Սյունիքի մարզը կողմ է համայնքների խոշորացմանը, բայց տեսնում է նաև ռիսկեր
15.05.2015
12:30
Սյունիքի մարզում կողմ են ՀՀ կառավարության համայնքների խոշորացման ծրագրին: Խոշորացման ծրագրում ընդգրկված համայնքապետերի մեծ մասը կարծում է, որ գործընթացի արդյունքում համայնքները կուժեղանան, իսկ տարիներով կուտակված ենթակառուցվածքային խնդիրները կլուծվեն:

Անհանգստությունները վերաբերում են համայնքնենրի առջև ծառացած սոցիալ-տնտեսական խնդիրների լուծման առաջնահերթությունների սահմանմանը՝ կենտրոնացված, բյուջետային բաշխումների եղանակով:

Հայաստանի՝ Սյունիքի, Տավուշի ու Լոռու մարզերի 22 համայնքներում մայիսի 17-ին կանցկացվի հանրաքվե, որի միջոցով բնակիչները պետք է հայտնեն իրենց տեսակետը. համաձայն են արդյոք, որպեսզի հարակից մի քանի համայնքները միավորվելով, դառնան մեկ համայնք, թե՝ ոչ:

Հանրաքվեից առաջ՝ մայիսի 15-ին, «Մեդիա կենտրոնը» Գորիսի մամուլի ակումբի հետ համատեղ Սյունիքի Շինուհայր համայնքում Սյունիքի մարզպետարանի, կառավարության ներկայացուցիչների, համայնքապետերի ու ՀԿ-ների մասնակցությամբ անցկացրեց մարզային քննարկում «Համայնքների խոշորացման գործընթացը. սպասվող հանրաքվե» թեմայով:

Քննարկման ժամանակ ՀՀ տարածքային կառավարման և արտակարգ իրավիճակների նախարարության աշխատակազմի տեղական ինքնակառավարման վարչության պետ Աշոտ Գիլոյանը նշեց, որ համայնքների խոշորացում չի նշանակում վերաբնակեցում: Հայաստանում ընթացող համայնքների խոշորացման գործընթացը, հավելեց նա, վերաբերում է միայն տեղական մարմինների կառավարման ձևի փոփոխությանը և ֆինանսական ռեսուրսների կենտրոնացմանը: Տեղի է ունենալու համայանքապետարանների խոշորացում:

«Գործընթացի արդյունքնում մենք ունենալու ենք մեկ համայնքապետ, ավագանի և մեկ բյուջե: Բոլոր համայքներում լինելու են գյուղապետեր, որոնք ներկայացնելու են կենտրոնը և նշանակվելու են կենտրոնից: Գործող համայնքներում՝ գյուղերում, պահպանվելու են բոլոր ծառայությունները: Նվազագույն ծառայությունները, որ հիմա մատուցվում են բնակիչներին, շարունակելու են տրամադրվել: Որևէ բացասական ազդեցություն բնակիչը չի զգալու: Նույնիսկ ծառայություններն ավելանալու են: Տեղադրվելու են տերմինալներ, որոնց միջոցով բնակչությանը տրամադրվելու են ծառայություններ», - մանրամասնեց նա:

Խոշորացման գործընթացը կառավարման արդյունավետության և ֆինանսական ռեսուրսների ռացիոնալ ծախսման տեսանկյունից դրական է գնահատում նաև Սյունիքի մարզպետարանը: Սյունիքի մարզպետարանի ՏԻՄ և տարածքային գործադիր մարմինների վարչության պետ Սեյրան Ավետիսյանի խոսքով համայնքների խոշարացումը կարևոր է:

«Տնտեսական և կառվարաման արդյունավետության տեսանկյունից, մարզետարանը անմիջապես առնչվում է ՏԻՄ գործությունեությանը: Այժմ այն միջոցները, որ համայանքները ստանում են չի բավարարում խնդիրների լուծման համար: Մենք ունենք փոքր համայնքներ, որոնք իրենց լիազորության շրջանակներում չեն կարողանում լուծել առկա խնդիրները»,-նշեց նա:

Ավետիսյանը համոզված է, որ խոշարացման գործընթացից հետո համայնքային կենտրոնացված բյուջեի պարագայում, կառավարության աջակցության և դրամաշնորհային ռեսուրսների ներգրավվման միջոցով հնարավոր կլինի լուծել համայնքների ենթակառուցվածքային խնդիրները:

«Խոշորացումը կարևոր է նաև կադրային քաղաքականության տեսնակյունից, քանի որ այժմ փոքր համայնքներում կա կադրերի պակաս: Մեկ միասնական կառավարման ապարատ ստեղծելով՝ կադրային քաղաքականությունը կդառնա ավելի արդյունավետ», - պարզաբանեց Ավետիսյանը:

Միևնույն ժամանակ մարզպետարանի և նախարարաության ներկայացուցիչները տեղեկացրին, որ խոշորացվող համայնքներում իրականացվել է կարիքների գնահատում և կարևոր խնդրիների արձանագրում, որոնք պետք է լուծվեն Եվրամիության կողմից տրամադրված դրամաշնորհի միջոցով: Խոշորացվող «համայնքների փնջի» խնդիրների լուծման համար տրամադրվելու է 3 մլն եվրո, հավելեց Ավետիսյանը:

Քննարկմանը ներկա Սյունիքի խոշորացման գործընթացում ընդգրկված համայնքների ղեկավարները ողջունեցին այս ծրագիրը՝ միևնույն ժամանակ խոսելով հնարավոր ռիսկերի մասին:

Շինուհայր համայնքի ղեկավար Սմբատ Երեմյանն ասում է, որ համայնքների միավորումը ենթադրում է կառավարման համակարգի միավորում, այլ ոչ թե գյուղերի:

«Տեղական ինքնակառավարումը մեկ միասնական ձևով է լինելու, որի կենտրոնը կլինի Շինուհայրը: Իմ կարծիքով մի քիչ էլ ուշացած է այս ծրագիրը: Ճիշտ է գյուղապետարաններում ընդմանեը մեկ երկու աշխատատեղ է կրճատվելու, բայց նոր հաստիքացուցակ է ավելանալու այն մասնագիտությունների համար, որոնք առավել անհրաժեշտ կլինեն համայնքներում: Սզբում բնակիչների մոտ մտահոգություն կար, որ մի տեղեկանքի համար պետք է մի գյուղից գան հասնեն կենտրոն, բայց հետո պարզ դարձավ, որ այդ խնդիրը չի լինելու: Ես ողջունում եմ այս ծրագիրը և էականը այն է, որ Եվրամիության ծրագրով լինելու են ներդրումներ այս միավորված համայնքներում»,-ասաց Երեմյանը:

Նշենք, որ խոշորացված համայնքների կենտրոնում լինելու է ներկայացուցիչ յուրաքանչյուր համայնքից: Այսինքն լինելու են գյուղապետեր, բայց ոչ թե ընտրովի, այլ նշանակովի և կենտրոնում բարձրաձայնելու են իրենց համայնքի խնդիրների մասին:

Հալիձոր համայնքի ղեկավար Մարատ Գերասիմյանը կարծում է, որ համայանքների խոշորացումը այսօրվա տեղական ինքակառավարումից թռիչք է ավելի արդյունավետ կառավարման ապարատի: «Այն իր մեջ կներառի ներդրումներ, ծառայությունների մատուցում»,-հավելեց Գերասիմյանը:

Համայնքապետերը նշում են, որ մինչ համայնքների խոշորացման հանրաքվեն անցկացնելը, նախարարությունը համայնքներում անցկացրել է հանրային լսումներ և քննարկումներ:

Խոտ համայնքի ղեկավար Մարտիրոս Գրիգորյանը հույս հայտնեց, որ օրենքում հետագայում ավելի նոր և լավ գործիքներ կմշակվեն, որպեսզի ֆինանսական միջոցները հավասարաչափ բաժանվեն համայնքների միջև:

«Այն, որ Հայաստանի ՏԻՄ համակարգում պետք է փոփոխություն կատարվի, բոլորս համակարծիք ենք: Մենք հույսով ենք, որ համայնքների կառավարման ապարատների միացումով նոր ծառայություններ կմատուցվեն, նոր մանկապարտեզներ կբացվեն: Պետք է առկա խնդիրները լուծվեն, որպեսզի ծնելիությունը բարձրանա, երիտասարդները չհեռանան գյուղերից, աշխատատեղեր ստեղծվեն, մարդիկ իրենց հողն ու ջուրը մշակեն: Այսինքն սա պետք է նպաստի գյուղերի զարգացմանը: Մենք հույսով ենք, որ այդպես կլինի»,-նշեց Գրիգորյանը:

Քննարկման ավարտին Աշոտ Գալոյանը նշեց, որ գոծընթացի ճակատագիրը կախված է համայնքների բնակիչների հանրաքվեի միջոցով կայացված որոշումից: «Թեև ՀՀ Սահմանադրությամբ տեղական հանրաքվեների որոշումներն Ազգային ժողովը կարող է հաշվի չառնել, սակայն այս պարագայում վերջնականը լինելու է համայնքի բնակիչների կայացրած որոշումը», - նշեց նա՝ հավելելով, որ փորձնական ծրագրի բարեհաջող իրականացման դեպքում խոշորացման գործընթացը կընդլայնվի և իր մեջ կներառի նաև այլ մարզեր և համայնքներ:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Աշխատանք, թե պատվաստում․ ո՞ր տարբերակը կընտրեն քաղաքացիները
16.09.2021
17:41
Հեղինակ՝ Սոֆի Թովմասյան

Հոկտեմբերի 1-ից, աշխատող այն քաղաքացիները, որոնք պատվաստված չեն, պետք է ամսվա ընթացքում 2 անգամ ՊՇՌ թեստի բացասական պատասխան ներկայացնեն իրենց գործատուին։

Պատվաստման սերտիֆիկատ կամ ՊՇՌ թեստ չներկայացնելն ըստ Արդարադատության նախարարության՝ «Հանրային ծառայության մասին» օրենքում փոփոխություններ կատարելու մասին նախագծի սահմանվել է իբրև հանրային պաշտոնյային աշխատանքից ազատելու հիմք։
COVID-19-ը և ՏԻՄ-երի ճգնաժամային հաղորդակցության արդյունավետությունը
14.09.2021
15:00
Սեպտեմբերի 14-ին՝ ժամը 15:00-ին Մեդիա կենտրոնը կազմակերպեց առցանց քննարկում, որի ընթացքում ներկայացվեցին՝ «COVID-19-ը և ՏԻՄ-երի ճգնաժամային հաղորդակցության արդյունավետությունը» թեմայով ուսումնասիրության արդյունքները։
Բանախոսներ՝
- Սեդա Մուրադյան, Հանրային լրագրության ակումբի նախագահ
- Հարություն Ծատրյան, Մեդիա հետազոտող, հանրային հաղորդակցության մասնագետ
Հայերը՝ Կանադայի կառավարման համակարգում. ի՞նչ ծրագրեր ունեն
13.09.2021
14:30
Սեպտեմբերի 13-ին, ժամը 14:30-ին, Մեդիա կենտրոնն առցանց քննարկում կազմակերպեց՝ «Հայերը՝ Կանադայի կառավարման համակարգում. ի՞նչ ծրագրեր ունեն» թեմայով:

Բանախոսներ՝
- Աննա Սիմոնյան, Կանադայի դաշնային ընտրություններին առաջադրված միակ հայ թեկնածու,
- Դավիթ Սանդուխչյան, կանադաբնակ իրավաբան, տեղեկատվական անվտանգության մասնագետ։
Կրթության խնդիրները՝ որակ, հասանելիություն, կոռուպցիա. ինչու՞ արդյունքներ չունենք
10.09.2021
11:00
Սեպտեմբերի 10- ին, ժամը 11:00-ին, Հանրային լրագրության ակումբի «ԱՐԺԵՔավոր զրույց» շարքի հյուրն էր կրթության փորձագետ Սերոբ Խաչատրյանը: Զրույցի թեման՝ «Կրթության խնդիրները՝ որակ, հասանելիություն, կոռուպցիա. ինչու՞ արդյունքներ չունենք»:
Կադրերն են որոշում ամեն ինչ. ի՞նչ տրամաբանությամբ են նրանք նշանակվում
08.09.2021
12:00
Սեպտեմբերի 8-ին՝ ժամը 12:00-ին, Մեդիա կենտրոնում տեղի ունեցավ քննարկում «Կադրերն են որոշում ամեն ինչ. ի՞նչ տրամաբանությամբ են նրանք նշանակվում» թեմայով:
Բանախոսներ՝
- Բորիս Նավասարդյան, Երևանի մամուլի ակումբի նախագահ,
- Հայկ Մարտիրոսյան, Թրանսփարենսի Ինթերնեշնլ հակակոռուպցիոն կենտրոնի իրավական հարցերով փորձագետ
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ