Երևանում բացվեց Էստոնական ժամանակակից գրաֆիկան ներկայացնող «Գոյության զարմանքը» ցուցահանդեսը
26.06.2015
15:00
Հունիսի 26-ին Երևանի Նկարիչների միությունում բացվեց «Գոյության զարմանքը» խորագիրը կրող էստոնական ժամանակակից գեղարվեստական տպագրության լայնածավալ ցուցահանդեսը, որտեղ ներկայացված էին 34 արվեստագետի 125 աշխատանք:

Ցուցահանդեսի բացումից առաջ տեղի ունեցավ «Մեդիա կենտրոնի» և «Մշակույթների երկխոսություն» հիմնադրամի համատեղ կազմակերպած մամլո ասուլիսը, որին մասնակցում էին «Մշակույթների երկխոսություն» հիմնադրամի նախագահ Սոնա Հարությունյանը, Էստոնիայի դեսպան Պրիիտ Տուրկը, Էստոնիայի Գրաֆիկների ասոցիացիայի նախագահ Ինգա Հեամեգին, Էստոնացի արվեստագետ Տարրվի Լաամանն և Էստոնիայի Ազգային գրադարանի ցուցահանդեսային բաժնի վարիչ Ավե Թյոլփթը:

Ցուցահանդեսը բաց կլինի գրեթե մեկ ամիս, մինչև հուլիսի 20-ը բոլոր քաղաքացիների և արվեստասերների համար:

«Այս համագործակցությունը սկսվել է դեռևս 2013-ին,  երբ մեր հիմնադրամը Տալլին գործուղեց 4 հայ նկարիչների, որոնք այնտեղ էին ճանաչողական այցով: 2014-ին եղավ հաջորդ այցը, երբ 3 հայ նկարիչ`Տիգրան Սահակյանը, Արման Վահանյանը և Տիգրան Կիրակոսյանը,  մեկնեցին Տալլին և երկու ամիս շարունակ աշխատեցին Տալլինի Գեղարվեստական տպագրության արվեստանոցում: Այդ աշխատանքի շնորհիվ 2014-ին էստոնիայի ազգային գրադարանում բացվեց նաև հայ նկարիչների լայնածավալ ցուցահանդեսը, որտեղ ներկայացվեց ավելի քան 30 աշխատանք»,-ասաց Սոնա Հարությունյանը:

Ի պատասխան այդ համագործակցության՝ այս անգամ Հայաստանում հյուրընկալվել են էստոնացի նկարիչները, որոնց աշխատանքերը ներկայացված են Երևանի Նկարիչների միության սրահում:

Ասուլիսին ներկա գտնվող Էստոնիայի դեսպան Պրիիտ Տուրկը  նույնպես հանդես եկավ ողջույնի խոսքով և նշեց, որ Էստոնիայի գրաֆիկ նկարիչները ոչ բոլոր երկրների հետ են համագործակցում, և սա իրենց համար մեծ պատիվ  է գտնվել Երևանում ու զարգացնել Հայաստանի և Էստոնիայի միջև մշակութային հարաբերությունները:

«Եվ հայերը, և էստոնացիները շատ ջերմ ժողովուրդներ են և ունեն շատ լավ հարաբերություններ միմյանց հետ: Բայց աշխարհագրական հեռավորությունը հաշվի առնելով, դժվար է ունենալ մարդկանց, ինչպես նաև նկարիչների միջև կապեր, որպեսզի մշտապես այցելեն միմյանց: Ուստի այս ցուցահանդեսը չափազանց կարևոր և արժեքավոր է մեզ համար»,-ասաց դեսպանը:

Նա շնորհակալություն հայտնեց և էստոնական, և հայկական կողմին, որոնք կարողացել են ստեղծել այս համագործացությունը, որն ունի մի քանի տարվա պատմություն, բայց արդեն շատ մեծ դեր է խաղում հայ-էստոնական հարաբերություններում:

«Դեսպանության կողմից նշեմ, որ հուսով ենք՝ սա վերջին համագործակցությունը չի լինի էստոնիայի և Հայաստանի միջև մշակութային ոլորտում և հաջորդ անգամ մենք հայերին կհանդիպենք արդնե Տալլինում»,-հավելեց դեսպանը:

Թե ինչու էր ցուցահանդեսը կրում «Գոյության զարմանքը» խորագիրը, այս առումով մեկնաբանեց մամլո ասուլիսի մասնակից, Էստոնիայի Գրաֆիկների ասոցիացիայի նախագահ Ինգա Հեամեգին:

«Դա էստոնացի արվեստի քննադատ Վապպու Թհուրլովի գաղափարն էր, ում հետ մենք երկար տարիներ համագործակցում ենք: Ես խնդրեցի, որպեսզի նա գեղեցիկ գաղափար մտածի մեր ցուցահանդեսի համար, և նա առաջարկեց այսպիսի մի գաղափար, որ երբ նկարիչը արթնանում է առավոտյան, այդ առավոտը նրա համար մի ամբողջ նոր աշխարհ է: Կարծես թե երեկը չի եղել նրա համար և նա հնարավորություն ունի զարմանալու այդ նոր օրվա համար: Եվ այդ գաղափարը, որ նկարիչը կարող է զարմանալ ամեն մի նոր օր, նրա մոտ ստեղծում են այն մտքերն ու գաղափարները, որոնք վերածվում են ստեղծագործությունների: Իսկ գրաֆիկայում ստեղծագործական աշխատանքը կոմպլեքսային է»,-ասաց Հեամեգին:

Ըստ էստոնացի արվեստագետ Տարրվի Լաամաննի՝ ժամանակակից գրաֆիկական արվեստը այն է, երբ վերցնում ենք հինը և այն նորացնում:

«Հայաստանում իմ վարպետության դասի ընթացքում ես ներկայացնելու եմ փայտի կտրվածքով արված ստեղծագործություններ: Պետք չէ վախենալ փայտի կտրվածք ասածից, որովհետև այն շատ հեշտ է և նույնիսկ Ճապոնիայում մանկապարտեզի երեխաներն են դրանով զբաղվում: Բայց Էստոնիայում շատ քչերն են զբաղվում ժամանակակից գեղարվեստական տպագրությամբ, քանի որ բոլորը մտածում են, որ դա դժվար աշխատանք է և բարդ արվեստ: Իրականում այն շատ հեշտ է, բայց հակառակը մտածելու հետևանքով, էստոնիայում բոլորը նախընտրում են զբաղվել համակարգչային գրաֆիկայով՝  ի տարբերություն ավանդական գրաֆիկայի»,-նշեց Լաամանն:

Ցուցահանդեսին նկարիչների աշխատանքներից բացի ներկայացված էին գրքեր, որոնք նկարազարդված էին էստոնական ժամանակակից գեղարվեստական տպագրության ոճով:

Էստոնիայի Ազգային գրադարանի ցուցահանդեսային բաժնի վարիչ Ավե Թյոլփթը ասաց, որ ցուցահանդեսի այցելուները կարող են տեսնել 25 լավագույն գրաֆիկական դիզայնով գրքեր և 5 լավագույն մանկական գրաֆիկական դիզայնով գիրք:

«Նման մրցույթ ամեն տարի անցկացվում է էստոնիայում և այս տարի այստեղ ցուցադրության են ներկայացված այն գրքերը, որոնք հաղթել են անցած տարվա մրցույթում»,-եզրափակեց Թյոլփթը:

Լիլիթ Առաքելյան «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ