ՍԴ որոշումը կուտակային կենսաթոշակների վերաբերյալ չի բավարարել «ԴԵՄ ԵՄ»-ի և պատգամավորների պահանջը
16.07.2015
13:00
Հուլիսի 7-ին ՍԴ-ի կայացրած որոշումը «Կուտակային կենսաթոշակների մասին» օրենքի վերաբերյալ չի բավարարել ԱԺ 33 պատգամավորների և «ԴԵՄ ԵՄ» շարժման անդամների պահանջներն ու ակնկալիքները:

Այսօր «Մեդիա կենտրոնում» տեղի ունեցած քննարկմանը մասնակցում էին ԱԺ ՀՅԴ խմբակցության պատգամավոր Արծվիկ Մինասյանը, «Իրավունքի գերակայություն» ՀԿ-ի անդամ, իրավապաշտպան Արտակ Զեյնալյանը, «Սախարովի անվան մարդու իրավունքների պաշտպանության հայկական կենտրոն» ՀԿ-ի իրավաբան Մերի Խաչատրյանը, «ԴԵՄ ԵՄ» քաղաքացիական նախաձեռնության անդամներ Մանե Թանդիլյան ու Դավիթ Խաժակյանը:

«Սահմանադրական դատարանի որոշումն ինձ չի բավարարել, այն հիասթափեցնող էր: Անկախ նրանից՝ որտեղ կլինեմ,  հետևողական եմ լինելու, որ այս համակարգը վերացվի»,-ասաց Արծվիկ Մինասյանը:

Հիշեցնենք, որ 2015-ի հուլիսի 7-ին ՍԴ-ն հրապարակեց «Կուտակային կենսաթոշակների մասին» օրենքի և հարակից օրենքների վերաբերյալ ԱԺ 33 պատգամավորների դիմումի հիման վրա կայացրած որոշումը: 

Մերի Խաչատրյանը ասում է, որ ՍԴ-ն օրենքի առանցքային հարցերին չի անդրադարձել:

«Oրենքն ընդունվել է ԱԺ արտահերթ նստաշրջանով, սակայն առանց որևէ հանրային քննարկման: ՍԴ-ն իր որոշման մեջ հայտարարել է, որ այն չի դիտարկում որպես սահմանադրաիրավական հարց: Այնինչ ՍԴ-ն ինքը օրենսդրական դաշտը կարգավորող մարմիններից մեկն է, իսկ ԱԺ կանոնակարգ-օրենքի համաձայն՝ ԱԺ նախագահին տրված է իրավունք խորհրարանական լսումներ անցկացնելու: ՍԴ-ի կողմից կարևոր դիտարկում պետք է լիներ, որ հանրային հնչեղությունից ելնելով քննարկումներ անցկացվեին»,-նշեց Խաչատրյանը:

Դավիթ Խաժակյանը ասաց, որ ՍԴ-ի այս որոշումը վտանգավոր նախադեպ կարող է ձևավորել ԱԺ-ի կողմից, և ցանկացած իրավական ակտ կարող է օրենք դառնալ առանց հանրային քննարկումների:

 «Թեպետ ՍԴ որոշման մեջ ասվում է, որ հանձնաժողովներում քննարկելը չի վերաբերում արտահերթ նստաշրջանին, բայց Սահմանադրության համապատասխան հոդվածը ամրագրում է, որ ԱԺ մշտական հանձնաժողովները ստեղծվում են օրենքներն ԱԺ-ում քննարկելու համար, այսինքն չի կարող որևէ բացառություն լինել»,-նշեց Խաժակյանը:

Մանե Թանդիլյանն էլ ընդգծեց, որ սա նահանջ էր նախորդ որոշումից և իրենք շարունակելու են իրենց պայքարը անգամ միջազգային ատյաններում:

«Պատրաստվում ենք դիմել Մարդու իրավունքների եվրոպական դատարան այս օրենքը վիճարկելու»,-ասաց Թանդիլյանը:

Քննարկման մասնակից Արտակ Զեյնալյանն ասաց, որ ՍԴ-ի իրավական դիրքորոշումները կոնֆլիկտ են առաջացնում իրավունքի հիմնարար սկզբունքների հետ:

«ՍԴ որոշումը համոզիչ չէ: Այն, որ երաշխիքներ նախատեսված չեն գումարների վերադարձնելու հետ կապված, սա խոսում է այն մասին, որ ամբողջ օրենքն անիմաստ է, սա ճանաչվել է Սահմանադրությանը հակասող ու անվավեր, հետևաբար ողջ համակարգը անտեղի է: Սրանով ասվում է, որ մարդիկ իմացեք, երաշխիքներ չկան, թե գումարները ձեզ վերադարձվելու են»,-ասաց Զեյնալյանը:

Խաչատրյանն էլ հավելեց, որ կուտակային կենսաթոշակային համակարգը պետք է տարածվի մասնավոր հատվածի վրա 2017 թվականի հուլիսի 1-ից:

«Գործադիրն այն ճանապարհով գնաց, որ այն մեծամասնությունը, որը «ԴԵՄ ԵՄ»-ում էր, մեծամասամբ մասնավոր սեկտորի աշխատակիցներ էին, և այդ զանգվածն է, որ «լռեցվեց», բայց չի բացառվում, որ 2017-ի նախաշեմին ավելի կատարելագործված պայքարի այդ համակարգի դեմ, և չի բացառվում, որ մինչ 2017-ը կարող են շատ փոփոխություններ լինեն: Հնարավոր է Կառավարությունը հետ գնա այս ծրագրից՝ տեսնելով, որ չի կարողանում նույնիսկ պետբյուջեից գումար հատկացնել 5%-ները փոխանցելու համար»,-նշեց Խաչատրյանը:

Քննարկման վերջում Արծվիկ Մինասյանը նշեց, որ թեև ՍԴ որոշումը հիասթափեցնող էր, պայքարը շարունակվելու է:

«ՍԴ-ն վերջը չէ, այլ ճանապարհներ էլ կան»,-հավելեց Մինասյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ