Հայաստանի բնակչության թիվը կնվազի. ՄԱԿ-ի կանխատեսումները
28.08.2015
11:00
Ըստ ՄԱԿ-ի 2015թ-ի «Աշխարհի բնակչության հեռանկարները» զեկույցի՝ կանխատեսվում է, որ մինչև 2100 թվականը Հայաստանի բնակչությունը կնվազի մոտ կեսի չափով՝ ներկայիս 3 միլիոն բնակչությունից հասնելով մոտ 1,8 միլիոնի:

Այսօր «Մեդիա կենտրոնում» տեղի ունեցած ասուլիսին այս կանխատեսումների վերաբերյալ իրենց մեկնաբանությունները հնչեցրին ՄԱԿ-ի Բնակչության հիմնադրամի հայաստանյան գրասենյակի գործադիր ներկայացուցիչ Գարիկ Հայրապետյանը և ժողովրդագիր Ռուբեն Եգանյանը:

Գարիկ Հայրապետյանն ասում է, որ ժողովրդագրական տվյալների վերաբերյալ կանխատեսումներն արված են միջին կանխատեսման ուղղությամբ:

«Կանխատեսումներն արվում են լավատեսական, միջին և վատատեսական սցենարներով։ 2100 թվականին Հայաստանի բնակչության թիվը կկազմի 1,8 միլիոն և դա վատատեսական կանխատեսում է: Ամենացածր կանխատեսումը այն է, որ 1 միլիոնից պակաս բնակչություն ունենանք»,- ասաց  Գարիկ Հայրապետյանը:

Ըստ կանխատեսումների՝ աշխարհի բնակչության թիվը 2100 թվականին կհասնի 11.2 միլիարդի այսօրվա 7.3-ի միլիարդի փոխարեն: Ասիան կզիջի իր դիրքերը, Եվրոպայում նույնպես կգրանցվի բնակչության թվի նվազում՝ հասնելով 646 միլիոնի: Ամենամեծ աճը կապահովի Աֆրիկան 1 միլիարդից հասնելով 4.4 միլիարդի: Իսկ Թուրքիան և Իրանը կմնան մեծ երկրներ բնակչության տեսակետից, բայց այնտեղ էլ կարձանագրվեն բնակչության կորուստներ:

«Մի շատ կարևոր գործակցի մասին եմ ուզում նաև խոսել, որն իսկապես մտահոգիչ է: Դա աշխատող բնակչության հարաբերակցությունն է 60–ից ավելի բարձր տարիք ունեցող բնակչության նկատմամբ: Եթե այսօր՝ 2015 –ին ունենք մոտ 5,4 աշխատող, որոնք աջակցում են կենսաթոշակային տարիքի մեկ չաշխատողի, ապա 2100–ին բարձր կանխատեսումով կունենանք 2.4 աշխատող, որոնք կաջակցեն 1 կենսաթոշակառուի, իսկ վատատեսական սցենարով կլինի մեկը մեկին: Սա բերելու է մի մեծ սոցիալ-տնտեսական բեռ աշխատող բնակչության վրա և չի աշխատելու սերունդների համերաշխության սկզբունքը, որ այսօր գործում է Հայաստանում»,- նշեց Հայրապետյանը:

Նա ընդգծեց, որ այս կանխատեսումների և հաշվարկների վրա հիմնական ազդող գործոններն են եղել ծնելիությունը, մահացությունն ու միգրացիան:

Ըստ նրա՝ սեռերի հարաբերությունը Հայաստանում նույնպես ոչ մի լավ բան չի խոստանում:

«Այսօրվա պատկերն է՝ 86 տղամարդ 100 կնոջ հաշվարկով, սա ամբողջ բնակչության թվաքանակի մեջ է, բայց ոչ 0-19 տարեկանների մեջ: Իսկ 0-19 տարեկանների մեջ  տղաները 11,4-ով ավելի են, քան աղջիկները»,-հավելեց Հայրապետյանը:

Ասուլիսին մասնակից Ռուբեն Եգանյանն էլ ասաց, որ հիմնական գործոնը այս ցուցանիշների միգրացիան է:

«Այսօր Հայաստանից տարեկան 30 հազար մարդու արտահոսք է լինում»,-նշում է Եգանյանը:

Ըստ ՄԱԿ-ի կանխատեսումների՝ 2015-ից տարեկան 12 հազար մարդ կպակասի Հայաստանից:

Մեկնաբանելով, թե այս կանխատեսումները որքանով են իրատեսական, նա նշեց, որ ինչպես յուրաքանչյուր կանխատեսում, կարող են լինել իրական և ոչ իրական:

«Օրինակ 1980-ականների մի կանխատեսում արեցին, ըստ որի 2000 թվականին ՀՀ բնակչությունը լինելու էր 4 միլիոնից մի քիչ ավել, սակայն կյանքը ցույց տվեց, թե դրանից ինչ մնաց»,-նշում է Եգանյանը:

Մյուս կողմից ժողովրդագիրը ներկայացված ցուցանիշներում ոչ մի արտառոց բան չի տեսնում, և նշում է, որ պետք է քայլեր կատարել, մեխանիզմներ մշակել իրավիճակի վրա ազդելու համար, որպեսզի այդ կանխատեսումները չիրականան:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

Տեսանյութ
Print Friendly and PDF
Այլ մամլո հաղորդագրություններ
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ