Համալիրի ներդրումային ծրագիրը խոսում է «անարդյունավետ սեփականատիրոջ մասին». մասնագետներ
19.08.2015
12:00
Կ. Դեմիրճյանի անվան մարզահամերգային համալիրը գնող ընկերությունը ներկայացրել է «փնթի, անտրամաբանական ձևակերպումներով» մի ներդրումային ծրագիր, որը ցույց է տալիս այդ ընկերության անարդյունավետ սեփականատեր լինելը:

Այս գնահատականներն այսօր հնչեցրին «Մեդիա կենտրոնի» քննարկմանը փաստաբան Նիկոլայ Բաղդասարյանն ու Թրանսփարենսի ինթերնեշնլ հակակոռուպցիոն կենտրոնի գնումների քաղաքականության փորձագետ, տնտեսագետ Արտակ Մանուկյանը:

Նշենք, որ  oգոստոսի 13-ին Կառավարությունը հավանության արժանացրեց մարզահամերգային համալիրը 30 միլիոն ԱՄՆ դոլարով «ՆՏԱԱ ԻՆՎԵՍՏՄԵՆՏ ԳՐՈՒՊ» ՍՊԸ-ին վաճառելու նախագիծը: Նախագծով առաջարկվում է նաև հավանություն տալ ներդրումային ծրագրին, որի ընդհանուր արժեքը գերազանցում է 100 միլիոն ԱՄՆ դոլարը:

Ներդրումային ծրագիրը նախատեսվում է իրականացնել 4 տարվա ընթացքում և համալիրում ու նրա շրջակա տարածքում ստեղծել հյուրանոց, զվարճանքի կենտրոններ, համերգային դահլիճներ, ռեստորաններ, խանութներ, ինչպես նաև խաղատուն:

Նիկոլայ Բաղդասարյանն ասում է, որ ներդրումային ծրագրի փաստաթղթում ոչ մի հստակություն չկա և այն իրավական տեսանկյունից բավականին զարմանալի է:

«Հստակություն չկա, թե ինչպես է այդ գործարքը տեղի ունենալու, թե այդ 100 մլն դոլարի ներդրումը որտեղ է լինելու: Գործարքը մեկ ամսվա մեջ պետք է կատարվի, առքուվաճառքի պայմանագիր պետք է կքնվի և տնտեսվարող սուբյեկտը պետք է  30 մլն դոլար վճարի պետությանը, բայց փոխարենը կարող է այդ տարածքը դնել բանկում գրավ ու վերցնել մոտավորապես նույն չափ գումար ու այդ գումարով վճարել պետությանը: Ինչ վերաբերում է 100 միլիոն դոլար ներդրումներին, այնտեղ չի էլ երևում նյութական, թե՞ ոչ նյութական արժեքներ են»,-ասում է Բաղդասարյանը:

Նա հավելում է, որ հասկանալի չէ, թե ի՞նչ վերանորորոգում պետք է կատարվի համալիրում և որտե՞ղ, ո՞ր մասում պետք է կառուցվեն հյուրանոցները, խանութներն ու մյուս զվարճանքի կենտրոնները:

«Այսինքն որոշումը, որպես իրավական փաստաթուղթ, անորոշությամբ է կազմվել: Որովհետև եթե գործարքը իրականում շահավետ լիներ, ապա բավականին մանրամասն  գրված կլիներ, թե գործարքի բուն առարկան ո՞րն է, թե գործարքի արդյունքում պետությունը ի՞նչ է  ունենում, որտե՞ղ են լինելու ներդրումները և ավարտական տեսքից հետո հասարակությունը ի՞նչ է ստանալու»,-ընդգծում է Բաղդասարյանը:

Արտակ Մանուկյանն էլ ասում է, որ ինքը դեմ չէ համալիրի մասնավորեցմանը, բայց հարց է, թե որքանով կունենանք արդյունավետ սեփականատեր:

«Մասնավորեցման հիմնական նպատակը ոչ թե բյուջե փող լցնելն է, այլ արդյունավետ սեփականատերերի ինստիտուտի զարգացումը: Այս կոնցեպացիայով միանգամից մի քանի հարց է առաջ գալիս, արդյո՞ք այդ ընկերությունը արդյունավետ սեփականատեր է: Դրա համար ինքը պետք է ունենա փորձառություն և վստահություն, բայց  երբ որ փաստաթղթերը ուսումնասիրում ենք, որևէ  նշույլ չկա այդ վստահության: Խիստ կասկածելի է, որ  այդ ֆիրման առանց փորձառության միանգամից եկավ այդ խաղադաշտ»,-ասում է Մանուկյանը

Նշենք, որ ըստ մամուլի հրապարակումների, «ՆՏԱԱ ԻՆՎԵՍՏՄԵՆՏ ԳՐՈՒՊ» ՍՊԸ-ն, որպես ընկերություն, գրանցվել է ընդամենը մեկ ամիս առաջ:

Մանուկյանը հավելում է, որ նման կարգի նախագծեր ներկայացնելիս, պետք է հասկանալի լինի 100 մլն դոլարի ներդրումների գրաֆիկն ու ուղղությունը:

«Լրջագույն խնդիրներ կան թափանցիկության հետ կապված: Նման նախագծերը պետք է անցնեն հանրային քննարկումների փուլ: Ներդրումային ծրագրում չկա մի նախադասություն, որը քննադատելի չլինի: Օրինակ՝ գրված է  6 ամիս ժամանակով պետք է նավազագույնը 55 հազար դրամ աշխատավարձով 99 աշխատող պահվի, բայց իմ համար տարակուսելի է: Մենք ունենք «Նվազագույն աշխատավարձի մասին» օրենք, որտեղ նվազագույն աշխատավարձը սահմանված է 55 հազար դրամը:  Աշխատավարձի չափը իմաստ կունենար գրել, եթե այդ նվազագույն աշխատավարձի սահմանաչափերից ավելի մեծ աշխատավարձի մասին խոսեինք: Այս ընկերությունը արդյունավետ սեփականատիրոջ գաղափարից շատ հեռու է,  որովհետև շատ փնթի է ամեն ինչը գրված»,-նշում է Մանուկյանը:

Նա ընդգծում է, որ նախագիծը բարի մղումների և  տարբեր տեղերից կտրված «copy-paste»-ի մի ամբողջ բազմություն է, որը տրամաբանական ոչ մի կապ չունի:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Արցախում բազմակարծությունը հաղթեց. ընտրությունները միանշանա՜կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ