«Տիգրան Հայրապետյանի դեմ հարուցված քրեական գործը ճնշում էր փաստաբանական համայնքի վրա». փաստաբաններ
25.08.2015
12:00
Փաստաբանների պալատի, իրավապաշտպանների և ՀԿ-ների արագ արձագանքի ու ճնշման շնորհիվ կարճվեց փաստաբան Տիգրան Հայրապետյանի դեմ հարուցված քրեական գործը:

Այսօր «Մեդիա կենտրոնում» տեղի ունեցած քննարկմանը այս թեմայի շուրջ իրենց տեսակետները հայտնեցին փաստաբան Տիգրան Հայրապետյանը,  Փաստաբանների պալատի խորհրդի անդամ, փաստաբանների իրավունքների պաշտպանության հանձնաժողովի համակարգող Կարեն Մեժլումյանը և «Ընդդեմ իրավական կամայականությունների» ՀԿ-ի գրասենյակի տնօրեն, փաստաբան Քրիստինա Գևորգյանը:

Իրավապաշտպաններն ու փաստաբանները Տիգրան Հայրապետյանի դեմ հարուցված քրեական գործը «վախի մթնոլորտ ստեղծելու և ակտիվ փաստաբանին լռեցնելու» փորձ են դիտարկում:

Մայիսի 27-ին փաստաբան Տիգրան Հայրապետյանի դեմ հարուցվել էր քրեական գործ, որի մասին հանրությունը տեղեկացավ ընդամենը 10 օր առաջ: Տիգրան Հայրապետյանը Ժուլետա Ամարիկյանի փաստաբանն է, Ամարիկյանին երկու տարի առաջ տեղափոխել են Ավանի հոգեբուժական կենտրոն հարազատների զանգով: Դատարանը վճիռ է կայացրել՝ նրա նկատմամբ հարկադիր բուժում նշանակելու:

Այժմ ընթանում է քրեական գործի նախաքննությունը, որի շրջանակում նորից նշանակվել է դատահոգեբուժական փորձաքննություն, որպեսզի պարզեն Ամարիկյանի բժշկական եզրակացությունը նախկինում եղել է հիմնավոր, թե՞ ոչ:

Փորձաքննության համար Հայրապետյանը միջնորդություն է ներկայացրել, որպեսզի փորձաքննությանը միջազգային փորձագետներ մասնակցեն, սակայն քննիչի կողմից մերժում է ստացել:

«Քրեական գործը հարուցելիս հետևյալ հիմնավորումներն էր, որ ես իմ միջնորդություններով խոչընդոտել եմ փորձաքննության կատարմանը և փորձաքննության ընթացքը ձգվել է, երկրորդ մեղադրանքը այն է, որ փորձաքննության ժամանակ իբր ես սադրիչ հարցեր եմ ուղղել փորձագետներին»,-ասաց Հայրապետյանը:

Նա հավելեց, որ այսօր անձամբ խոսել է քննիչի հետ, ով հաստատել է, որ քրեական գործը արդեն կարճվել է, և այդ մասին Քննչական կոմիտեն այսօր հանդես կգա պաշտոնական հայտարարությամբ:

Կարեն Մեժլումյանը նշում է, որ այստեղ միտում կար ճնշել ոչ միայն փաստաբան Տիգրան Հայրապետյանին, այլև ամբողջ փաստաբանական համայնքին:

«Դա տեսնում են նաև ՀԿ-ները, ովքեր համապատասխան հայտարարությամբ հանդես եկան: Փաստաբանը տուժողի շահերն է  ներկայացնում և այս ընթացքում միջնորդություններ է ներկայացրել և փորձաքննությանը իր հարցերն է առաջադրել փորձագետներին, որը հետագայում քննիչը որակել է որպես սադրիչ հարցեր: Փաստաբանների պալատի ղեկավար Արա Զոհրաբյանը լավ ասաց, որ փաստաբանները հենց սադրիչ հարցեր էլ պետք է տան, դա մեր գործն է: Եթե խնդիր ենք տեսնում փորձագետների նույն շահագրգռվածության բացակայության հետ կապված, ապա կարող ենք հարցեր տալ: Միանշանակ սա միտում էր ակտիվ փաստաբանին լռեցնելու, վախի մթնոլորտ ստեղծելու համար, որ եթե փաստաբանը ակտիվ լինի, միջնորդություններ ներկայացնի ու եթե դա քննիչի դուրը չգա, ապա քրեական գործ կարող են հարուցել ու հետապնդում իրականացնել»,-ասում է Մեժլումյանը:

Նա ընդգծում է, որ ողջ քաղաքացիական հասարակությունը այս ամենը դիտարկեց որպես քրեական հետապնդում:

Քրիստինա Գևորգյանն էլ ընգծում է, որ Տիգրան Հայրապետյանի նկատմամբ քննիչի կողմից եղել է հետապնդում, որպեսզի Ժուլետա Ամարիկյանի գործը կարճվի, կամ գործի ուղղությունը շեղվի:

«Մենք ի սկզբանե հետևել ենք Ժուլետա Ամարիկյանի գործին, քանի որ Տիգրան Հայրապետյանը մեզ դիմել էր անկախ փորձագետների տրամադրման խնդրանքով: Մենք դիմել էինք մեր Վրաստանի գործընկերներին, որպեսզի նրանք ներգրավվեին այդ գործում, սակայն  քննիչի կողմից մերժումներ կային միջազգային փորձագետների ներգրավվման համար, քանի որ ՀՀ դատավարության օրենսգրքում նախատեսված չէ, որպեսզի միջազգային փորձագետը լինի փորձագիտական հանձնաժողովի անդամ»,-նշում է Գևորգյանը:

Նա հավելում է, որ եթե չկան օրենքով նախատեսված արգելք,  ապա փաստաբանի միջնորդությամբ միջազգային փորձագետները կարող են ներգրավվել:

«Բայց միևնույն է, խոչընդոտ էր հանդիսանում: Մի քանի անգամ նույնիսկ մենք ենք խնդրել, որ փորձաքննությունը հետաձգվի, քանի որ մեր փորձագետներին անհրաժեշտ էին բոլոր էպիկրիզները, փաստաթղթերը, փորձաքննությունների եզրակացությունները, որպեսզի իրենք կարողանան պատշաճ ձևով փորձաքննությունը իրականացնել»,-հավելում է Գևորգյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Վեբինար «Ամեն ինչ լավ կլինի. մենք միասին ենք» - 2
22.10.2020
18:00
Հոկտեմբերի 22-ին, ժամը 18:00-ին, Մեդիա կենտրոնը անցկացրեց վեբինար՝ պատերազմի թողած հոգեբանական վերքերի, դրանք հաղթահարելու մասին։
Թուրքական ապրանքների ներկրման արգելք. այլընտրանքային ի՞նչ լուծումներ են առաջարկվում
21.10.2020
12:00
Հոկտեմբերի 21-ին՝ ժամը 12։00-ին, Մեդիա կենտրոնը կազմակերպեց առցանց քննարկում «Թուրքական ապրանքների ներկրման արգելք. այլընտրանքային ի՞նչ լուծումներ են առաջարկվում» թեմայով:
Երբ արևմտյան և եվրոպական նավերը հայկական լեռներ չեն բարձրանում. Հայկական Սփյուռքի ներուժը
17.10.2020
13:00
Հոկտեմբերի 17-ին, ժամը 13:00-ին, Մեդիա կենտրոնն անցկացրեց առցանց հարցազրույց Սփյուռքի գործերի գլխավոր հանձնակատարի գրասենյակի ծրագրերի իրականացման բաժնի պետ Հայկ Ենգիբարյանի հետ:

Թեման՝ «Երբ արևմտյան և եվրոպական նավերը հայկական լեռներ չեն բարձրանում. Հայկական Սփյուռքի ներուժը»:
«Ընտրովի՞ հումանիզմ, ակնկալիքները միջազգային կառույցներից»
17.10.2020
11:30
Հոկտեմբերի 17-ին Մեդիա կենտրոնն անցկացրեց առցանց քննարկում «Ընտրովի՞ հումանիզմ, ակնկալիքները միջազգային կառույցներից» թեմայով։
Ապատեղեկատվությունը, փաստերի ստուգումը և մեդիա արշավները հակամարտության ընթացքում
16.10.2020
14:00
Հոկտեմբերի 16-ին՝ ժամը 14:00-ին, Մեդիա կենտրոնը իրականացվեց առցանց վեբինար «Ապատեղեկատվությունը, փաստերի ստուգումը և մեդիա արշավները հակամարտության ընթացքում» թեմայով։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...