարալիկ քաղաքում ընտրություններում հաղթեց իշխող Հանրապետական կուսակցության ներկայացուցիչ Արտակ Գևորգյանը, ով ստացավ 1965 քվե: Նրա հիմնական մրցակից «Բարգավաճ Հայաստան» կուսակցության ներկայացուցիչ Արտակ Ավդալյանի օգտին քվեարկեց 1110 անձ: Իջևան քաղաքում 6240 քվեով հաղթանակ տարավ գործող քաղաքապետ Վարդան Ղալումյանը, ում սատարում էր Հանրապետական կուսակցությունը: Քաղաքապետի մյուս թեկնածուն, նախկին քաղաքապետ Վարուժան Ներսիսյանը ստացավ 2032 քվե:

«Անցած ՏԻՄ ընտրությունների մեծ խախտումներ չեն արձանագրվել: Մենք դիտորդական առաքելություն ենք իրականացրել Մարալիկում, որտեղ առավոտը նկատվեցին կուտակումներ ընտրատեղամասերում: Շատ էին նաև մարդիկ, որոնք ընտրատեղամասից դուրս ուղղորդում էին քաղաքացիներին, ասում՝ ում օգտին քվերակել և ուղարկում ներս: Այս մեխանիզմը Հայաստանում գնալով կատարելագործվում է», - հայտարարեց «Խորան Արդ» ինտելեկտուալ կենտրոնի գործադիր տնօրեն Արմեն Պետրոսյանը:

«Մեդիա կենտրոնում» սեպտեմբերի 15-ին Արմեն Պետրոսյանի և Վանաձորի Քաղաքացիական երիտասարդական կենտրոնի համակարգող Վարդուհի Անանյանի մասնակցությամբ տեղի ունեցավ քննարկում «Ինչպե՞ս են ընթացել ՏԻՄ ընտրությունները սեպտեմբերի 13-ին. դիտորդների գնահատականը» թեմայով:

Վարդուհի Անանյանի խոսքով, ով դիտորդական առաքելություն է իրականացրել Իջևան քաղաքում, քվեարկության օրը նկատվել են գրեթե նույն թերությունները: «Իջևանում ևս նկատվել են ընտրատեղամասերից դուրս մարդկանց ուղղորդողներ, որոնք հասցնում էին քաղաքացիներին ընտրատեղամաս, իսկ արդեն ներսում գործը շարունակում էին իրենց մարդիկ: Իջևանում մոտենում էին նաև մեզ և տվյալներ հավաքում նաև դիտորդների մասին», - նշեց Անանյանը՝ հավելելով, որ դիտորդներն արձանագրել են ուրիշի փոխարեն քվեարկելու մեկ դեպք:

«Հարսը քվեարկել էր կիսուրի փոխարեն: Մենք, ի տարբերություն հանձնաժողովի, դա արձանագրեցինք: Հանձնաժողովի նախագահն ամեն կերպ փորձեց շրջանցել այդ դեպքը: Մեր հարցերին թե, ինչու չեն արձանագրում այդ խախտումը, հանձնաժողովի նախագահը միայն ժպտում էր», - պատմեց բանախոսը:

Այս նագամ ՏԻՄ ընտրություններին դիտորդները արձանագրել են խնդիրներ նույնականացման քարտերով քվեարկել ցանկացող քաղաքացիների հետ կապված: «Նույնականացման քարտերով, որոնք, ըստ օրենքի հանդիսանում են անձը հաստատող փաստափուղթ, մի համայնքում մարդկանց թույլատրեցին քվեակել, իսկ մեկ այլ համայնքում՝ ոչ: Այստեղ պարզություն և հստակություն չկա: Ամեն ինչ տեղում էր որոշում: Օրինակ՝ Մարալիկում մինչև առավոտյան ժամը 10:00-ն թույլատրեցին քվեարկել նույնականացման քարտերով, հետո այն արգելվեց», - նշեց Արմեն Պետրոսյանը:

Դիտորդները ենթադրում են, որ նույնականացման քարտերի հետ կապված խնդիրն ի հայտ եկավ հավանաբար այն պատճառով, որ այնտեղ նշված չէ քաղաքացիների հասցեն: «Սակայն անհասկանալի է, թե ինչու մի համայնքում բնակիչներին թույլատրեցին քվեարկել այդ քարտերով, մեկ այլ համայնքում՝ ոչ», - եզրափակեց Պետրոսյանը:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...