Էլ. էներգիայի սակագնի սուբսիդավորումից դուրս է մնացել ոչ միայն խոշոր բիզնեսը, այլև ՓՄՁ-ները
20.08.2015
12:00
Էլեկտրաէներգիայի սակագնի սուբսիդավորումը Կառավարության կողմից չի կարող երկարատև լինել, քանի որ ՀՀ բյուջեն մշտապես «ճեղքվածք» ունի և բավարար ֆինանսական միջոցներ չկան բոլոր շրջանակները սուբսիդավորելու համար:

Այսօր «Մեդիա կենտրոնում» տեղի ունեցած քննարկմանը այս թեմայի շուրջ իրենց մեկնաբանությունները հնչեցրին Գործատուների միության նախագահ Գագիկ Մակարյանը և«Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանը:

Ինչպես հայտնի է օգոստոսի 1-ից ուժի մեջ են մտել ՀԾԿՀ ս.թ. հունիսի 17-ի որոշմամբ սահմանված էլեկտրաէներգիայի նոր սակագները, որոնք մինչ այդ գործող սակագներից թանկ են շուրջ 7 դրամով:

Օգոստոսի 2-ին Գյումրիում վարչապետ Հովիկ Աբրահամյանը հայտարարել էր, որ էլեկտրաէներգիայի թանկացման սուբսիդավորումը իրականացվելու է Որոտանի հիդրոէլեկտրակայանների համալիրի 3 ՀԷԿ-երի վաճառքից ստացած հասույթից:

Իսկ օգոստոսի 13-ի կառավարության նիստին վարչապետը ասել էր, որ մինչ էլեկտրաէներգիայի սակագների վերաբերյալ խորհրդատվության ավարտը ՀՀ կառավարությունը սակագների տարբերության մասով կաջակցի միայն բնակչությանը, բայց ոչ խոշոր բիզնեսին:

Առաջիկայում կքննարկվի նաև ՓՄՁ-ներին աջակցելու հարցը, ովքեր ծախսում են միջին հաշվով ամսական 250 կվտ/ժամ էլեկտրաէներգիա:

«Պետությունը երբեք չէր կարողանա ավելի մեծ գումարներ իր վրա վերցնել, քանի որ առանց այդ էլ մենք մշտապես բյուջեում ունենք «ճեղքվածք» և բացի այդ կան բազմաթիվ սոցիալական խնդիրներ:  Հետևաբար այն թիվը, որ Կառավարությունը նախնական սահմանել է 250 կվտ/ժամ մեկ ամսվա կտրվածքով, դա ընդամենը մեկ միջին ընտանիքի էլեկտրաէներգիայի սպառման համարաժեք հզորություն է: Այսինքն ասել, որ միայն խոշորն է դուրս մնացել սուբսիդավորումից, ճիշտ չէ,  այստեղ դուրս են մնացել նաև փոքր և միջին ձեռնարկությունները, որովհետև 250 կվտ/ժամը ընդամենը ընտանքիներին և միկրոբիզնեսին կարող է բավարարել, որն ունի փոքր գրասենյակ կամ փոքրիկ առևտրային կրպակ»,-ասում է Մակարյանը:

Նա ներկայացնում է իր հաշվարկները, ըստ որի, 250 կվտ/ժամը ամսական սուբսիդավորելու համար Կառավարությունը ծախսելու է մոտ 24 մլն դոլար, ինչը ներառում է և ընտանքիներին և միկրոբիզնեսը:

«Այսինքն 2-3 ամսում ծախսելու է մոտ  50-70 մլն դոլար սուբսիդավորելու համար, իսկ այդ պրոցեսը երկար չի կարող շարունակվել: Իսկ եթե 2-3 ամսից տեխնիկական աուդիտը ավարտվի, և եթե հիմնավորվի, որ տեղին է թանկացումը, ապա պետությունը չի կարող ամբողջ հասարակությանը և միկրոբիզնեսին սուբսիդավորել, նա կգնա անապահով ընտանքիքների սուբսիդավորման ճանապարհով,  որը կազմում է մի 50-60 հազար ընտանիք: Դրանով հարցը կփակի»,-ընդգծում է Մակարյանը:

Անդրադառնալով խոշոր բիզնեսին՝ Մակարյանը նկատեց, որ այն գտնվում է 3 ոլորտում՝ ալկոհոլային խմիչքներ, հեռահաղորդակցման համակարգեր և հանքարդյունաբերություն:

«Խմիչքների ոլորտում պետք է փորձեն իրենց ծախսերը շահույթի հաշվին անել կամ մի փոքր վերանայել, որովհետև ալկոհոլային խմիչքները արտահանվում են հիմնականում այլ երկրներ: Հանքարդյունաբերությունը չի կարող գները փոխել, որովհետև այնտեղ ապրանքի գները ֆիքսված են բորսաներով և իրենք պետք է իրենց եկամուտների հաշվին անեն, իսկ հեռահաղորդակցության ոլորտը պետք է փորձի ճկուն ծառայություններ ներկայացնել կամ էլի իր շահույթի հաշվին առաջ գնա, կամ չնչին ծառայություններ ավելացնի: Այն խոշոր բիզնեսները, որոնք հարակից ոլորտներում կան և նաև օլիգարխիկ բնույթ ունեն, այդ խնդիրը կկարգավորեն «ստվերի» հաշվին: Քիչ կլինեն օլիգարխներ, բիզնեսմեններ, որոնք կհամաձայնվեն հոսանքի թանկացման պատճառով իրենց եկամուտները նվազեցնել, իրենք կփորձեն նույն մակարդակի  վրա պահել` օգտագործելով իրենց լծակները Ազգային Ժողովում, այլ կապերն ու հնարավորությունները»,-հավելեց Մակարյանը:

Դանիել Իոաննիսյանն էլ ներկայացրեց իր կատարած հաշվարկները և նշեց, որ էլեկտրաէներգիայի 7 դրամ թանկացումը եթե բազմապատկենք ՀՀ-ում տարեկան սպառվող Էլեկտրաէներգիայի քանակին, ապա կստացվի տարեկան  36 մլրդ դրամ:

«Այսինքն 7 դրամ թանկացման հետևանքով 36 մլրդ դրամ ավել պետք է տարեկան վճարվի ՀԷՑ-ին բոլորիցս,  ընդ որում այդ 36 մլրդ-ի 12 մլրդ-ը ընկնում է բնակիչ- բաժանորդներին և շուրջ 23- 24 մլրդ դրամն է ընկնում տարբեր իրավաբանական անձանց վրա: Եթե կառավարությունը սուբսիդավորում է միայն բնակիչ- բաժանորդներին ապա բյուջեի վրա ամսական նստում է 1 մլրդ դրամ, եթե գործադիրը գնում է իր խոստացած սուբսիդիային, ընդգրկելով բոլոր խավերին, ապա դա ամսական կազմում է 3 միլիարդ»,-նշում է Իոաննիսյանը:

Ըստ նրա ներկայացրած հաշվարկների՝ տարեկան մեկ ընտանիքի բյուջեի վրա էլեկտրաէներգիայի թանկացումը, եթե այն չսուբսիդավորվի և արտահայտվի գնաճով կամ հոսանքի թանկացմամբ, կկազմի 100 հազար դրամ:

«Այսինքն 100 հազար դրամ ավել ծախս է կատարվելու, որը լինելու է այդ մեկ ընտանիքի «փայաբաժինը» էլեկտրաէներգայի թանկացման հարցում: Իսկ ինչ վերաբերում է Որոտանի հիոդրոկասկադի 3 ՀԷԿ-երի վաճառքին, ապա առ այսօր հստակ հայտնի չէ, թե ինչ գնով է այն վաճառվել: Խոսվում է 180 մլն դոլարի մասին, բայց այնուամենայնիվ այդ գումարի մի մասն է, որ փոխանցվել է Որոտան հիդրոկասկադին, իսկ գումարի մի մասը հավանաբար կփոխանցվի հաջորդ տարի: Եվ այդ գումարը դեռ պետք է հասնի Հայաստանի պետական բյուջե»,-նշեց Իոաննիսյանը:

Մակարյանն էլ ընդգծեց, որ թանկացումները բիզնեսի և արտահանողների շրջանում նվազեցնելու է նրանց եկամտաբերությունը հասարակության առանց այդ էլ ցածր վճարունակության պայմաններում:

«Շատերը չեն կարող գները բարձրացնել, քանի որ շուկայից դուրս կմղվեն և փոքր բիզնեսի համար փակվելու նախադրյալներ կստեղծվեն: Իսկ երկրորդ խնդիրն այն է, որ 100 հազար դրամը կպակասեցնի քաղաքացու մասնակցությունը տնտեսության մեջ գնողունակության պահպանման տեսանկյունից»,-ասաց Մակարյանը:

Լիլիթ Առաքելյան, «Մեդիակենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ